Faxi - 01.04.2006, Blaðsíða 14

Er þetta svæði þegar farið að taka vel við sér og
lofar góðu, en sú litla gróðurmold sem þarna
er að finna virðist vera ákaflega rýr af næring-
arefnum.
17. starfsár 1972 - 1973
Elliheimilanefnd lét mikið að sér kveða á árinu
og kom af stað miklum og fjörlegum umræðum
um sín mál. Voru menn almennt þeirrar skoð-
unar að meira þyrfti að gera fyrir aldraða en að
senda þeim smá gjafir og ámaðaróskir á jólum.
Var því samþykkt að veita kr. 90.000 úr líknar-
sjóði til kaupa á sjónvarpstæki og fjórum stólum
í setustofu elliheimilisins. Jafnframt var hverjum
vistmanni þar send peningaupphæð kr. 1.500 að
gjöf.
Tíundi fundur starfsársins var haldinn 24.
janúar og varð hann í styttra lagi, en að morgni
23. feb. gerðist sá válegi atburður í Vestmanna-
eyjum, að eldgos komið upp í Heimaey rétt við
kaupstaðinn.
í febrúar tók klúbburinn þátt í fjársöfnun til
Vestmannaeyinga, sem fram fór á vegum Hjálp-
arstofnunar Kirkjunnar. Söfnuðu félagar milli 60
til 70 þúsund krónum. Einnig aðstoðuðu félagar
við móttöku á búslóðum Eyjamanna, sem hing-
að voru fiuttar með skipum og komið hér fyrir í
geymslu.
18. starfsár 1973 - 1974
Haldið var kútmagakvöld, sem tókst með mikl-
um ágætum. Eftir þetta vel heppnaða kútmaga-
kvöld kom fram tillaga frá nokkrum félögum að
eiginkonum yrði framvegis boðið að taka þátt
í þessum gleðskap. Urðu all snarpar umræður
um málið en svo fór að lokum, að tillagan var
kolfelld af miklum meirihluta félaga sem vilja
að þetta kvöld verði eingöngu ætlað sem herra-
kvöld.
Líkt og áður veitir klúbburinn ýmsum góðum
málum fjárstuðning og er það helst nýtt að nefna
í þeim málum að veittar voru krónur 10.000 í
söfnun er nefnist Indversk augu.
Arleg sáðning grasfræs fór fram um vorið.
Kom fram hugmynd um að dreifa fræinu með
flugvél. Ekki fékk sú hugmynd góðan hljóm-
grunn. Töldu menn handsáðninguna þegar hafa
sýnt, að hún hefði einnig sáð góðri samstöðu
meðal félaga og bæri því að halda henni áfram.
19. starfsár 1974 - 1975
Fjáröflun gekk bærilega á árinu. Perusalan fór
fram samkvæmt dagskrá og voru seldir 1100
pokar. Þá fór fram sala á flugdrekum, en hún
varð dræm náðist aðeins að selja fyrir helmingi
af innkaupsverði. Þá fór klúbburinn í samstarf
við Njarðvíkurklúbbinn um söfnun á brotajárni.
Hagnaður af þeirri söfnun lét lengi á sér standa,
enn sem stendur er hagnaður af henni aðeins
hreinna land. Menn eru þó bjartsýnir á að þetta
framtak muni síðar gefa af sér einhvern pening.
Með fjölgun Lionsklúbba á Suðurnesjum hef-
ur markaðssvæði klúbbsins minnkað til muna.
Hefur klúbburinn misst mörg góð sölusvæði s.s.
Grindavík og Sandgerði. Lionsfélagar á þessum
Hafsteinn Guönason og Þorsteinn Erlingsson. A milli þeirra er Soffía Karlsdóttir.
stöðum eru að vonum viðkvæmir fyrir komu
annarra sölumanna inn á sitt svæði. Því hefur
klúbburinn hætt allri sölu á þeim stöðum þar
sem Lionsklúbbur er fyrir. Því var sælgætissölu
Lk. Freys frá Reykjavík harðlega mótmælt, er
félagar úr þeim klúbbi komu hingað í söluferð.
Töldu félagar hér sig hafa virt sölusvæði annarra
og vildu því fá að vera með sitt svæði í friði.
20. starfsár 1975 - 1976
A þessum árum hefur miljónarmæringum
heldur betur fjölgað enda er verðgildi peninga
nú afar lágt og fer stöðugt lækkandi. Hagn-
aður af perusölunni þetta árið verður til dæmis
500.000 krónur eða hálf miljón og þótti engum
mikið. Þá kom inn í kassann 109.000 krónur
fyrir brotajárnið, sem safnað var á síðasta ári. Á
árinu fór fram sala á Rauðu fjöðrinni og gekk sú
sala allvel.
Eitt stærsta verkefnið á þessum árum er kaup á
augnlækningartækjum. í mars var tilkynnt á fundi
að öll tækin væru komin til landsins utan eins og
voru tæki þessi afhent læknishéraðinu hér í lok
mánaðarins. Einnig var samþykkt að veita kr.
50.000 í kaup á sjúkrabifreið fyrir héraðið, en þar
með var peningakassinn nær tómur og tímabært
að huga að öflun meira fjár í kassann.
21. starfsár 1976 - 1977
Perusalan gekk vel um haustið og varð hagn-
aður nálægt kr. 500.000. Fremur dræm mæting
var hjá félögum til sölunnar, en tveggja manna
er getið fyrir frábæran árangur í sölunni, þeirra
Garðars Jónssonar og Hinriks Albertssonar.
Fyrirkomulag konukvölda kom til nokkurr-
ar umræðu. Kom fram sú hugmynd að gera
konukvöldin menningarlegri. Meirihluta félaga
fannst óþarfi að breyta því fyrirkomulagi sem er
á þessum kvöldum, núverandi fyrirkomulag sé
bara harla gott.
Þá kom fram öðru sinni sú hugmynd að veita
eiginkonum aðgang að hinu girnilega matar-
borði, sem ávallt væri á kútmagakvöldum. Þessi
hugmynd fékk sem áður lítinn hljómgrunn.
Á árinu kom augnlæknir til starfa í Keflavík,
var það Úlfar Þórðarson. Klúbbfélagar mættu
á heilsugæsluna þegar hún var opnuð og vildu
með því vekja athygli á starfi klúbbsins varðandi
Lionsfundur á Flughóteli
14 FAXI