Frjáls verslun - 01.04.2002, Blaðsíða 93

LUNDÚNflPISTILL SIGRÚNflR DflVÍÐSDÓTTUR
fá reyndar 10 milljónir punda í viðbót, sem þeir áttu að fá ef Go
yrði selt fijótt aftur, en ekki hafa skuldir British Airways dregist
mikið saman undanfarið. Um verðið segir Grikkinn Stelios Haji-
Ioannou að félag hans hafi ekki verið tilbúið iyrir ári síðan. I
fyrstu virtist Barbara Castani ætla að bera harm sinn í hljóði, ef
einhver væri, enda mættu þær 16-20 milljónir punda, sem salan
gæti fært henni fyrir sinn hlut, lina nokkurn harm. En viti menn,
nú eru Grikkinn og Castani komin í hár saman. Hann segist hafa
boðið henni aðstoðarforstjórasætið, sem hún hafi þegið, en hann
bætir því við að tilfinningar og stærilæti dragi nú úr dómgreind
hennar - já, alltaf er kvenfólki núin tilfinningasemi um nasir.
Castani segist hvorki hafa fengið boð um né þegið annað sætið
og virðist reið út í íjárfestingarfélagið 3i fyrir að selja í stað þess
að fara með fyrirtækið á markað eins og hún vildi. Allt bendir því
til að hér sé einhver tryllir í uppsiglingu og útkoman er því óviss-
ari en áður. Það er líka óvíst hver áhrif sölunnar á Go verða á þró-
un fargjalda. Það er engin launung að lággjaldafélögin vildu
gjarnan hækka verðið, þó Ryanair þoli reyndar lága verðið vel.
Samkeppnin minnkar, þegar 50 flugvéla sameinað fyrirtæki Go
og Easyjet með yfir 12 milljónir farþega, keppir við Ryanair sem
er með 44 vélar. Flugfélögin Buzz og Basiq Air, sem eru í eigu
KLM, Virgin Express og BMI eru miklu minni, en keppa engu
að síður mjög hart.
London eða Pafís Og nýju félögin hafa mikið að segja. Vinkona
mín í Kaupmannahöfn benti mér nýlega á að það væri mun hag-
stæðara fyrir okkar samgöngur að ég byggi í London en París. A
leiðinni Kaupmannahöih-London keppa tvö lággjaldaflugfélög,
auk þeirra stóru, en á leiðinni Kaupmannahöfir-París eru þeir
stóru einir. Það er litið mál að fljúga á milli Kaupmannahafnar og
London fyrir um og undir 12 þúsundum íslenskra króna, en frá
Kaupmannahöfn til Parísar er verðið tvöfalt hærra. En það er
ekki alltaf allt sem sýnist þegar kemur að lágu fargjöldunum.
Þegar sextán ára sonur minn fór til Kaupmannahafnar nýlega
borgaði hann aðeins um 6 þúsund krónur fyrir að fljúga til Málm-
eyjar með Ryanair. Lága verðið er áþreifanlegt: brottfararspjöldin
eru plastspjöld, sem eru notuð aftur og aftur. En við farið bættust
um 3.400 krónur fyrir lestina til og frá Stansted og um 2.500
krónur fyrir rútuna fram og til baka yfir Eyrarsundsbrúna til og
frá Kaupmannahöfn. Samtals kostuðu farseðlar því 11.900 krón-
ur. Okkur hafði láðst að muna kraft samkeppninnar. Auðvitað
hefur SAS brugðist við eins og Flugleiðir gerðu þegar Go flaug til
íslands. Ódýrasti miðinn hjá SAS á leiðinni Kaupmanna-
höfn-London er núna um 15 þúsund krónur. Og kostnaðurinn er
sáralítill með neðanjarðarlestinni fram og til baka til Heathrow
þar sem SAS lendir. Óneitanlega iiggja Heathrow og Kastrup bet-
ur við farþegum en flugvellir Ryanair.
EasyJet er Óseðjandi Eftir þetta áttu menn nú ekki von á frekari
tíðindum í flugfélagakaupum á næstunni. En nú hefur spurst út
að Easyjet sé óseðjandi í vöxt og beri víurnar í Deutsche BA
dótturfélag British Airways. KLM hyggst bregðast við þessu
með því að sameina Buzz og Basiq Air, en ekkert heyrist enn af
Ryanair. Lággjaldafélögin dafna og enn um hríð dugir því að
spara fyrir flugmiðunum með því að ganga um miðborg London
- í stað þess að taka neðanjarðarlestina. H3
GJALDÞROTITV DIGITAL SJÓNVARPSSTÖDVARINNAR
Bæði David Beckham og Eddie Forest eru knattspyrnumenn,
Beckham hjá Manchester United, Forest hjá skoska Motherwell.
Beckham er nýbúinn að endurnýja samninginn við sitt lið, sem
felur í sér 92 þúsund pund á viku, ríflega 10 milljónir íslenskra
króna. Motherwell hefur nýlega rift tveggja ára samningi sínum
við Forest og bauð honum 250 pund, um 35 þúsund krónur, í
miskabætur. Forest lét peningana liggja. Eins og fleiri knatt-
spyrnumenn, sem hefur verið sagt upp af þvi félögin hafa ekki efni
á að standa við samninga sína eftir að ITV Digital slökkti og lok-
aði, ætiar Forest í mál við sitt félag, Motherwell.
David Beckham finnur hins vegar ekki fyrir gjaldþrotinu því
ITV hafði ekki gert samninga við úrvalsdeildarliðin, heldur liðin í
English Nationwide League og Scottish League. I ensku samtök-
unum eru um 1.650 atvinnumenn og um eitt þúsund í þeim
skosku. Allt bendir til að 619 leikmenn verði í atvinnuleit eftir upp-
sagnirnar miklu sem verða í sumar. Þeir, sem halda skónum,
verða vísast margir hvetjir að samþykkja lægri laun. Knattspyrnu-
félögin eru þegar farin að segja upp leikmönnum og fiögur þeirra
eru komin í greiðslustöðvun.
Var það nokkurn tímann raunsætt að ITV Digital gæti
greitt fótboltasamtökunum 350 milljónir punda á þremur
árum fyrir að sjónvarpa leikjum þeirra? í óðauppgangi auglýs-
ingamarkaðarins og fótboltageirans undanfarin ár virtist þetta
hinn besti samningur í augum þeirra, sem draga alltaf allar lín-
ur beint áfram og upp. Mörg félaganna tóku sæluna út fyrir-
fram með því að taka lán og hækka laun knattspyrnumann-
anna. Laun í ensku deildunum íjórum, hjá 92 knattspyrnufé-
lögum þar, hækkuðu um 20 prósent milli áranna 1999-2000,
eða úr 620 milljónum punda í 747 milljónir. Það ár greiddu
sextán félaganna hærri laun en sem nam veltunni. Ofan í
þessa þenslu dembdust svo milljónirnar frá ITV.
Eftir þessa kollsteypu líta ijárfestingar í knattspyrnufélögum
álíka girnilega út og fjárfestingarnar í dottkomm- og símageir-
anum eftir kollsteypurnar þar. Spurningin er svo hversu lengi
áhrifin vara og hvernig þau munu lýsa sér. Og á meðan bíða
knattspyrnuunnendur eftir þvi að breska stjórnin taki á sig rögg
og skeri úr um framtíð þjóðarleikvangsins Wembley. tS3