Birtingur - 01.06.1959, Page 33

Ari Jósefsson:
Tvö Ijóð
Brennifórn
Enn í kvöld munu hendur mínar
leysa hár þitt og það hrynur
um rauðu blómin tvö sem liafa
vaxið útúr hjarta þínu
á hvítum stilkum
handa mér
en áðuren sólin rís og fáni
herjanna sem þramma um landið
skulum við fela andlit okkar
í hári þínu og sofna
því á morgun munu þeir koma
þeir brjáluðu sem hafa veifað
eldinum yfir höfðum okkar
í dögun koma þeir
og upp af úngu holdi okkar
mun bláleitur reykur stíga
einsog dálítið faðirvor
handa guði þessa heirns
Eingill
Ég tók þig út úr nóttinni
og leysti þig úr klæðum
ég tók handfylli af snjó
og þvoði þig hvíta
ég tók handfylli af túnglskini
og festi á þig vængi
ég horfði á þig fljúga
útí bláinn