Morgunn - 01.06.1990, Qupperneq 53

MORGUNN
Dulræn skynjun dýra
Æðri skynjun hjá hundum
Þrátt fyrir þá staðreynd að mörg dæmi um hunda með
fjarskynjunar hæfileika hafi vakið athygli dulsálarfræðinga
í gegnum árin, þá hafa tiltölulega fáar tilraunir verið gerðar
varðandi það hvort allir hundar búi yfirleitt yfir slíkum
hæfileika. Eina eftirtektarverða undantekningin frá þessari
staðreynd var starf sem Dr. J.B. Rhine innti af hendi snemma
á tímaskeiði þessara rannsókna þegar hann enn var starf-
andi við Duke-háskólann. Sagan er áhugaverð vegna þess
að prófanirnar voru studdar af bandaríska hernum. Fyrir
mörgum árum höfðu fulltrúar frá hernum samband við Dr.
Rhine og inntu hann eftir því hvort hann teldi að þjálfa
mætti hunda til þess að finna með dulrænum hætti jarð-
sprengjur sem grafnar hefðu verið í jörðu á orrustuvöllum.
Hernum var mikil alvara með þessar athuganir. Ef hund-
arnir byggju yfir slíkum hæfileika, þá mætti spara mörg
mannsb'f í orrustum. Rhine játaði að hann vissi ekki hvort
þetta væri mögulegt en lýsti sig fúsan til þess að reyna að
komast að þessu með tilraunum. Samstarf hersins var fólgið
í því að fjármagna framkvæmdina. Eina skilyrðið sem þeir
settu var að alger leynd hvíldi yfir verkefninu.
Tilraunirnar voru ekki framkvæmdar á Durham svæðinu
heldur í San-Francisco í Kaliforníu, og þar voru þær gerðar
fjölmargar á ströndinni fyrir norðan borgina. Rhine lét
starfsfélaga sína grafa niður litla kassa út með ströndinni.
Þeir þjónuðu hlutverki gervisprengja og 5 kassar voru
grafnir niður fyrir hverja tilraun. Þá var hundaþjálfari, sem
ekki hafði hugmynd um hvar kassarnir voru grafnir, feng-
inn til að fara með hundana eftir ströndinni og merkja við
þá staði sem talið var að sprengja væri undir. Hundarnir
höfðu verið þjálfaðir til þess að setjast niður þegar þeir
greindu einhvern kassanna. Gerðar voru 203 tilraunir á 3ja
mánaða tímabili. Hundunum tókst að staðsetja sprengjurn-
ar með rétt rúmlega 50% árangri. Það var vel yfir því marki
51