Morgunn - 01.12.1979, Qupperneq 50

128
MORGUNN
á sjúkrahús, og ekki var mér vel við það í öllum önnunum. En
ég naut þess að hafa frábærlega duglega meðstjórnendur sem
björguðu öllum málum meðan ég var veikur og kröfðust þess
að ég færi gætilegar. Ég færi öllum þessum vinum minum og
samstarfsmönnum hlýjustu þakkir mínar við þetta tækifæri.
Þann 18. desember var félagsfundur að Hallveigarstöðum.
Þar flutti Helgi P. Briem fyrrverandi sendiherra erindi sem
hann nefndi Fataskipti sálarinnar. Helgi hefur sem sendiherra
þjóðar sinnar dvalið langdvölum erlendis og jafnan verið
spiritisti, og hafði hann frá mörgu mjög fróðlegu að segja um
þessi efni.
Enginn félagsfundur var í janúar á þessu ári, en 19. febrúar
og 19. mars voru félagsfundir og flutti forseti félagsins erindi
á þeim báðum. Fyrra erindið nefndi hann: Höfum viS lifáö
áSur? og hið síðara: HvaS gerist á dauSastundinni?
Ég tel rétt að geta þess hér að á síðastliðnu ári, áður en
Eileen Roberts kom til okkar, var Maris Haraldssyni falið að
rannsaka sálræna hæfileika viss fólks, sem taldi sig hafa eitt-
hvað til brunns að bera á því sviði. Fékk Maris aðgang að
herbergi því i Garðastræti, sem félagið hafði leyft Hafsteini
miðli notkun af. Árangur af þessum rannsóknum virtist í heild
ekki nógu jákvæður samkvæmt mati Marisar. Það er ekki
óeðlilegt, því Maris gerir miklar kröfur, því hann var um
aldarfjórðungsskeið vinur og samstarfsmaður (oft sitjari) hjá
Hafsteini. Maris er skyggn maður og að því leyti vel fallinn
til slíkra athugana. Hann lýsti fyrir okkur i Morgni sýnum
þeim er hann sá í minningarþjónustu þeirri, sem við gengumst
fyrir vegna fráfalls Hafsteins, en sú þjónusta hefur síðan verið
ógleymanleg þeim sem voru staddir í Háteigskirkju það kvöld.
Gerðar höfðu verið ráðstafanir til þess að taka ræður og tónlist
þessarar minningarþjónustu og hljóðrita, en allar tilraunir til
þess mistókust með svo dularfullum hætti, að við urðum að
lokum að fallast ó að til þess væri ekki ætlast.
Ég vil þakka Maris fyrir tilraunir hans fyrir félagið, þótt
þær hafi ekki borið árangur. Við sýndum þó með þessu við-
leitni.