Frjáls verslun - 01.09.2004, Side 47

Magnús Þorsteinsson
verður starfandi
stjórnarformaður
Avion Group.
fllþjóö-
legur
flugrisi
Þegar sameining Atlanta og Islandsflugs á sér
stað um áramótin og Avion Group kemst form-
lega á koppinn verður samsteypan langstærsta
félagið í þjónustuleigu í öllum heiminum.
Eftír Guðrúnu Helgu Sigurðardóttur
Það hefur verið lengi í farvatninu að stofna eignarhaldsfélag en
það hefur kannski ekki verið ljóst lengi að það yrði nefnt þessu
nafni. Við höfum alltaf kynnt þetta sem Air Atlanta Aviation
Group en ákváðum síðan að nafnið yrði Avion Group, ekki síst til
að fyrirtækin innan samsteypunnar myndu halda sínum einkennum
vegna þess að við vorum búnir að byggja upp ákveðinn markað í
hverjum geira. Stofnun félagsins hefur verið í burðarliðnum í rúmt
ár en vinnan í kringum þetta hófst fyrir rúmum sex mánuðum. Fyrir
rúmu ári stefndum við að því að fara á markað og þá vorum við bara
að tala um Air Atlanta tlugfélagið en því var frestað. Sú ákvörðun var
síðan endurskoðuð fyrir sex mánuðum og hugmynd um að fara með
samsteypuna á markað kom fram. Við réðum Hannes Hilmarsson og
Magnús Stephensen frá Flugleiðum til að vinna í þessum eignarhalds-
félagsmálum og er stefnt að því að fara með samsteypuna á markað
næsta vor,“ segir Halþór Hafsteinsson, forstjóri Air Atlanta.