SunnudagsMogginn - 24.10.2010, Blaðsíða 21

24. október 2010 21
– meira fyrir áskrifendur
Fáðu þér áskrift á
mbl.is/askrift
JÓLAGJAFAHANDBÓK
ATVINNULÍFSINS
Þann 11. nóvember kemur
Jólagjafahandbók
Viðskiptablaðs
Morgunblaðsins út
í sjötta sinn.
Þessi veglegi blaðauki hefur skipað sér sess
sem ómissandi hjálpartæki fyrir stjórnendur
jafnt stórra og smárra fyrirtækja sem standa
frammi fyrir vandasömu verkefni á þessum
tíma árs.
Jólagjafahandbókin fjallar um allt sem snertir
jólagjafir til starfsfólks, samstarfsaðila og
viðskiptavina. Skoðaðir verða fjölbreyttir
gjafamöguleikar sem henta öllum þörfum.
Hér er á ferð samantekt sem auðveldar valið
á réttu gjöfinni sem kemur til skila þakklæti,
vinsemd og hátíðarstemningu jólanna.
Vertu með í glæsilegri sérútgáfu sem nær beint
til markhópsins
Pöntunartími auglýsinga er fyrir klukkan
16.00 mánudaginn 8. nóvember.
Nánari upplýsingar veitir Sigríður Hvönn
í síma 569 1134 / 692 1010,
sigridurh@mbl.is
ég finn neistann. Ég skrifa ekki bara til að
skrifa – ég skrifa þegar eitthvað er að skrifa
um. Og stundum er það ekkert.“
– Þá spilarðu bara á banjóið?
„Fer á hestbak eða í göngutúr,“ svarar
hann og hlær.
– Bókin þín Day Out of Days er að hluta
unnin upp úr leðurbundnum vasabókum,
sem þú hefur punktað niður í. Notarðu þær
ennþá?
„Ég nota aldrei tölvur, bara vasabækur
og ritvél. Ég hef aldrei notað tölvu.“
Löng þögn.
„Já, fólk er slegið yfir þessu,“ heldur
hann áfram og hlær. „En ég nota ekki tölv-
ur, heldur skrifa fyrst í vasabókina, vinn
upp textann þaðan yfir á ritvélina og end-
urskrifa síðan á ritvél. Ég nota Hermes-
ritvélar, sem framleiddar eru í Sviss – þú
veist, þessar avókadó-grænu. Og ég er ekki
sá eini. Larry McMurtry, sem skrifaði
Lonesome Dove, notar sömu ritvél og ég.“
– Fer ekki mikill tími í að endurskrifa sí-
fellt á ritvél?
„Ég handskrifa yfir vélritaða textann og
vélrita síðuna svo aftur. Fólk notar venju-
lega tölvur til að spara tíma og vinna hrað-
ar, en ég hef ekki áhuga á hraða. Stundum
þvælist hann fyrir öðru sem er mikilvæg-
ara. Mér er sama um hraða.“
Skaut birni og flugvélar
– Þú varst tilnefndur til óskarsverðlauna
fyrir hlutverk þitt í myndinni The Right
Stuff, þar sem þú lékst flugmanninn Chuck
Yeager. Faðir þinn var líka flugmaður –
leitaðirðu í smiðju til hans?
„Faðir minn var foringi í seinna stríði,
flaug sprengjuvélum, svo ég ólst upp hjá
flughernum og þekkti vel til. En Yeager var
orrustuflugmaður, sem er gjörólíkt því að
fljúga sprengjuvélum. Ég hitti Yeager hins
vegar fyrir tökur á myndinni og okkur kom
vel saman, við áttum góðar stundir á barn-
um, spiluðum ballskák og drukkum bjór.“
– Leggurðu mikla vinnu í slíka forvinnu
þegar þú undirbýrð þig fyrir hlutverk?
„Ég geri það alltaf. En ég legg venjulega
ekki lykkju á leið mína til að leita uppi per-
sónurnar sjálfar. Yeager gaf kost á sér, hafði
áhuga á sögunni og handritinu, og það var
fróðlegt að kynnast honum. Hann skaut
niður tólf þýskar orrustuflugvélar; þeir eru
teljandi á fingrum annarrar handar sem
hafa afrekað það.
Ég spurði hann hvernig honum hefði
tekist að verða svona góður orrustu-
flugmaður. Hann svaraði því til, að það
hefði verið reynslan af því að skjóta skóg-
arbirni. Þegar hann var tólf ára skaut hann
fyrsta björninn. Það fannst mér áhugavert
– hann nýtti sér reynsluna af bjarnardrápi
sem orrustuflugmaður!“ segir Shepard og
skellhlær við tilhugsunina, áreiðanlega ekki
í fyrsta skipti.
– En þú ert ekki að fara að fljúga til Ís-
lands; ég las það á Wikipediu að þú værir
hræddur við að fljúga!
„Nei, ég er það ekki lengur. Mér var lengi
illa við að fljúga, en nú tek ég bara lyf við
því.“
– Þannig að þú ert á leiðinni?
„Nei, ég verð við tökur á gamanmynd
næstu helgi með Diane Keaton, Darling
Companion undir leikstjórn Lawrence Kas-
dan í Park City í Utah, nærri Sundance.“
– Hvernig er það, þvælist leikarinn ekk-
ert fyrir rithöfundinum?
„Nei, ég hef jafnan mikinn tíma aflögu á
tökustaðnum, þar bíður maður stundum
klukkutímum saman, og þá gefst tækifæri
til að skrifa.“
Sam Shepard og Dermot Mulroney í samræðum um það sem skiptir máli.
’
Ég nota aldrei tölvur, bara
vasabækur og ritvél. Ég hef
aldrei notað tölvu.“