Birtingur - 01.06.1959, Blaðsíða 68

— Þú hefur skorið þig, sagði Agnieska. — Það verður að fara var-
lega við raksturinn. Annars hef ég engan áhuga á þessu. Þetta er
ekki annað en kumpánlegt rabb.
Eldhúsdyrnar opnuðust og Grzegorz kom inn. Hann fleygði frá sér
rennvotum frakkanum. Svo settist hann á rúmið og fór að færa sig
úr skónum.
— Ertu lasinn? spurði Agnieska.
— Þvíþá?
— Fyrst þú ert að hátta.
Hann leit á hana blóðhlaupnum augum. Svo bandaði hann í átt til
gluggans.
— Finndu mér betra viðfangsefni.
— Þú gætir farið og fengið þér vodkað þitt, sagði hún — þá yrðirðu
orðinn fullur fyrir kvöldið og gætir farið að sofa vandræðalaust.
Zawadski sagði um leið og hann fór út: — Góða skemmtun, ég er
farinn. Agnieska settist á rúmið hjá Grzegorz.
— Farðu nú strax, sagði hún — má það ekki einu gilda? Ef þú
drekkur þig fullan strax er von til þess þú verðir undir sporvagni eða
bíl, og þá verður svolítill friður. Á kvöldin er engin umferð í bænum.
— Ég byrja aldrei að drekka fyrir klukkan sex á kvöldin, sagði
hann. — Heimurinn er að verða gjaldþrota. Maður má ekki slaka á
sínum eigin siðferðiskröfum!
— Grzegorz, sagði Agnieska — ég vil gjarna nota tækifærið fyrst
þú ert edrú. Ef þú hættir ekki að drekka frá og með deginum í dag
fer ég til fulltrúans og segi honum hvað þú hefur í kaup. Þú ættir
ekki að vera í flokknum. Fólk eins og þú á víst ekki heima þar.
Ilann horfði rannsakandi á hana.
— Þú ert einum of sein, systir góð, sagði hann og strauk henni um
/angann. — Það var einmitt verið að rífa skilríkin mín í gær. ... Hann
brosti. — Ólánsþjóð. Ólánsfólk. Það vildi fyrir alla muni koma ein-
hverju til leiðar, en því miður, það er ekki annað en sami grauturinn.
Þú gætir í besta tilfelli sofið hjá fulltrúanum. í þessum stuttu hléum
milli fundanna. Var það annars eitthvað sem þú ætlaðir að segja
mér?
Agnieska þagði. Hún horfði á rúðuna sem var hreinþvegin af regninu.
Húsaröðin hinumegin sást ekki einu sinni.
— Grzegorz, sagði hún eftir stundarþögn — hvað langt kemst mann-
eskjan niður í skítinn?
— Ég hef líka áhuga á þessu, svaraði hann. — Ég hef gefið mig
allan að þessu spursmáli. Og þegar ég kemst endanlega að niðurstöðu
skal ég láta þig vita.
— Gerir hún sér grein fyrir því?
64
Birtingur