Saga - 1952, Side 86

344
mundur gríss á Þingvöllum, faðir Þóru, síðari
konu Þorvalds. Magnús, bróðir Þorvalds, var
beinlínis fóstursonur Þorláks biskups, og vígði
hann báða til prests, Þorvald og Magnús. Þeg-
ar vér ennfremur vitum, að Þorvaldur var nán-
asti trúnaðarmaður Þorláks biskups, er hann
lá á bandasænginni, má fara nærri um, hvort
Þorvaldur sjálfur muni ekki hafa trúað biskup-
inum fyrir hjartansmálum sínum og leitað ráða
hans og trausts, er mikils þurfti við, en biskup-
inn hefur verið nálægt 27 árum eldri en Þor-
valdur.
Að vísu hefur faðir Þorvalds, Gizur Hallsson,
ráðið mestu um, hvar leitað skyldi gjaforðs
handa þessum verðandi höfðingja Haukdæla,
en jafnvíst verður að telja það, að biskupinn,
dáandi og alúðarvinur hins unga manns, muni
hafa látið sig þetta mál miklu skipta. Nú gat
mærin ekki fastnað sig sjálf, það kom í þessu
falli til kasta móðurinnar, og hefur að líkind-
um varið auðsótt, er eftir var leitað, að þessi
ráðahagur tækist.
Þegar vitað er, að Þorvaldur kvæntist ekki
fyrr en mörgum árum eftir dauða Klængs
biskups, getur enginn vafi á því leikið, að Þor-
lákur biskup hefur vitað full skil á, hvert orð
fór af uppeldi Jóru biskupsdóttur og lífi og
háttum móður hennar. Hinum siðavanda bisk-
upi hefur vafalítið fallið hvorttveggja vel í geð,
því að ella hefði hann spornað gegn þessu ráði
Þorvalds vinar síns. — Sögnin um meinbugi á
þessu hjónabandi verður ekki gerð að umtals-
efni hér. Þó skal þetta sagt: „Þorlákr biskup