19. júní - 19.06.2001, Blaðsíða 28

ALVARLEG DÆMI
INN Á BORÐ STÍBAMÓTA
„Við höfum fengið alvarleg dæmi um kynferðislega
áreitni í íþróttum inn á okkar borð síðustu árin“
segir Rúna Jónsdóttir, fræðslu- og kynningarfulltrúi
Stígamóta, er hún er innt álits á niðurstöðum könn-
unarinnar um kynferðislega áreitni í íþróttum. Hún
segir útbreiðslu kynferðislegrar áreitni og alvarleika
hennar löngum hafa verið vanmetna á íslandi og
fagnar því allri umræðu um þessi mál. Dæmin sem
hún vitnar til hér að ofan snúa m.a. að þjálfurum
sem hafa nýtt sér aðstöðu sína til að áreita stúlkur
og konur sem þeir hafa verið að þjálfa .
„Einnig höfum við fengið til okkar heilt unglings-
piltalið, þar sem margir hafa orðið fyrir kynferðislegri
áreitni af hendi sama karlþjálfara."
Rúna segir aö sá sem beitir kynferðislegri áreitni
geri það gjarnan í skjóli þess valds sem hann hefur.
Þannig geti þjálfarar til að mynda auðveldlega mis-
notað aðstöðu sína og beitt kynferðislegri áreitni séu
þeir á annað borð í þeim hugleiðingum. Aðspurð
hvernig best sé að bregðast við kynferðislegri áreitni
segir Rúna að þeir sem fyrir henni verði eigi ávallt að
segja frá. „En til þess að þolandi vilji segja frá þarf
að vera til opinber stefna innan til dæmis viðkom-
andi fyrirtækis eða íþróttahreyfingar sem fordæmir
slíka áreitni með öllu. Þá þarf að vera til áætlun um
það hvernig brugðist skuli við áreitninni þannig að
þolandinn viti að málið fari í ákveðinn farveg segi
hann frá áreitninni."
26