Fréttablaðið - 03.12.2010, Page 54

3. DESEMBER 2010 FÖSTUDAGUR6 ● dagur rauða nefsins
Af hverju tekurðu þátt í Degi
rauða nefsins? Af því að dagar Bláa
nefsins eru of margir og langir fyrir
minn minnsta bróður.
Hvernig myndir þú lýsa eigin
nefi? Bein, brjósk og stórt skinn-
þykkildi með tveimur götum fyrir
loftinntak og útblástur. Innra borðið
er mjög æðaríkt og hárugt en
stundum kemur rauð bóla á ytra
borðið sem jafnframt er kjörlendi
svonefndra fílapensla.
Tekur þú í nefið? Ég tek flesta í
nefið í borðtennis enda æfði ég
íþróttina af kappi ungur maður.
Neftóbak hefur skaðleg áhrif á
heilsuna. Ungmenni landsins ættu
að forðast þann forna fjanda.
Ertu með munninn fyrir neðan
nefið? Ehh …já!? Hvers konar spurning er þetta? Það vita það allir að munnurinn
er á enninu hahaha …
Hvað fær þig til að stökkva upp á nef þér? Dónalegt fólk í umferðinni. Þoli
það ekki. Sérstaklega ekki jeppadólga. Tek heljarstökk upp á nefið á mér í stöku
tilfellum.
Hefurðu nef fyrir góðu gríni? Ég held það, en veit það ekki fyrir víst. Aldrei að
vita? eða hahaha, jú er það ekki?.
Syngurðu með þínu nefi? Það kemur fyrir að nef mitt byrji að syngja nánast
upp úr þurru en ég verð sjálfsagt seint talinn mikill söngmaður, jafnvel aldrei.
Rignir stundum upp í nefið á þér? það er helst að maður sofni úti á túni að
það rigni ofan í það en það er svo óþægilegt að það varir varla nema augnablik.
Hverju er þér helst núið um nasir? Að ég sé gleyminn á hluti og hafi ekkert vit
á peningum.
FRÉTTABLAÐIÐ/GVA
Af hverju tekurðu þátt í Degi rauða nefsins? Þetta er
einstakt málefni sem allir vilja leggja lið – þar á meðal ég.
Hvernig myndir þú lýsa eigin nefi? Ákaflega klassískt nef :)
Tekur þú í nefið? Nei – ekki nein efni – ég klíp stundum í
nefið á mér!
Ertu með munninn fyrir neðan nefið? Já – beint fyrir neðan.
Hvað fær þig til að stökkva upp á nef þér? Ekki margt –
sem betur fer.
Hefurðu nef fyrir góðu gríni? Ég vona það – það er mitt
aðalstarf!
Syngurðu með þínu nefi? Já – núna eru það jólalög.
Rignir stundum upp í nefið á þér? Einstaka sinnum – ég
reyni samt að beina nösunum niður á við og horfa beint fram.
Hverju er þér helst núið um nasir? Af fjölskyldunni: Að tína
alltaf öllu og gleyma áríðandi tímasetningum!
EDDA BJÖRGVINSDÓTTIR
FRÉTTABLAÐIÐ/VILHELM
Af hverju tekurðu þátt í Degi rauða nefsins? Fyrst og
fremst af því að nefið fer mér svo vel! Svo finnst mér líka
mikilvægt að leggja mitt af mörkum til að börn sem búa við
hræðilegar aðstæður eigi einhverja von. Ég hef verið
heimsforeldri í nokkur ár og hyggst vera áfram um ókomna
tíð.
Hvernig myndir þú lýsa eigin nefi? Mjög fallegt íslenskt
kartöflunef. Premium.
Tekur þú í nefið? Ekki síðan ég brá búi og flutti á mölina.
Ertu með munninn fyrir neðan nefið? Já!
Hvað fær þig til að stökkva upp á nef þér? Ég er svo
óíþróttamannslega vaxin að mér hefur aldrei tekist að
stökkva upp á nef mér. Aukheldur sem ekki er hægt að
bjóða fallegu íslensku kartöflunefi upp á slíkt.
Hefurðu nef fyrir góðu gríni? Já ég hef lag á að þefa uppi
gott grín hvar sem er og hvenær sem er. Gott grín gulli
betra!
Syngurðu með þínu nefi? Já. Eingöngu.
Rignir stundum upp í nefið á þér? Ekki í seinni tíð. Ekki
mikið.
Hverju er þér helst núið um nasir? Púðri. FRÉTTABLAÐIÐ/ANTON
Af hverju tekurðu þátt í Degi rauða nefsins? Af því að það er
frábært að geta komið fólki til hjálpar, fyrir utan hvað það er
gaman að vinna með öllu þessu skemmtilega fólki.
Hvernig myndir þú lýsa eigin nefi? Húðlitaður rani með tveimur
götum framan á.
Tekur þú í nefið? Nei, ég læt nefið á mér í friði yfirleitt.
Ertu með munninn fyrir neðan nefið? Já, og ég er þekktur fyrir
að geta ekki haldið kjafti.
Hvað fær þig til að stökkva upp á nef þér? Óréttlæti og
miskunnarleysi. Já, og söngvarar sem hafa ekkert að segja en elska
röddina í sér.
Hefurðu nef fyrir góðu gríni? Já, ég hlæ eins og tittlingur allan
daginn.
Syngurðu með þínu nefi? Já, að hluta til.
Rignir stundum upp í nefið á þér? Já, en mér er vorkunn með
það vegna þess að ég er hæfileikaríkari en allir sem ég þekki.
Hverju er þér helst núið um nasir? Að ég sé með munninn fyrir
neðan nefið, að ég syngi með mínu eigin nefi og að það rigni
stundum upp í nefið á mér.FRÉTTABLAÐIÐ/STEFÁN
Kynnar kvöldsins
Guðmundur Kristinn Jónsson, betur þekktur sem
Kiddi, vann við lag Dags rauða nefsins í ár, sem
Retro Stefson á heiðurinn að. En Kiddi hefur áður
komið þar við sögu. „Það var leitað til mín fyrst
þegar við í Baggalúti gerðum lagið fyrir Dag rauða
nefsins. Þá gerðum við lagið Brostu og það er spil-
að annað slagið, sérstaklega á þessum tíma árs. Þá
ákváðum við að fara á stúfana og tala við nokkra
fræga Íslendinga.“ Hver og einn var fenginn til að
syngja smá lagstúf í viðlagið.
Kiddi segir öðruvísi að semja lag fyrir ein-
hvern sérstakan atburð. „Þegar við erum beðnir
um að semja lög sérstaklega reynum við að tengja
þau ekki beint við efnið og minnast helst ekki á
það í laginu. Til dæmis sömdum við lag í tilefni af
áttræðisafmæli Vigdísar Finnbogadóttur og það
lag heitir einfaldlega Gjöf. Þar er hvergi minnst
á Vigdísi, þótt það sé að sjálfsögðu um hana. Þau
í Retro Stefson gera þetta öðruvísi og tengja lagið
beint við efnið, en þetta er alveg frábært lag hjá
þeim. Hljómsveitir eins og Retro Stefson kom-
ast kannski betur upp með það, því textarnir hjá
okkur eru berari og það yrði jafnvel hallærislegra
ef við færum þessa leið.“
Hann segir verkefnið vera hvort tveggja í senn,
bæði skemmtilegt og erfitt. „Maður þarf að setja
sig í ákveðið samhengi og semja lag sem að passar
við.“
Að sögn Kidda finnst honum lítið mál að aðstoða
við upptökur á laginu. „Ég rek stúdíó í Hafnarfirði,
Hljóðrita, og get þar af leiðandi hjálpað eitthvað til.
Það er svo lítið mál fyrir mig að hjálpa með því að
aðstoða við upptökur og gefa nokkra stúdíótíma.
Þegar kemur að þessu, þá er jólatörnin alveg búin og
allar jólaplöturnar eru komnar út. Þá hefur maður
loks alveg nægan tíma fyrir eitthvað svona.“
Þegar Kiddi rifjar upp upptökurnar á
laginu Brostu er honum meðal annars
minnisstæður allur hamagangurinn sem
varð til í kringum verkefnið. „Ég fór
út um allar trissur að hitta á hina og
þessa. Til dæmis heimsótti ég Latabæ
og hitti þar fyrir Magnús Scheving á
hlaupum.“ Af öðrum má síðan nefna
Unni Birnu Vilhjálmsdóttur og Siv
Friðleifsdóttur. „Flestir komu í
stúdíóið til mín en svo þurfti maður
líka að fara heim til einhverra að
taka það upp.“ - gh
Bæði erfitt og skemmtilegt verkefni
ÞORSTEINN BACHMANN GUÐLAUG ELÍSABET ÓLAFSDÓTTIR
ÞORSTEINN GUÐMUNDSSON
Vinningarnir í símaleiknum
eru:
MENNINGARPAKKI:
Miðar á tvær leiksýningar í Borgarleik-
húsið
Bækur frá Forlaginu
Út að borða á Fiskfélagið
Andvirði 86.000 kr.
JÓLAPAKKI:
Sími frá Vodafone
Gjafakort frá Miðborginni okkar
Andvirði 275.000 kr.
HEILSUPAKKI:
Tvö árskort í Baðstofuna Laugum
Útivistarfatnaður frá Zo On
Andvirði 410.000 kr.
HNAKKAPAKKI:
Bókin Lífsleikni eftir Gillzenegger
Mánaðarbirgðir af Hámarki
Brúnkumeðferð frá snyrtistofunni
Gyðjunni
Ómetanlegt til fjár en vænlegt til
vinsælda
FERÐAPAKKI:
Ferð fyrir tvo til Tyrklands með
Heimsferðum
Andvirði 500.000 kr.
SÍMALEIKUR Á DEGI RAUÐA NEFSINS
Meðan á þættinum stendur verður staðið fyrir svokölluðum símaleik. Fólki
er boðið að hringja inn í söfnunarnúmerið 907-1900 þar sem sjálfkrafa eru
dregnar 1.900 krónur af símreikningi fólks til styrktar UNICEF. Með því að
hringja flyst viðkomandi í pott sem dregið er úr fimm sinnum í útsendingunni,
eða einu sinni á hverjum klukkutíma.
Guðmundur Kristinn Jónsson vann
við lag Dags rauða nefsins í ár. Retro
Stefson á heiðurinn að því.