Fréttablaðið - 03.12.2010, Side 55

dagur rauða nefsins ●FÖSTUDAGUR 3. DESEMBER 2010 7
Aðalmarkmið dags rauða nefsins
er að hvetja sem flesta Íslend-
inga til að gerast heimsforeldr-
ar og styðja þannig starf í þágu
bágstaddra barna um allan heim.
Heimsforeldrar styrkja UNICEF
með mánaðarlegri upphæð að
eigin vali en algengustu upphæð-
irnar sem fólk greiðir eru 1.000,
1.500 og 2.000 krónur.
UNICEF trúir því að börn þurfi
vernd, öryggi og umhyggju. Á
hverjum degi snerta samtökin líf
bágstaddra barna í yfir
150 löndum, með því að
veita þeim heilsugæslu,
menntun og vernd gegn
ofbeldi og misnotkun.
Þau sinna langtíma-
þróunaraðstoð og neyðar-
aðstoð í kjölfar náttúru-
hamfara og stríðsátaka.
Heimsforeldrar taka þátt
í þessum mikilvægu verk-
efnum og færa börnum um
allan heim gleði og von.
Ekki átta sig allir á
hverju UNICEF getur
áorkað fyrir styrk frá
hverju heimsforeldri. Sem
dæmi getur heimsforeldri
sem greiðir 1.500 krónur í
einn mánuð gert eitthvað
af eftirtöldu:
● útvegað 1.271 skammt
af A-vítamíni sem styrkir
ónæmiskerfi í börnum.
● gefið 183 börnum saltupplausn
sem hjálpar þeim að berjast við
ofþornun og niðurgang.
● keypt 1.071 vatnshreinsitöflu, en
hver tafla getur hreinsað 4-5 lítra
af vatni.
● keypt tvö malaríu-flugnanet, en
á 45 sekúndna fresti deyr barn í
Afríku af völdum malaríu.
● útvegað 18 HIV-próf fyrir börn
sem eru eldri en 18 mánaða
gömul, en prófið getur sagt til
um HIV-smit á nokkrum mínút-
um – það kostar hins vegar 4.120
krónur að prófa barn sem er
yngra en 18 mánaða gamalt.
● gefið 26 börnum stílabók og
blýant.
● bólusett 85 börn gegn mænu-
sótt.
● útvegað 64 skammta af bóluefni
gegn mislingum.
Gunnar Hansson leikari hefur
ýmsar óvenjulegar hugmyndir
um það hvernig nýta má rauða
nefið. En hann veit líka hvað
UNICEF getur gert fyrir börn í
fjarlægum löndum fyrir and-
virði eins nefs.
Þ ú þarft ekkert endilega að hafa rauða nefið á nef-inu,“ segir Gunnar. „Það
eru ótal önnur not fyrir það. Þú
getur til dæmis notað nefið til æf-
inga á innanhúsgolfi á veturna, án
þess að eiga á hættu að leggja inn-
búið í rúst. Þetta kemur sér mjög
vel fyrir mig, þótt mér þyki nú
skemmtilegra að slá alvöru golf-
kúlur. Svo ef fólki er eitthvað illa
við eða hefur ofnæmi fyrir svita-
lyktareyði þá getur það sett eitt
nef undir hvora hendi og þá dreg-
ur nefið í sig svitann og lyktina.
Bara muna að skola það vel með
vissu millibili. Það er líka hægt
að nota nefið á stútinn á tekatli til
að taka við gufunni, passa bara að
nota ekki sama nefið og var undir
höndunum þótt útkoman af því
gæti orðið forvitnileg. Það þarf
samt að passa sig á að ef nefið
er of lengi á stútnum verður það
fullt af heitum gufum og þá getur
átt sér stað það sem kallast nef-
rennsli.“
Gunnar hikar og segist eigin-
lega þurfa að biðja lesendur af-
sökunar á því að flest sem honum
detti í hug að nota nefið í sé því
miður óprenthæft. „En sumt
gengur þó alveg. Eins og til
dæmis að ef þú ert með blöðru
á tá þá geturðu sett nefið á við-
komandi tá eða á milli tánna svo
skórinn nuddi ekki blöðruna.“
Gunnar þegir um stund en getur
svo ekki stillt sig. „Svo verð ég
að fá að koma með einn svolít-
ið vafasaman að lokum, sem á
samt rosalega vel við mig. Ég hef
bara svona húmor. Rauða nefið er
nefnilega mjög fín prumpusía. Þá
er hægt að nota það á tvo vegu,
annað hvort bara á nefið, eins
og á að gera, þá finnurðu síður
óæskilega lyktina, eða þá að það
er hægt að setja það bara í bux-
urnar. Þá grípur það prumpið,
sem veldur þá minna tjóni. Svo
er líka hægt að búa til svakalega
skemmtilegan leik með nefjunum.
Til þess þarf reyndar að kaupa tíu
nef, sem er ekki á allra færi, en
það er hægt að einfalda leikinn og
nota þá bara eitt nef og setja það
á einn fingur og keppa svo við fé-
laga sína í því hver getur vélritað
mest á einni mínútu með nefið á
fingrinum. Skemmtilegast er auð-
vitað að hafa tíu nef, eitt á hverj-
um fingri, og vélrita þannig í eina
mínútu. Það getur orðið alveg
virkilega skemmtilegt.“ - fsb
Hjálpa sér við að vélrita með nefinu. Hlífa sárum tám. Verja fingurgómana.
Gunnar veit líka allt um það hvað UNICEF getur
gert fyrir andvirði eins rauðs nefs:
„Söluandvirði eins nefs getur útvegað hundrað börnum sem þjást af
ofþornun lífsnauðsynlegar saltupplausnir. Og eitt nef greiðir fyrir átta
börn í HIV-próf. Tvö nef veita 125 börnum skammt af A-vítamíni og
svo framvegis. Fimmtíu nef gera UNICEF kleift að bólusetja 2.058
börn gegn mænusótt.“
MARGVÍSLEGT NOTAGILDI RAUÐA NEFSINS:
Vodafone og starfsfólk þess
leggur UNICEF nú lið í þriðja
sinn á Degi rauða nefsins. Helen
Breiðfjörð, forstöðumaður þjón-
ustuvers Vodafone, segir stemn-
inguna í fyrirtækinu óviðjafnan-
lega og ná hámarki söfnunar-
kvöldið stóra.
„Við vildum leggja okkar af
mörkum fyrir þetta flotta mál-
efni,“ segir Helen, sem hlakkar til
að eyða nokkrum stundum í síma-
veri Vodafone í kvöld. „Stemning-
in í símaverinu er algerlega dás-
amleg og fólk er enn að tala um
það í dag hve gaman var að taka
á móti gjöfum frá litlu börnunum
sem voru búin að spara nammi-
peninginn sinn eða gamla fólkinu
sem vildi leggja eitthvað af mörk-
um þrátt fyrir að hafa lítið milli
handanna sjálft,“ segir Helen og
fær gæsahúð við tilhugsunina.
Hún tók sjálf þátt í símsvöruninni
í fyrra. „Ég man sérstaklega eftir
litla drengnum sem var um sex
ára. Hann ætlaði að sleppa því að
kaupa sér laugardags nammi til
að gefa börnum úti í heimi smá
pening.“
Helen segir marga starfsmenn
Vodafone koma að átakinu. „Fjöl-
margir koma að tæknilegu hlið-
inni og sjá til þess að allt gangi
eins og smurt. Svo voru líka um
60 til 80 starfsmenn sem svör-
uðu í símann í fyrra. Þeir komu
oft með fjölskylduna með sér.
Núna ætlum við líka að vera með
barnahorn svo fólk geti komið
með yngri börnin,“ segir Helen
og telur að það geti enn bætt á
stemninguna.
En eru margir starfsmenn
Vodafone heimsforeldrar? „Ég
er viss um það. Ég er það sjálf
og finnst rosalega mikilvægt að
gefa öðrum af því sem ég hef,“
svarar Helen og hvetur alla til að
hringja og gefa. - sg
Frábær stemning í
símaverinu í kvöld
Helen Breiðfjörð, forstöðumaður þjónustusviðs Vodafone, ætlar að standa
vaktina í símaverinu í kvöld. FRÉTTABLAÐIÐ/STEFÁN
● ALÞJÓÐLEGIR VELGJÖRÐARSENDIHERRAR Velgjörðar-
sendiherrar UNICEF taka þátt í söfnunarþættinum í kvöld.
Gwyneth Palthrow og Robbie Williams munu taka þátt í söfnunarþættin-
um í kvöld með því að segja okkur áhrifaríkar sögur af mansali barna og
hvernig HIV getur smitast frá móður til barns.
Claudia Schiffer sendir Íslendingum stutt skilaboð þar sem hún hvetur
Íslendinga til að styðja við bakið á UNICEF og gerast heimsforeldrar.
Svitalyktareyðir og prumpusía
Vélrita með
einum fingri.
Nota sem
prumpusíu.
FR
ÉT
TA
BL
A
Ð
IÐ
/A
N
TO
N
Heimsforeldrar vernda réttindi barna