SunnudagsMogginn - 31.10.2010, Blaðsíða 18
18 31. október 2010
G
uðmundur Jörundsson hefur
hannað herrafatalínu fyrir
Herrafataverzlun Kormáks &
Skjaldar, sem kemur í búðina í
nóvember. Guðmundur er jafnframt
starfsmaður verslunarinnar og fatahönn-
unarnemi við Listaháskóla Íslands og út-
skrifast þaðan komandi vor. Hann byrj-
aði að vinna í Kormáki & Skildi áður en
hann hóf námið. „Ég byrjaði hér [í versl-
uninni í Kjörgarði] þegar búðin var að-
eins búin að vera opin í um tvo mánuði.
Þá var ég búinn að ákveða að læra þetta
en vinnan ýtti enn frekar undir áhug-
ann,“ segir Guðmundur en viðtalið fór
einmitt fram í umræddri herrafataversl-
un á föstudegi og mikið um að vera.
Líflegur föstudagur
Búðin hreinlega iðaði af lífi enda var ekki
um neinn venjulegan föstudag að ræða,
heldur Airwaves-föstudag og hljóðfæri
búin að koma sér fyrir bakatil í versl-
uninni á milli fatanna. Mátti sjá tónlist-
armenn fata sig upp og aðra undirbúa sig
fyrir tónleika í búðinni, sem hafði breyst
í skemmtiklúbb, síðdegis.
Guðmundur segir vinnuna hafa verið
góðan skóla. „Það var gamall lager af
breskum, klæðskerasaumuðum fötum
hérna þegar ég byrjaði og ég gat skoðað
hann vel.“
Grunnurinn í búðinni var þá kominn
úr bresku versluninni Bertie Wooster en
gamall lager fylgdi með í kaupunum.
Núna er búðin hins vegar byggð upp á
nýjum, en ekki notuðum fatnaði.
Nauðsynlegt að þekkja hefðina
Hann segist líka hafa lært heilmikið af
Þorláki, þáverandi verslunarstjóra og
sagnfræðingi, sem lánaði honum þætti og
bækur um herratísku. Hann segir mjög
góðan grunn að þekkja hefðina og söguna
og vita hvaðan þessi form koma og frá
hvaða tímabilum.
Hann hefur unnið lengi með Kormáki
og Skildi og hefur samstarfið verið gott.
„Við vorum lengi búnir að tala um það að
gera línu og núna er bara komið að því.
Kormákur og Skjöldur eru til í allt sem er
spennandi og gera allt fyrir mann og ég
allt fyrir þá,“ segir Guðmundur, sem er
greinilega mikilvægur starfsmaður versl-
unarinnar en á meðan á viðtalinu stóð
leituðu margir til hans með spurningar
og álitamál til að skera úr um enda að
mörgu að huga í stórri búð.
Þörf fyrir nútímaleg jakkaföt úr tvíd
„Við töluðum um þetta fyrst eftir að við
stækkuðum búðina mikið fyrir tveimur
árum en fórum að ræða þetta af alvöru
fyrir um ári. Ég er búinn að vinna hérna
svo lengi, þannig að ég veit hvað okkur
vantar í búðina og hvað selst,“ segir Guð-
mundur, sem komst að þeirri niðurstöðu
að það væri virkileg þörf fyrir falleg
jakkaföt með vesti úr tvídefni.
„Sniðin eru oft svo kallaleg og það er
mjög erfitt að finna falleg vesti.“
Línan samanstendur af jakka, tveimur
gerðum af vestum og buxum. Jakkinn
kemur í fjórum litum og vestið og bux-
urnar í fjórum mismunandi litum svo
samsetningarmöguleikarnir eru all-
margir. Línan verður framleidd í stærð-
um 46-58 og ætti því að henta breiðum
hópi karlmanna. Svo er aldrei að vita
nema einhverjar konur prófi fötin en
samstæðar buxur, vesti og jakki komu
fyrir í vetrarlínum margra kvenfata-
Buxurnar er líka hægt að nota sem hnébuxur og þá við háa sokka.
Heimsókn
til herra-
manns
Breski herramaðurinn er end-
urfæddur á norðurslóðum í ís-
lenskri mynd í nýrri jakkafa-
talínu Guðmundar
Jörundssonar fyrir Herrafata-
verzlun Kormáks & Skjaldar.
Inga Rún Sigurðardóttir ingarun@mbl.is
Fyrirsætan heitir Georg Kári Hilmarsson, þekktur úr hljómsveitinni Sprengjuhöllinni.