Frjáls verslun - 01.04.2002, Blaðsíða 47

TÖLVUR EJS
Eiginfjárhlutfall EJS síðastliðin fjögur ár.
„Cul and paste“ - klippa og ll'ma „Þótt vöxturinn verði mikill
við það að komast inn á nýja markaði erlendis þá er forsenda
útrásarinnar mikill styrkur heima fyrir. Hugur hefur ekki
getað boðið þjónustu á breiðu sviði heldur hefur hann verið
stórt fyrirtæki á tiltölulega þröngum markaði, þ.e. verið með
viðskiptakerfi fyrir dreifingar- og framleiðslufyrirtæki. Nú er
þar orðin breyting á eftir að hugbúnaðardeild EJS, sem í
meira en tvo áratugi hefur einbeitt sér að hugbúnaðar-
lausnum fyrir banka, flármálafyrirtæki og verslanir, er komin
inn í Hug. Núna er getan meiri og hægt verður að sinna
stærri viðskiptavinum. Áhrifin af sameiningunni birtast
sömuleiðis í því að dýptin verður meiri. Með öðrum orðum;
viðskiptavinir Hugar verða fleiri og stærri, auk þess sem
hægt er að sinna fleiri verkefnum fyrir hvern og einn. Fyrir
vikið næst upp meiri sérhæfing og þekking sem gerir útflutn-
ing á sams konar verkefnum og lausnum sem unnin eru hér
heima mun auðveldari og markvissari. Sumir kynnu að nefna
þetta „klippa og líma aðferðina - „cut and paste“ aðferðina"
svo stuðst sé við þekktan frasa úr heimi tölvanna. Við flytjum
það út sem við kunnum og gerum vel hér heima.“
EJS International verður að standa sig Olgeir segir að Ejs
International hafi verið burðarásinn í útflutningi EJS á hug-
búnaði til þessa. „Útrásin hófst árið 1993 til Norðurlandanna
með sölu á MMDS vörustjórnunarkerfi til dönsku kaupfélag-
anna, FDB. Helsti viðskiptavinur EJS
International frá árinu 1995 hefur verið Dairy
Farm í Hong Kong sem rekur nokkrar versl-
anakeðjur vítt og breitt í Asíu. Á siðasta ári
ákvað fyrirtækið að draga saman seglin
vegna versnandi efnahagsástands og það
bitnaði á okkur. Það sýndi okkur líka hversu
sveiflukennt það er að byggja viðskipti svo
mikið á einum viðskiptavini þótt hann sé stór,
öflugur og góður. Þess vegna verður EJS
International núna að finna sér fleiri markaði,
sérstaklega á Norðurlöndum og í Evrópu, og
afla tekna upp á eigin spýtur með það vegar-
nesti þó í höndum að hafa úr fleiri lausnum
að spila sem ættaðar eru frá stærra og öfl-
ugra hugbúnaðarhúsi, Hug.“
EJS er nú að koma undan erfiðu tapári
eftir að hafa skilað hagnaði í samfelld
ellefu ár þar á undan. Ekki er gert ráð fyrir
miklum hagnaði á þessu ári heldur frekar á
því næsta þegar breytingarnar verða
farnar að skila sér af fullum þunga.
einbeita sér að henni. „EJS mun einbeita sér að sölu búnaðar
og þjónustu við tölvukerfi viðskiptavina sinna, auk hýsingar
og ráðgjafar. Þar tel ég okkur eiga nokkur sóknarfæri. Við
erum með mörg þekkt vörumerki, eins og Dell, Sun, NCR,
3Com, Microsoft og Cisco. Tölvusala hefur verið á uppleið
hjá okkur undanfarna mánuði eftir nokkurn samdrátt. Öll ytri
tákn benda einnig til þess að salan eigi eftir að vaxa á þessu
ári. Ég geri mér þó grein fyrir að á þessum markaði erum við
að keppa við þekkt merki frá Nýheija, Aco-Tæknivali og Opn-
um kerfum og verðum að hafa okkur alla við til að ná stærri
sneið af kökunni.“
Upplýsingatækni forsenda aukinnar framleiðni Að sögn
Olgeirs hafa fyrirtæki í upplýsingatækni verið í lægð um allan
heim eftir það bakslag sem varð í efnahagslífi flestra þjóða á
síðasta ári. „Tekjur stórra fyrirtækja í upplýsingatækninni í
Bandaríkjunum hafa t.d. dregist verulega saman. Það er einu
sinni svo að í niðursveiflu hættir fyrirtækjum til að draga
saman í upplýsingatækni í sparnaðarskyni þótt flestir séu
sammála því að án hennar nái fyrirtæki ekki árangri til langs
tíma. Hún er forsenda aukinnar framleiðni og hagkvæmari
reksturs. Það má því segja að það geti verið afar tvíbent að
byrja á að skera þar niður lendi fyrirtæki í andstreymi. Að
sama skapi gefur þörfin á upplýsingatækni fyrirtækjum í
þeirri grein stöðug sóknarfæri í að selja og framleiða. Það
verður best gert með enn meiri sérhæfingu og enn meiri ein-
beitingu á hvoru sviði fyrir sig; nokkuð sem við erum núna að
skerpa á með skipulagsbreytingunum."®]
MewdCd
-setur brag á sérhvern dag!
Tölvusalan við Grensásveg Um tækjasöluna
segir Olgeir að EJS við Grensásveginn muni
47