Fréttablaðið - 03.12.2010, Side 82

38 3. desember 2010 FÖSTUDAGUR
Mynddiskar ★★★
Með öngulinn í rassinum
Ásmundur og Gunnar Helgasynir
Stjarna á mann
Tvíburabræðurnir Ásmundur og Gunnar
Helgasynir eru skemmtilegir og áhugasamir
veiðimenn. Það skín í gegn á diskinum sem
geymir þáttaröðina með Öngulinn í rassinum
sem sýnd var á Skjá einum í fyrravor. Áður
hefur Gunnar gert veiðidiskana Af hverju
tekur laxinn og Svona tekur laxinn. Ragnheiður
Thorsteinsson framleiðir alla diskana.
Reynt er að gera margar skemmtilegar hugmyndir að veruleika í Með
öngulinn í rassinum. Fastir liðir í hverjum hinna sex þátta eru til dæmis
flugukastkeppni og spjall við þriggja manna öldungaráð.
Meginþráðurinn í þáttunum er hins vegar keppni þeirra bræðra í að
veiða flesta laxa. Fóru þeir nokkra túra í Laxá í Aðaldal, Vatnsdalsá og Langá
sumarið 2009. Við blasir að veiðiefnið sem náðist í hús hefur ekki verið
eins mikið að gæðum og að var stefnt í upphafi til að halda uppi sex þátta
seríu. Fyrir veiðimenn virka þættirnir því útvatnaðir. Mikið af uppfyllingarefni
megnar ekki að breiða yfir það þótt afþreying inn á milli sé stundum ágæt
(hverjum datt eiginlega í hug að stangveiðimenn sérstaklega hafi áhuga á
því að heyra ofan í spákerlingu heima í stofu?). Garðar Örn ÚIfarsson
Niðurstaða: Með öngulinn í rassinum stendur nokkuð að baki fyrri veiði-
myndum Gunnars og Ragnheiðar þótt inn á milli leynist skemmtilegar tökur
sem vísast eiga eftir að ylja víða í vetur.
Jón Gnarr borgarstjóri afhjúp-
aði styttu af Reykjavíkurskáld-
inu Tómasi Guðmundssyni við
Reykjavíkurtjörn í gær.
Styttan er verk myndhöggv-
arans Höllu Gunnarsdóttur og
sýnir Tómas sem ungan mann þar
sem hann situr á bekk við göngu-
stíg við suðurenda Tjarnarinnar.
Segir í tilkynningu frá Reykja-
víkurborg að jakkaföt Tómasar
og hárgreiðsla gefi skírskotun
til fjórða áratugar síðustu aldar
þegar ljóðabókin „Fagra veröld“
kom út.
Borgarfulltrúinn Kjartan
Magnússon átti hugmyndina að
styttunni en Tómas hefði orðið
110 ára 6. janúar næstkomandi.
- þj
Tómas tyllir sér við Tjörnina
TYLLTU SÉR HJÁ TÓMASI Andrés Magnússon, Halla Gunnarsdóttir og Jón Gnarr borg-
arstjóri tylltu sér við hlið Tómasar á bekk við Tjörnina. FRÉTTABLAÐIÐ/STEFÁN
LÚR - BETRI HVÍLD
HLÍÐASMÁRI 1
201 KÓPAVOGUR
SÍMI 554 6969
FAX 554 3100
WWW.LUR.IS
LUR@LUR.IS
www.lur.is
Úrval rúma, sófa og hvíldarstóla
10:00 – 18:00mánfös
Opið:
lau 11:00 – 16:00
Margir litir í boði – Frábær verð í gangi
Listasafn Reykjavíkur efnir til
málþings á Kjarvalsstöðum á
sunnudaginn þar sem innkaupa-
stefna safnsins verður krufin og
rætt um listasöfn og listaverka-
söfnun frá ýmsum hliðum. Mál-
þingið er haldið í tengslum við sýn-
inguna Ný aðföng 2006-2010.
„Þetta er mjög tímabær
umræða,“ segir Oddný Eir Ævars-
dóttir, rithöfundur og safnaheim-
spekingur, sem verður meðal
frummælenda. „Umræðan um
safnastefnuna hefur vissulega
verið til staðar innan safnanna
og myndlistarmenn hafa tekist á
um hana en almenningur hefur að
mestu leyti staðið fyrir utan hana.
Það gæti til dæmis verið mjög
gaman að opna þessa umræðu fyrir
almenningi með því að halda sýn-
ingu sem sýndi hvernig safnastefn-
an hefur orðið til í gegnum árin,
fundargögnin og allt saman.“
Í hópi frummælenda eru auk
Oddnýjar þau Gunnhildur Hauks-
dóttir, myndlistarmaður og stjórn-
armeðlimur Nýlistasafnsins,
og Hafþór Yngvason, safnstjóri
Listasafns Reykjavíkur. Einnig
taka þátt í umræðum Birta Guð-
jónsdóttir, Hrafnhildur Schram
og Sólveig Aðalsteinsdóttir en þær
hafa allar setið í innkaupanefnd
safnsins á síðastliðnum árum. Jón
Proppé listheimspekingur stýrir
umræðum. Málþingið hefst klukk-
an 15.
Innkaupastefnan
krufin til mergjar
ODDNÝ EIR Vill opnari og markvissari umræðu um söfnunarstefnu listasafna á
Íslandi. FRÉTTABLAÐIÐ/ANTON
Helga Kress lét af störfum
við Háskóla Íslands á síð-
asta ári eftir áratuga starf.
Á morgun verður málþing
til heiðurs henni haldið í
Háskóla Íslands.
„Við töldum fulla ástæðu til að
heiðra Helgu Kress sem lét af
störfum í fyrra eftir áratuga starf
við Háskóla Íslands sem prófess-
or í almennri bókmenntafræði.
Hún er einn merkasti fræðimað-
ur okkar á sviði norrænna mið-
aldabókmennta, íslenskrar bók-
menntasögu og brautryðjandi í
femínískum bókmenntarannsókn-
um við Háskóla Íslands,“ segir
Irma Erlingsdóttir, forstöðumað-
ur Rannsóknarstofu í kvenna-
og kynjafræðum sem stendur að
málþinginu í samstarfi við EDDU
– öndvegissetur og bætir við að
Helga hafi verið einn stofnenda
Rannsóknastofu í kvenna- og
kynjafræðum og formaður stjórn-
ar hennar um árabil. Helga hafi og
gefið út fjölda rita um rannsóknir
sínar, það nýjasta Óþarfar unnust-
ur, sem kom út á síðasta ári.
Sigríður Þorgeirsdóttir sem stað-
ið hefur að undirbúningi málþings-
ins, ásamt Irmu, segir marga ekki
gera sér grein fyrir því hversu
merkur fræðimaður Helga Kress
sé. „Hún ruddi brautina í femín-
ískum fræðum og fékk fyrir það
mikla gagnrýni frá karlveldinu.
Það var gert grín að þessari nýj-
ung. Nú þegar litið er til baka þá
er ljóst að hún er mjög fræðilega
sterk og rannsóknir hennar mjög
vel ígrundaðar.“ Sigríður bend-
ir á að Helga hafi opnað glugga
inn í greiningaraðferðir sem voru
ofarlega á baugi erlendis og borið
ferska strauma inn í háskólasam-
félagið íslenska.
Irma segir að fræðistörf Helgu
spanni vítt svið og málþingið á
morgun endurspegli þá fjölbreytni.
Málþingið verður haldið í hátíðar-
sal aðalbyggingu Háskóla Íslands
og hefst klukkan 10.30. Ókeypis er
inn og allir velkomnir.
sigridur@frettabladid.is
Til heiðurs Helgu Kress
HELGA KRESS Var prófessor í almennri bókmenntafræði við Háskóla Íslands þegar
hún lét af störfum í fyrra. Hún er nú prófessor emeritus.
FJÖLBREYTT DAGSKRÁ Á MÁLÞINGI
10.30-10.40: Setning: Irma Erlingsdóttir, fundarstjóri.
10.40-12.00: Már Jónsson: „Máttvana meyjar á öndverðri 19. öld.“ Sigrún
Pálsdóttir: „Hreyfimynd með hljóði frá 19. öld eftir Þóru Pétursdóttur.“
Halldór Guðmundsson: „Viðtöl, bréf og velktar myndir. Um heimildir við
ævisagnaritun.“
Umræður
12.00-13.00: Hlé
13.00-14.40: Guðrún Nordal: „Svarið Steinvarar: Um systur og eiginkonur
Sturlunga.“ Jón Karl Helgason: „Sögusagnir: Sjónarhorn á íslenskar miðalda-
bókmenntir.“ Sveinn Yngvi Egilsson: „Náttúra Huldu.“ Guðni Elísson: „Ofríki,
illgirni og dómgreindarskortur. Þrjár kvenlegar dyggðir í ríki kreppunnar.“
Umræður
14.40-15.00: Kaffi
15.00-16.20: Steinunn Sigurðardóttir: „Óttinn við áhrif. Frá Málfríði til
Málfríðar.“ Dagný Kristjánsdóttir: „Hulda og Halldór.“ Sigríður Þorgeirsdóttir:
„Er Moby Dick ‘máttug mær’? Um kreppu, karlmennsku og kynjasamskipti í
hvalveiðisögu Melville.“ Umræður
16.20 – 18.00: Léttar veitingar
Málþingið er öllum opið meðan húsrúm leyfir.