Birtingur - 01.06.1959, Qupperneq 63

tækifæri undir fjögur augu. Eigið þér köttinn sem er að mjálma frammi
í stiganum?
— Kött? át húsráðandi eftir. — Jú, það er rétt, ég á hann.
Agníeska snéri sér að Pietrek.
— Gefðonum áann. Fljótt!
Pietrek gekk að húsráðanda og sló hann utanundir með krepptum hnefa.
Ungi maðurinn seig saman eins og poki.
— Þetta er hegningin fyrir að svelta dýrið yðar, sagði Agnieska.
— Við skulum koma, sagði Pietrek.
— Augnablik.
Hún gekk til og snéri kveikjaranum. Það varð skellibjart í herberginu.
Agnieska settist á hækjur sér hjá stúlkunni og fór að skoða hana frá
öllum hliðum.
— Ertu orðin vitlaus? hvæsti Pietrek. Hann togaði í hana: — Ætlarðu
að ltoma?
— Ég ætla að skoða hana ofurlítið betur, sagði hún hægt. — Komdu
hérna. Sérðu ? Svona yndislegur munnur, og nefið . . . Það er synd hún
skuli vera full annars hefðum við fengið að sjá augun. Brún? Blá? Svört?
Mér þætti gaman að vita hver bíður eftir henni? Sérðu hvað brjóstin á
henni eru falleg? Ég skal ábyrgjast hún er ekki yfir tvítugt.
— Þú ert búin að missa vitið, sagði hann.
— Nei, sagði hún. Hún breiddi ofan á sofandi stúlkuna og setti púða
undir höfuð hennar. — En ég vildi ég væri búin að því. Það væri lang-
best.
Hún reis upp og gekk að glugganum. Hann sá að hún barðist við grát-
inn. En hann fór ekki til hennar. Hún studdi hendinni á blómsturpottinn;
hann sá hvíta fingur hennar skera sig úr dökkum bakgrunninum.
Húsráðandi bæi'ði á sér. Svo reis hann á fætur og horfði sljóum augum
fram fyrir sig.
— Hvað er að ..., drafaði hann
Agnieska snéri sér undan.
— Gefðonum áann, Pietrek, sagði hún fljótmælt.
Pietrek sló. Ungi maðurinn féll aftur og tók með sér stól í fallinu.
— Þetta er fyrir það að svíkjast um að vökva blómin, sagði Agnieska
og brosti til hans. — Þér farið hvorki vel með dýra- eða jurtan'kið.
Góða nótt.
Þegar þau komu út á götuna fór hún að hlæja. Hann tók um axlir
henni.
— Að hverju ertu að hlæja? urraði hann.
Þau stönsuðu.
— Kringumstæðurnar þarfnast þó ekki skýringa, sagði hún. — Þú hefur
jafnvel ekki reynt neitt viðlíka í fangelsinu, er það?
Birtingur 59