Birtingur - 01.06.1959, Blaðsíða 20

Nei, segir Robbins. Það var ekki hægt að fara þangað nema vera boðinn.
Við höfum ekki fengið slíkt boð. En ég sá ballett þeirra í Bandaríkjun-
um. Þar er kóreografían úrelt, engin nýbreytni, nýsköpun. Efnisval þeirra
lýtur klassísku viðhorfi og er ekki sérlega athyglisvert. Þetta er gamal-
dags. Vitið þér hvað orðið „mothballs" þýðir? Mölkúlur Þetta minnir á
það. En dansararnir eru náttúrlega afskaplega fínir, segir Robbins.
Hann taldi upp margt sem hann hafði séð í þessari ferð án þess að leggja
út í greinargerð eða rökstuðning fyrir ágæti þess og nefndi leiksýningar
í Lundúnum: A taste of honey undir stjórn þeirrar snjöllu konu Joan
Littlewood, brúðuleikhús í Póllandi sem væri bæði móderne og mjög gott,
og margt fleira og það kom upp úr kafinu að hann hafði líka lritt Ingmar
Bergman þar sem hann vann að nýjustu kvikmynd sinni. Hann sagðist
dást mikið að kvikmyndum hans og ég hafði það upp úr honum að þeir
hefðu lýst gagnkvæmri löngun til þess að vinna einhverntíma saman að
kvikmynd. Þá sagði hann mér að það stæði til að kvikmynda söng-
leikinn West Side Story sem Robbins á höfuðþáttinn í. Það yrði
kannski ofan á þegar hann kæmi aftur til Bandaríkjanna.
Hvort hann hefði áður unnið að kvikmyndun? Jú, sagði Robbins. Til
dæmis var söng- og dansverkið The King and I kvikmyndað. En mér
féll ekki við Hollywood. Það er ekki gott að vinna þar. Svo ég veit ekki
hvað ég geri í sambandi við West Side Story.
Robbins var mjög glaður yfir viðtökunum sem hann og flokkur hans
höfðu fengið hvarvetna þar sem hann sýndi í Evrópu og sagði að alls-
staðar hefði verið farið fram á það að þeir kæmu aftur til að sýna, auk
þess var víða falazt eftir honum til að vinna hitt og þetta í þágu land-
anna. Hann sagði líka að allsstaðar hefði fólk komið til hans sem hefði
leitað eftir því að fá að starfa með honum og undir hans stjórn. Þá
hafi sér dottið í hug að það gæti verið skemmtilegt að reyna að stofna
Ballets : E v r ó p a, dansf lokk sem túlki og summi upp evrópískar
hefðir á nýtízkulegan hátt líkt og hann ætlaðist til að B a 11 e t s : U S A
gerði gagnvart Ameríku. Að vísu væri sér Ijóst að margvíslegir erfið-
leikar stöfuðu af því hve hinir ýmsu ballettskólar væru ólíkir, tökum til
dæmis franska skólann, enska skólann, þann ítalska eða hinn rússneska.
Robbins sagði:
I þessari ferð hafa orðið á vegi mínum miklir hæfileikar sem á eftir að
nýta en viðhorfið er ákaflega sundurleitt, það væri gaman að leita að
því sameiginlega og reyna að byggja á þeim grundvelli án þess að eyða
sérkennunum.
Hvað verður fyrst fyrir við heimkomuna?
Hvíla okkur, sagði Robbins, í fimm mánuði höfum við verið saman. Og
þó að það sé indælt að vera með þessu fólki þá getur verið gott fyrir
okkur að skilja um stund og gleyma hvert öðru í nokkra daga, hálfan
16 Birtingur