Frjáls verslun - 01.07.2003, Blaðsíða 32

Guðmundur
Kjærnested
skipherra.
Eigendur
Ekki hefur verið mikið gefið upp um eignarhaldið
á TransAtlantic Lines og Adantsskipum. Þó er
ljóst að í upphafi áttu Brandon og Guðmundur
bandaríska félagið til helminga en síðan hefur það
breyst, bandarísku Ijárfcstarnir American Automar
komið inn og farið út aftur. í kringum árið 2000 átti
Brandon 50%, Guðmundur 49% og faðir hans,
Símon Kjærnested, lögg. endursk., 1% í Atíants-
skipum. í Atlantsolíu er skiptingin líklega aðeins
öðruvísi og hluthafarnir fleiri, m.a. Stefán Kjærne-
sted. Bandaríska félagið American Automar er
komið út úr félögum Guðmundar og Brandons,
skv. heimildum Fijálsrar verslunar. Hli
Fyrirhugað er að opna sjálfsafgreiðslubensínstöð á athafna-
svæði Atlantsolíu í Hafnarfirði innan nokkurra mánaða, þá
fyrstu af tíu.
séð um íslandssiglingar skv. samningi fyrirtækisins um flutn-
ing fyrir bandaríska herinn. Guðmundur hætti hjá Van
Ommeren í ársbyrjun 1998 og tók Atiantsskip skömmu síðar
þátt í útboði um siglingarnar en fékk þær þó ekki fyrr en
haustið 1999. Þetta gekk ekki þrautalaust fyrir sig, m.a. vegna
þess að keppinautar Atlantsskipa, og þá ekki síst Van
Ommeren, gagnrýndu það harðlega og héldu t.d. fram að
fyrirtækið hefði ekki tiltækt skip til siglinganna strax frá upp-
hafi og að skipakostur þess væri vanbúinn í siglingu yfir
Norður-Atlantshafið að vetri. Þegar samningurinn um frakt-
siglingarnar fyrir herinn var í höfn, eða svo gott sem, var því
áfrýjað til Ríkisendurskoðunar Bandaríkjanna og síðan til
áfrýjunardómstóls þar í landi og loks féll dómur Atlants-
skipum í vil um áramótin 1999-2000. Fyrirtæki Guðmundar
og Brandons voru þá með alla flutninga fyrir herinn milli
Islands og Norður-Ameríku. TransAtlantic Lines höfðu samið
um bandaríska hlutann, 35 prósent flutninganna, og Atlants-
skip þann íslenska, eða 65 prósent. Félögin sjá í dag einnig
um vöruflutninga milli Bandaríkjanna og Kúbu.
TÍU bensínstöðvar Hávær gagnrýni var á Guðmund og fyrir-
tæki hans í ijölmiðlum á þessum tíma. Guðmundur lýsti því í
blaðaviðtölum að markvisst væri unnið gegn fyrirtækinu,
m.a. af hálfu íslenska utanríkisráðuneytisins og að íslensk
stjórnvöld hygluðu Eimskipum. Má segja að sár tónn hafi
verið í forsvarsmönnum Van Ommeren en fyrirtækið hafði
m.a. kostað Guðmund til MBA-námsins. Atlantsskip og
TransAtiantic Lines voru talin hafa boðið mjög lágt verð í
siglingarnar og bjuggust ýmsir við að Atíantsskip yrði fljót-
lega gjaldþrota. Það gerðist ekki. Þá hefur Atlantsskip verið
harkalega gagnrýnt af Jónasi Garðarssyni, formanni
Sjómannafélags Reykjavíkur, fyrir að sniðganga „eðlilega
þátttöku í samfélaginu“ eins og hann hefur orðað það. Jónas
hefur líkt stefnu Atlantsskipa gagnvart sjómönnum við þræla-
hald þar sem félagið hafi eingöngu erlenda sjómenn í starfi,
„illa haldna erlendra sjómenn í ríkjum þar sem er skortur á
mat og öðrum nauðsynjum" og þessum sjómönnum hafi
verið borgað langtum minna en starfsbræðrum þeirra frá
öðrum löndum.
Undanfarið ár hefur verið viðburðaríkt hjá Atlantsskipum.
Fyrirtækið flutti í nýtt húsnæði við Kópavogshöfn í ársbyrjun
og þá hefur fyrirtækið Atlantsolía, sem er einkum í eigu
þeirra Brandons Rose og Guðmundar Kjærnested og
ljölskyldna þeirra, hafið olíusölu til stórnotenda. Fyrirhugað
er að opna tíu bensínstöðvar með sjálfsafgreiðslu á næstu
misserum og er stefnt að því að sú fyrsta verði opnuð við olíu-
tankana við Hvaleyrarholt innan tveggja mánaða. Talið er að
þessi ijárfesting kosti um 300 milljónir króna og að hún komi
að mestum hluta úr vasa Brandon Rose og fjölskyldu.
Draumurinn er að ná tíu prósenta markaðshlutdeild og til
þess að hann verði að veruleika er meiningin að hafa kostnað-
inn í lágmarki og selja lítrann krónu ódýrar en keppi-
nautarnir. Arsvelta Atlantsskipa og TransAtlantic Lines er um
20 milljónir Bandaríkjadollara eða um 1,6 milljarðar króna.
Stefán Kjærnested, fráfarandi framkvæmdastjóri Atiants-
skipa, hefur látið hafa eftir sér að fyrirtækið hafi skilað hagn-
aði síðustu ár.
Rétt er að geta þess að ítrekað var óskað eftir viðtali við Guð-
mund Kjærnested, stjórnarformann Atiantsskipa, við vinnslu
þessarar greinar en Guðmundur hafnaði því algjörlega að koma
sjónarmiðum sínum á framfæri. Hl]
32