Morgunn - 01.12.1979, Síða 46

ÆVAR R. KVARAN:
SKÝRSLA FORSETA
SÁLARRANNSÓKNAFÉLAGS ÍSLANDS
á áðalfundi félagsins þ. 23. apríl 1979.
Síðastliðið ár var merkisár í sögu félagsins, því þá voru sextíu
ár liðin frá stofnun þess, 1918. Minntist ég sem ritstjóri
MORGUNS þessara tímamóta í tímaritinu og sé ekki ástæðu
til þess að endurtaka það hér. 1 tilefni afmælisins, sem var 19.
desember 1978, ákvað stjórn félagsins að gefa út afmælisrit
og var mér sem forseta félagsins falið að annast það að öllu
leyti. Ég lagði til að þetta afmælisrit væri notað meðal annars
til þess að minnast nokkurra látinna félaga, sem á sínum tima
höfðu mikil áhrif á íslendinga í ræðu og riti með ummælum
sínum og fræðslu um mikilvægi kenninga spiritismans. Lagði
ég til að bók þessi bæri nafnið LÁTNIR LIFA. Efni hennar
er fyrst og fremst úrvalsritgerðir eftir sjö menn, sem allir urðu
þjóðkunnir fyrir ritsmiðar um þetta efni og margt fleira. Fyrst
og fremst valdi ég í bókina ritsmíðar eftir aðalfrumherjana,
sem stofnuðu Sálarrannsóknafélagið, þá Einar H. Kvaran,
skáld, og séra Harald Níelsson, guðfræðiprófessor. Rit annarra
látinna félagsmanna, sem ég valdi i bókina, voru eftir skáldið
og rithöfundinn Guðmund Friðjónsson, ljóðskáldið Jakob Jóh.
Smára, Jónas Þorbergsson, rithöfund og fyrrverandi útvarps-
stjóra, séra Kristin Daníelsson og séra Svein Víking. Þetta
voru allt löngu þjóðkunnir og virtir menn.
1 tilefni þessa sextíu ára afmælis skrifaði ég útvarpsleikrit,
sem flutt var í Ríkisútvarpinu þann 19. janúar á siðastliðnu
ári. Leikrit þetta er að því leyti sérstætt í islenskum bókmennt-