Morgunn - 01.06.1991, Blaðsíða 88

Útdráttur úr skýrslu
MORGUNN
sinna megi enn betur þeirri starfsemi sem fram fer hjá því
og gera afgreiðslu alla hraðvirkari.
Ég vil sérstaklega geta hér mikillar góðvildar þeirra hjóna
Ingvars Björnssonar og Þóru Magnúsdóttur í garð félags-
ins, en þau gáfu því í vetur 4 prýðisgóða stóla sem komu sér
vel. Ég vil einnig geta um þátt Ingvars í því að festa á blað
nánast flest það sem farið hefur fram í starfsemi félagsins
og hefur hann afhent þau gögn á skrifstofu þess, stjórnend-
um til upplýsingar og upprifjunar og jafnvel afnota eftir
nánara samkomulagi. Þetta er mikilsvert framlag. Þá er þess
ógetið að Ingvar kom hvern þann dag sem búast mátti við
að snjór yrði til óþæginda á tröppum húsnæðis félagsins og
mokaði af þeim, félagsmönnum og starfsfólki til mikillar
ánægju og þakklætis.
Ég nefndi hér áðan að áhugi fjölmiðla á dulrænum málum
hefði aukist verulega. Er það vel að mörgu leyti en ég verð
þó að viðurkenna að ég hef uppi ákveðnar efasemdir þar að
lútandi. Starfsfólk Sálarrannsóknafélagsins hefur ekki skor-
ast undan því að taka þátt í ýmisskonar viðtölum og þátta-
gerðum þessara miðla þegar til þess hefur verið leitað, m.a.
vegna þess að mikilvægt er að rödd þess heyrist í öllum þeim
klið sem nú ríður yfir um þessi mál í fjölmiðlum. En það er
því miður eðli fjölmiðla oft á tíðum að leita uppi eða taka við
efni sem að þeim er ýtt og er á einhvern hátt krassandi og
líklegt til að auka sölu eða hlustun af þeim sökum. Þess
vegna er alltaf hætta á þegar svona fjölmiðlabylgja gengur
yfir að með fljóti ýmislegt sem betur rnætti kyrrt liggja og á
ég þar fyrst og fremst við umfjöllun um svartagaldur ým-
isskonar og jafnvel djöfladýrkun. Einnig vil ég nefna til-
hneigingu til þess að etja saman þjóðkirkju landsins og s.k.
nýaldarfólki, sem er reyndar hreyfing sem mér finnst að
Sálarrannsóknafélagið sé ekki endilega hluti af. En það er
leitt til þess að vita hversu umburðarlyndið er lítið hjá
mörgum í þessum málum en inn á það atriði mun ég þó ekki
fara frekar hér að þessu sinni.
Það er ekki síður mikilvægt nú en fyrr fyrir Sálarrann-
sóknafélagið að hafa sitt á hreinu í þessum efnum og slaka
ekki á þeim kröfum sem það gerir til sjálfs sín og þess
86