Frjáls verslun - 01.09.2004, Page 91

Aðalsteinn Guðmundsson
Læknir og forstöðumaður á Hrafnistu
Líka brothættir
Beinþynning herjar
einnig á karlmenn
Okkur er tamt að líta svo á að karlar hafi sterkari bein en
konur. í uppvextinum safna karlar líka meiri beinmassa en
konur og hafa yfirleitt stærri bein. Þrátt fyrir það geta þeir
einnig þjáðst af beinþynningu þegar árin færast yfir og lent
í þvf að brotna við minnsta átak.
Iðulega hefur verið rætt um beinþynningu sem sjúkdóm
kvenna og enn eru konur í meirihluta þeirra sem brotna af
hennar völdum. Margt bendir þó til þess að beinþynning sé
vaxandi vandamál hjá körlum, einkum á efri árum. Athyglisvert
er að karlar fara verr út úr beinbrotum vegna beinþynningar
heldur en konur.
Regluleg hreyfing og styrking vöðva dregur úr hættu á byltum
og þar með beinbrotum. Til að hamla gegn beinþynningu er
einnig nauðsynlegt fyrir alla aldurshópa að fá nægilegt kalk
og D-vítamín. Þetta á ekki hvað síst við um þá sem komnir
eru yfir miðjan aldur. Mjólk og mjólkurvörur eru áhrifaríkasti
kalkgjafinn.
BEINVERND