Frjáls verslun - 01.04.2001, Síða 32

FORSÍÐUGREIN SAMEINING SJUKRflHUSfl
verði hjá tvöföldun kostnaðar við kaup á sérhæfðum tækni-
búnaði og að sérhæfðu starfsfólki verði ekki skipt á marga
staði. „Einnig er ljóst að stjórnunarkostnaður minnkar við
sameininguna og einnig kostnaður við stoðþjónustu. Aftur á
móti er þrýstingur á aukinn kostnað við heilbrigðisþjónust-
una, m.a. vegna þess að þjóðin er að eldast og þörf fyrir heil-
brigðisþjónustu eykst með hækkandi aldri og tækninýjungar
gera heilbrigðisþjónustunni kleift að veita meiri og betri þjón-
ustu. En slíkt kostar auknar fjárveitingar til heilbrigðisþjón-
ustunnar sem draga má úr með því að ná því hagræði í rekstri
sem sameiningin býður upp á.“
Sameiningin mun kosta aukið fé til að byrja með Þetta á sér-
staklega við um stofnkostnað vegna þess að þegar sérgreinar
eru fluttar saman þá þarf að aðlaga húsnæði og tæknibúnað
að hinni sameinuðu starfsemi og það kostar fé. „En stofn-
kostnaður eykst aðeins í upphafi og eftir að sérgreinar hafa
verið sameinaðar þá næst fram hagræðing," segir Anna. „Til
að greiða fyrir sameiningunni var veitt auknu fé til spítalans á
síðasta ári og einnig á þessu ári. Um var að ræða 150 milljónir
fyrir hvort ár. En einnig var krafist hagræðingar á þessu ári
en það höfum við gagnrýnt vegna þess að sameining er ekki
farin að skila ávinningi á þessu ári nema að takmörkuðu leyti.
Fjárlög þessa árs voru lækkuð um 140 milljónir vegna rekst-
urs og 70 milljónir vegna viðhalds og tækjakaupa en síðan var
veitt 150 milljónum sérstaklega vegna sameiningar."
Breytt fjármögnunaraðferð Verið er að kostnaðargreina alla
þjónustu sem veitt er á spítalanum til að hægt sé að gera
skýra grein fyrir því hvað einstakir þættir í rekstrinum kosta.
„Við erum búin að kostnaðargreina kvennasviðið og nú erum
við að prófa þar alþjóðlegt reiknilíkan í samvinnu við stjórn-
völd til að sjá hversu nákvæmt það er og hvort það getur ver-
ið grunnur að breyttum fjárveitingum sem byggjast á fram-
leiðnimælingum í stað fastra fjárlaga sem við nú búum við,“
segir Anna. „Breytt tjármögnunaraðferð byggist á þeirri
hugmyndafræði að hluti af rekstrarfé spítalans verði í formi
fastra fjárlaga og hluti í formi breytilegra fjárlaga sem
bundinn er umfangi rekstursins. Þessi aðferð hefur verið
reynd í nokkrum nágrannalöndum okkar og við höfum verið
að skoða reynslu þeirra." Þessi aðferð hvetur stofnanir til að
auka framleiðni sína á hagkvæman hátt og gæti því verið
áfangi í að stytta biðlista eftir þjónustu en þeir eru í nokkrum
tilfellum of langir. Landspítali-Háskólasjúkrahús getur aukið
framleiðni sína og t.d. tjölgað aðgerðum en slíkt kostar aukið
rekstrarfé. „Við verðum að laga reksturinn að fjárlögum
ársins. Viðbótarkostnaður við að auka framleiðni á spítal-
anum er talsvert lægri
en meðalkostnaður því
við nýtum fastan
kostnað betur. T.d.
buðum við heilbrigðis-
ráðuneytinu að kaupa
viðbótaraðgerðir á tals-
vert lægri upphæð en
meðalkostnaður er við
aðgerðirnar og við
erum í viðræðum við
ráðuneytið um það
mál.“ [H
Ingólfur Sveimson geðlœknir vill sjúkratryggingar aftur: „Ef almenningur
vaknar við þann vonda draum að skattgreiðslur í ríkissjóð gefi engan eða
óvissan rétt tilþjónustu, þá fara kannski að fœðast kröfur."
Ingólfur Sveinsson geðlœknir:
Verðskyn fólks á
heilbrigðisþjónustu
Efiir Vigdísi Stefansdóttur
Sameining stóru spítalanna gerir þetta ríkisfýrirtæki ógnar-
stórt á íslenskan mælikvarða. Eins og fornaldardýr sem
dagað hefur uppi í nútímanum þarf það sérstakar tilfæring-
ar tíl að halda lífi. Sambandslaust við neytendur sína er það hins-
vegar í afar meðvirku sambandi við ríkissjóð sem viðheldur lífi
þess. A sinn hátt er það eitt af hagstjórnartækjum ríkisins. Hefur
verið látíð svelta tímum saman, bæði í kreppu og þenslu. Þessi
ríkisútgerð getur kannski gengið eitthvað lengur, sérstaklega ef
ríkið rígheldur í þá stefhu að koma í veg fýrir samkeppni frá öðr-
um rekstrarformum, eins og gert hefur verið með heilsugæsl-
una, að banna einkaaðilum að hefja rekstur. Þar sem sjúkratrygg-
Á venjulegum degi á Landspítala-Háskólasjúkrahúsi
• er tekið á móti 180 einstaklingum á slysa- og bráðamóttökum
• koma 1100 manns á dag- og göngudeildir
« eru 1050 manns á legudeildum
• fæðast 8 börn
* fara 50 í skurðaðgerðir
• eru 54 svæfðir og/eða deyfðir af svæfingarlækni
• eru 45 sjúklingar á vöknun í eftirliti eftir skurðaðgerðir
• eru 390 röntgenrannsóknir gerðar
• fá 400 sjúklingar meðferð hjá sjúkraþjálfara
* er lyfjakostnaður 2,7 milljðnir króna
* gefa 56 einstaklingar blóð
• framleiðir eldhúsið 4450 máltíðir
• falla til um 3,3 tonn af sorpi
FERÐASKRIFSTOFA ÍSLANDS
RÁÐSTEFNUDEILD
Sími: 585 4300 • Fax: 585 4390
conferences@icelandtravel.is
www.ferdaskrifstofa.is
32