Morgunn - 01.06.1991, Blaðsíða 10

Guðmundur Sæmundsson:
MÉR VAR STÝRT í ÞETTA STARF
Viðtal við Maggý Guðmundsdóttur, miðil
Sálarrannsóknafélags íslands
- Mig langar til að segja þér að það kemur stundum fyrir
að það eru komnar manneskjur hinum megin frá, áður en
fólkið mætir í viðtal til mín. Hér settist eitt sinn inn hjá mér
maður sem ég sá eins skýrt og ég sé þig. Það var sama hvað
ég sagði við hann, hann hló alltaf að mér.
Eg sagði: „Heyrðu vinur, farðu bara; komdu svo þegar
þinn tími kemur."
Hann sat bara og hló. Ég hugsaði með mér að þetta væri
svo sem allt í lagi. Ég fór bara að gantast við hann og bauð
honum kaffi.
Svo sem korteri seinna kemur hingað stúlka. Ég lýsi fyrir
henni manninum. Hún hélt nú að hún þekkti manninn vel.
Það hefði einmitt verið hans stíll að koma svona fram. Hún
sagði að hann hefði verið afar sterkur og ákveðinn maður í
lífinu.
Ævi og uppruni
Við erum að ræða við íslenskan miðil. Þetta er þó enginn
miðiisfundur. Hún er hvorki í dásvefni né öðru annarlegu
ástandi. Hátíðleikinn og grafalvarlegt yfirbragðið sem allir
búast við þegar þeir hitta miðil, er ekki fyrir hendi. Þórunn
Maggý Guðmundsdóttir ræðir um sjálfa sig, miðilshæfileika
sína, framliðna vini, afstöðu til annars lífs, endurholdgun
og fleira eins og við hin ræðum um veðrið og verðlagið.
Við biðjum hana þó fyrst að segja dálítið frá sjálfri sér.
8