Birtingur - 01.06.1959, Qupperneq 16

lætum gegnum allar torfærur, gegnum eld, gegnum þann hreinsunareld
sem sá verður að fara sem ætlar að þjóna köllun listarinnar. Hann kom
með flokk sinn úr óslitinni sigurför um fimmtán iönd í Evrópu og hóf
hana í höfuðvígi gamallar menningarhefðar, á ítalíu. Og endaði á Islandi
þar sem enginn hefur þorað að láta sjá það til sín að hann reyni að tjá
hræringar hugarins og hjartans með líkama sínum og hreyfingum hans,
þvert á móti.
III.
Ég spurði Jerome Robbins hvort það væri rétt sem ég þóttist hafa heyrt
eða lesið að hann hafi lengi haft hug á því að stofna sérstakan ballett-
flokk en hann þrætti fyrir það og sagði að sér hefði óað við að standa
fyi’ir flokki dansara og eiga að vera forsjá svo margra. Þess vegna hefði
hann ekkert verið áfjáður í það en samstarfið við þetta fólk hefði veitt
sér mikla ánægju. Þetta væri bæði gott fólk á listsviði sínu og intressant
persónuleikar, andinn væri einstaklega góður í hópnum, fórnfýsi og áhugi
ríkti, veiktist einhver teldu aðrir það ekki eftir sér að bæta á sig erfiði
og starfið með þessu fólki hefði verið sér ákaflega mikils virði. Hér væri
ekki um neitt corps de ballet að ræða, allir væru fullgildir dansarar í
þessu liði, sólódansarar. Þetta væri fjölhæft fólk sem hefði hlotið marg-
breytilega þjálfun, bæði í klassískum og nútímadansi, auk þess væri það
líka þjálfað sem leikarar eins og tíðkaðist meðal dansara í Ameríku. Þar
væri ekki siður að einskorða sig við dansinn heldur þjálfa sig á öðrum
sviðum einnig svo sem í söng og leiklist. Þetta fólk hefði hann valið úr
miklum fjölda og tekið tillit til fjölhæfni og líka haft í huga persónu-
leikann, það væri gott að vera með þessu fólki. Það hefði strax fundið
hvað annað og frá upphafi dansað vel saman.
Flokkurinn var stofnaður í fyrra vegna listahátíðar í Spoleto á Italíu sem
tónskáldið fræga Menotti stendur fyrir, þeirri hátíð er ætlað að auka
kynningu með listamönnum og listunnendum Ameríku og Evrópu, nefnist
Tveggja Heima Hátíðin. Honum var gefið nafnið Ballets :USA. Það
er kunnugt af dagblöðum hverja sigurför flokkurinn fór á ítalíu og á
heimssýningunni í Brússel í fyrra og ég spurði Robbins hvað hefði gerzt
þegar heim kom að þeirri för lokinni. Hann sagði að flokkurinn hefði
verið leystur upp eftir nokkrar sýningar í Bandaríkjunum en í vor hefði
hann endurreist flokkinn, bætt fjórum við og nú hefði hann verið á ferða-
lagi samfleytt fimm mánuði og sýnt í einum fimmtán löndum.
Við höfðum ekið um bæinn og Robbins undraðist vöxt Reykjavíkur þegar
við fórum um úthverfin og hann sá húsin sem verið er að byggja alls-
staðar.
Hvernig stendur á þessu, hvernig getur borgin vaxið svona? spurði
12 Birtingur