Frjáls verslun - 01.04.2001, Síða 97

FÓLK
Eftir Vigdísi Stefánsdóttur
W
Eg starfa sem sölu- og
markaðsstjóri heilsu-
lindarinnar við Bláa lón-
ið og hef starfað fyrir fyrir-
tækið frá því í október 1998,“
segir Magnea Guðmunds-
dóttir, kynningarstjóri Bláa
lónsins. „Starfið, sem felur í
sér umsjón með sölu- og
markaðsmálum baðstaðarins
er bæði skemmtilegt og gef-
andi. Auk hefðbundinna
starfa sem tengjast markaðs-
málum, eru samskipti við
innlenda og erlenda fjöl-
miðla mikilvægur þáttur
starfsins.“
Sem dæmi má nefna að á
síðasta ári heimsóttu um 400
blaðamenn Bláa lónið. Vin-
sælasta morgunþætti Banda-
ríkjanna „The Today Show“
var sjónvarpað beint frá Bláa
lóninu í maí árið 2000. Og
Magnea Guðmundsdóttir, kynningarstjóri Bláa lónsins, segir fátt betra til slökunar en að fara í líkamsrœkt
að morgni og líta í góða bók að kvöldi. FV-mynd: Geir Olafsson.
Magnea Guðmundsdóttir, Bláa lóninu
tæplega ári síðar var hinum
vinsæla morgunþætti Stöðv-
ar 2, „íslandi i bítið“ sjón-
varpað beint frá Bláa lóninu.
Bláa lónið hefur einnig feng-
ið umijöllun í þekktum tíma-
ritum eins og Vogue, Wallpa-
per og Tatler.
„Vöxtur fyrirtækisins hef-
ur verið mikill á undanförn-
um árum og það fylgir því
bæði orka og hvatning að
starfa hjá svona framsæknu
fyrirtæki þar sem allir leggj-
ast á eitt við að ná sem best-
um árangri,“ segir Magnea.
,Á baðstaðnum starfa um 50
manns þegar mest er og það
er frábært að finna þennan
mikla áhuga á öllum víg-
stöðvum."
Magnea ólst upp í Kefla-
vík og lauk stúdentsprófi frá
Fjölbrautaskóla Suðurnesja í
maí 1990. Að stúdentsprófi
loknu lá leið hennar vestur
um haf þar sem hún lagði
stund á nám í almanna-
tengslum og markaðsfræð-
um við University of Ala-
bama. Hún lauk BA námi í
maí 1994 og MA gráðu í al-
mannatengslum og auglýs-
ingafræðum frá sama skóla
ári síðar.
„Að námi loknu starfaði
ég í eitt ár við almannatengsl
hjá ráðgjafafyrirtækinu
Resource Development
Group í Birmingham Ala-
bama. Frá Birmingham lá
leiðin til Dallas þar sem ég
starfaði við markaðsrann-
sóknir og ráðgjöf hjá Summit
Inc. International. Það var
mjög skemmtileg upplifun
að starfa í Dallas þar sem ég
vann meðal annars að árlegri
sýningu Society of Ex-
ploration Geophysicists
(SEG) sem er ein stærsta sýn-
ing/kaupstefna innan olíu-
iðnaðarins.
Eg flutti til íslands í árs-
byrjun 1998 og hóf þá störf
við markaðsmál hjá Búnað-
arbankanum Verðbréfum.
Verðbréfaheimurinn er mjög
heillandi, en þegar mér
bauðst starf markaðsstjóra
Bláa lónsins flutti ég mig um
set og hóf störf hjá fyrirtæk-
inu í október sama ár. I mín-
um huga er það mjög sér-
stakt að finna svona áhuga-
vert starf við bæjardyrnar.
Það má því segja að það hafi
ekki hvað síst komið sjálfri
mér á óvart að ég skyldi
finna svona skemmtilegt
starf á æskuslóðunum þar
sem ég er búsett í dag. Starf-
ið hjá Bláa lóninu stendur
vissulega upp úr og það má
segja að hversu áhugavert
fyrirtækið og starfið er hafi
farið fram úr mínum björt-
ustu vonum. Það er einnig
skemmtilegt að segja frá því
að félagar mínir í Bandaríkj-
unum sem lögðu stund á
sama nám og ég, verða alltaf
jafn undrandi þegar þeir sjá
hversu mikið er fjallað um
Bláa lónið í þarlendum fjöl-
miðlum."
Magnea er einhleyp og
barnlaus en hefur helst
áhuga á ferðalögum, líkams-
rækt og lestri góðra bóka.
Frítímanum eyðir hún gjarn-
an með fjölskyldu og vinum.
„Vinnudagurinn getur verið
annasamur og því er mikil-
vægt að slaka vel á og hlaða
rafhlöðurnar reglulega,“ seg-
ir hún. „Eg byija daginn oft á
því að fara í líkamsrækt og
síðan jafnast ekkert á við það
að líta í góða bók í lok dags-
ins. Eg hef mjög gaman af
því að ferðast og því er það
mikill kostur að starfinu
fylgja töluverð ferðalög.
Þannig er óhætt að segja að
þar sameinist starfið og
áhugamálið! Síðasta ár er
mér að mörgu leyti minnis-
stætt ekki hvað síst vegna
þess að Bláa Lónið hf. tók
þátt í Heimssýningunni í
Hannover og það var ein-
staklega skemmtilegt að fá
tækifæri til að vera bæði við
opnun heimssýningarinnar
og á sérstökum Islandsdegi.
Nú svo nota ég hvert tæki-
færi sem gefst til að endur-
nýja kraftana í heilsulindinni
Bláa lóninu!" SH
97