Morgunblaðið - 06.09.2009, Side 12

12 Stjórnmál
MORGUNBLAÐIÐ SUNNUDAGUR 6. SEPTEMBER 2009
Eftir Agnesi Bragadóttur
agnes@mbl.is
S
teingrímur, það er
orðið ljóst að Icesave-
samningurinn í núver-
andi mynd, með þeim
fyrirvörum sem Al-
þingi hefur sett fyrir
samþykki á ríkis-
ábyrgð, er langt frá því að vera sá
samningur sem Svavar Gestsson og
co. undirrituðu í sumar og þú hugs-
aðir þér í upphafi að keyra óbreytt-
an í gegnum Alþingi. Er ekki ljóst
að þeir fyrirvarar sem gerðir voru á
samningnum af Alþingi hafa bjarg-
að miklum hagsmunum fyrir Ís-
land?
„Það eru tvær fullyrðingar í þess-
um spurningum þínum, sem ég get
ekki skrifað upp á. Sú fyrri, að
þetta sé í grundvallaratriðum
breytt mál. Það er það ekki, því
miður. Hin seinni er sú, að ég hafi
ætlað að knýja málið í gegn
óbreytt.
Auðvitað er þetta í grunninn sami
lánasamningurinn, sem verið er að
veita ríkisábyrgð á, en með fyrir-
vörunum er sett ákveðin efnahags-
leg umgjörð um það hvernig Ísland
geti efnt samninginn. Það getur
haft talsverð áhrif á greiðslurnar og
getur þýtt að endursemja þurfi um
málin. Ef þær aðstæður skapast,
eins og skýrt er tekið fram í lög-
unum, að það stefni í það á ein-
hverjum tíma, að lánið verði ekki að
fullu endurgreitt við lok samnings-
tímans, þá taka aðilar upp viðræður.
Það er megininntak þeirra breyt-
inga sem Alþingi gerði á frumvarp-
inu um ríkisábyrgð. Vissulega er
þetta umgjörð sem segja má að
skapi Íslandi aukið öryggi og setur
þak á það hversu þung greiðslu-
byrðin getur orðið á endurgreiðslu-
tímanum. En þetta er í grunninn
sama óláns Icesave-málið og sami
lánasamningurinn sem Ísland ætlar
að reyna að efna, en á þann hátt
sem tiltekið er í þeim fyrirvörum
sem Alþingi samþykkti.
Fyrir mér er aðalatriði málsins
það, að við séum að komast í gegn-
um þetta erfiða mál sem var hér
óleyst og hindraði framgang ann-
arra mála. Það er enn of snemmt að
segja til um það, að við séum komin
í gegnum þetta mál, en við skulum
sjá til hver viðbrögð verða, eftir
nokkra daga.“
Stórt og þungbært mál
- Liggur ekki fyrir að þeir fyrir-
varar sem samþykktir voru á Al-
þingi í síðustu viku eru um leið mik-
ill áfellisdómur yfir þínum störfum
og störfum þeirra manna sem þú
settir í samningagerðina?
„Ég er algjörlega ósammála því.
Ég held að ekkert hafi verið leitt
fram, sem afsanni það, að allir þeir
sem að þessum samningum komu,
samninganefndin sjálf, ráðgjafar
hennar og þeir sem voru henni til
aðstoðar í stjórnkerfinu, hafi reynt
sitt allra besta til að ná sem bestri
mögulegri niðurstöðu fyrir Ísland.
Sannarlega náðust mun hagstæðari
lánskjör en stefndi í í vetur, lán til
lengri tíma án vaxta og afborgana í
sjö ár, sem skiptir okkur miklu máli
á meðan við erum að koma okkur út
úr erfiðleikunum og lengra lán á
föstum tiltölulega hóflegum vöxtum.
Þannig að því verður aldrei á
móti mælt, að þegar þessi lána-
samningur er borinn saman við
hugmyndir um að ljúka málinu, sem
uppi voru í október og nóvember í
fyrra, með láni fyrir allri upphæð-
inni til tíu ára, sem bæru fulla vexti
frá fyrsta ári og afborganir hæfust
af eftir þrjú ár, að þar er ólíku sam-
an að jafna. Þetta er mun hagstæð-
ari lánasamningur fyrir Ísland og
gefur okkur miklu meira svigrúm
til að koma okkur upp úr erfiðleik-
unum, þótt auðvitað sé þetta áfram
mjög stórt og þungbært mál fyrir
Ísland. Það eru bara óraunhæfar
kröfur að ætlast til þess að komið
sé heim með lítinn og sætan samn-
ing, þegar verið er að leysa stórt og
vont mál. Það þýðir ekkert að
rembast við að reyna að gera þá að
sökudólgunum í þessu máli, sem
voru að reyna að leysa það.“
Ósanngjarnar fullyrðingar
- Steingrímur, þetta hefur þú
margoft sagt undanfarnar vikur.
Þetta er farið að hljóma eins og
klisja úr munni þínum. Samt sem
áður hefur umgjörðin tekið miklum
breytingum í meðförum Alþingis og
líklega er þorri Íslendinga þeirrar
skoðunar að niðurstaðan sé mun
betri og ásættanlegri en í stefndi,
þegar málið kom til meðferðar
þingsins í júlíbyrjun. Hvers vegna
getur þú ekki viðurkennt að þeir
sem þú settir til starfa í Icesave-
samningunum voru einfaldlega ekki
hæfir og starfi sínu vaxnir?
„Ég viðurkenni það ekki, Agnes
Bragadóttir, vegna þess að samn-
ingurinn er óbreyttur og fullyrð-
ingar um vanhæfni samninganefnd-
arinnar eru einfaldlega bæði rangar
og ósanngjarnar. Samninganefndin
kom heim með mun betri samning,
en í stefndi sl. haust að samið yrði
Erum ein fjölskyl
Morgunblaðið/Kristinn
Önnum kafinn Steingrímur J. Sigfússon, fjármálaráðherra hefur verið önnum kafinn undanfarna mánuði. Hann kveðst vera í ágætu fjöri og því víli hann ekki fyrir sér að vinna 12 til 16 tíma á dag.
Steingrímur J. Sigfússon, fjármálaráðherra og formaður VG, er algjörlega sannfærður um að engin leið önnur
hafi verið fær fyrir íslensku þjóðina en að klára Icesave-málið. Frekari frestur á málinu hefði að hans mati aðeins
komið til með að kosta þjóðina enn meira. Steingrímur ræðir í samtali við Morgunblaðið Icesave-samninginn,
stjórnarsamstarfið, stöðu efnahagsmála, það sem framundan er, persónuna Steingrím J. Sigfússon og fleira.
 Fjármálaráðherra segir Íslendinga ekki hafa átt neitt val  Nauðsynlegt hafi verið að leysa
Icesave  Telur að ríkisstjórnin sitji út kjörtímabilið  Segir erfiðan vetur framundan