Saga - 1967, Qupperneq 54

346
HARALDUR SIGURÐSSON
Hér að framan hefur verið gert ráð fyrir, að Vínlands-
kortið sé ófalsað, en nokkru yngra og af öðrum stofni
en útgefendur telja réttast. Nú er ekki því að leyna, að
hugmyndinni um fölsun var hreyft þegar við útkomu bók-
arinnar, enda voru dæmin til, að slíkt væri brallað, og
þá vænst að setja tímamörkin ekki alltof fjarri samtíð
okkar. Þá er ekki framar að ræða um kort í landfræði-
legum eða kortasögulegum skilningi, en um heimildir og
forrit breytir það litlu, því að „allir hlutir eru gerðir af
nokkru efni“, falsanir jafnt sem annað. Prófessor Eva
G. R. Taylor, kunnur sérfræðingur um forna siglinga-
fræði og sögu landafundanna, staðhæfir, að Vínlands-
kortið sé nútímafölsun. Hún er nú látin, en hafði í smíð-
um bók eða ritgerð þess efnis. Útkoma hennar hefur dreg-
izt vegna heilsubrests höfundarins, og er mér ókunnugt,
hvort hún fékk lokið verki sínu eða það hefur verið prent-
að. Nokkrar niðurstöður rannsókna hennar birtust síð-
ara hluta vetrar 1966 í Sunday Times, og var sagt frá
þeim í íslenzkum blöðum. Er þar talið upp allmargt korta
og kortasafna, sem frúin hyggur að liggi til grundvallar
fölsuninni. Nær það jafnt til forna korta sem nýrra. Ef
treysta má frásögn blaðanna, ég hef aðeins séð hinn ís-
lenzka útdrátt greinarinnar í Sunday Times (Vísir, 12.
marz 1966), verður því varla neitað, að sumt í rökfærslu
frúarinnar er ekki ýkja sannfærandi. Ég fæ ekki betur
séð en komið sé á villigötur, er hún telur, að fslandsgerð
Mercators á heimskortinu 1569, eins og það er birt í Imago
mvndi XII, 1955, eigi eitthvað skylt við fsland Vínlands-
kortsins. Hjá Mercator er landið af sömu gerð og hjá
Olaus Magnus á Norðurlandakorti hans 1569. fslandsgerð
Vínlandskortsins svipar miklu fremur til portúgalskra og
franskra korta á fyrra hluta 16. aldar. En veilur í rökum
frúarinnar útiloka ekki, að niðurstaðan sé rétt, kortið
sé falsað.
Aðrir hyggja Vínlandskortið fremur ófalsað en hitt,
þótt þeir hafi sitthvað að athuga við tímarök útgefenda