Vera - 01.12.1984, Page 28

skeröa svo almenn laun aö stórir hópar fólks búa nú við
krappari kjör en lengi hafa þekkst. ,,Á mörgum heimil-
um, og þá ekki síst þeim þar sem konur eru fyrirvinnur,
ríkir nú neyöarástand,” sagði Sigríður Dúna. Hún benti
á leiðir til úrbóta, þar sem ekki væri nóg aö ná niður
verðbólgunni. í lok ræðu sinnar sagði hún: ,,Það má
gera ótal margt til að tryggja hag lands og þjóðar. En
það er einfaldlega ekki gert. Stefna þessarar ríkisstjórn-
ar leyfir það ekki. Stefna þessarar ríkisstj. leyfir ekki að
jafnt sé látið yfir alla landsmenn ganga í baráttunni við
verðbólgudrauginn. Hún leyfir ekki að tryggð sé afkoma
og félagslegt öryggi allra landsmanna. Hún leyfir ekki
skattlagningu milliliða og annarra sem hagnast á nú-
verandi efnahagsástandi. Hún leyfir ekki að allir lands-
menn sitji við sama borð án tillits til kynferðis, aldurs
eða hvar þeir búa í landinu. Hún leyfir ekki að nýrra
leiða sé leitað í atvinnuuppbyggingu og látið af gamla
stóriðjudraumnum sem fyrir löngu síðan er orðinn að
martröð. Og núnasíðustu dagana virðist hún ekki leyfa,
svo óyggjandi sé, að lög séu tvímælalaust haldin í land-
inu. Slík ríkisstjórnarstefna á ekki rétt á sér.”
Auðgildi sett ofar manngildi
Svo einkennilega vildi til að verið var að dreifa á borð
þingmanna þál.till. Kvennalistans um endurmat á
störfum kvenna á því augnabliki sem fjármálaráðherra
hélt hina dæmalausu ræðu sína þar sem upp komst um
fáfræði hans og fordóma í garð kennarastéttarinnar.
Þegar Kristín Halldórsdóttir mælti fyrir tillögunni sagði
hún að léleg kjör kennara og vanmat á störfum þeirra
væri að sínu mati ekki nýtt vandamál en á síðustu árum
hefði keyrt svo um þverbak að til vandræða horfði. Hver
kennarinn af öðrum hefði vitnað um það að hann gæti
ekki framfleytt sér og sínum af þeim launum sem í boði
eru og væru launakjör kennara nú slík að alger flótti
blasti við úr stéttinni. „Brýna nauðsyn ber því til að fram
fari endurmat á störfum kennara og tillit tekið til hinnar
miklu ábyrgöar sem kennurum er lögð á herðar vegna
stöðugt umfangsmeiri og fjölbreyttari fræðslu og upp-
eldis í síauknum mæli. Er hér ekki síður um hagsmuna-
mál foreldra en kennara að ræða og jafnframt þjóðar-
innar allrar.”
í upphafi greinargerðar með tillögunni er greint frá
mati á störfum opinberra starfsmanna sem fram fór á
árunum 1963 og fram yfir 1970, þar sem skýrt kemur
fram, að ábyrgð á peningum er metin til hærri launa en
ábyrgð á uppeldi og fræðslu barna og unglinga. Megn
óánægja með starfsmatið kom fram meðal kennara,
einkum vegna þess, hve þáttur ábyrgðar í starfi þeirra
var lítils metinn. Auðgildið var meö öðrum orðum sett of-
ar manngildinu. í greinargerðinni er nefnt sem dæmi til
stuðnings þessari fullyrðingu, að í stigsetningu starfs-
heita samkvæmt starfslýsingu fengu útsölustjórar
Á.T.V.R. 160 stig vegna ábyrgðar, en grunnskólakenn-
arar svo og kennarar á menntaskóla- og tækniskóla-
stigi, fengu 115 stig vegna ábyrgðar. Á öðrum skóla-
stigum var ábyrgðarmatiö enn lægra. Kristín sagði m.a.
þegar hún fylgdi tillögunni úr hlaöi: „Kvennalistinn hef-
ur frá upphafi lagt þunga áherslu á gildi menntunar og
uppfræðslu og lykillinn að góðri menntun uppvaxandi
kynslóðar og þjóðarinnar allrar er uppfræðarinn sjálfur.
Sú kynslóð sem nú mótar þjóöfélagið má ekki hljóta þau
eftirmæli aö hún hafi ekki skilið þessi einföldu sannindi.
Æskilegt væri að fögur orð væru einhvers virði þegar
störf væru vegin og metin. En í þeim efnum eru launin
í raun eini mælikvarðinn sem viðurkenndur er. Byrjun-
arlaun kennara í grunnskólum eru nú í byrjun október
1984 kr. 15.843,- og hæstu laun sem þeir ná eru kr.
21.717,- eftir 23ja ára starfsferil. Og þetta eru aöeins
launin. Hér verður ekki fjölyrt um starfsskilyrði kenn-
ara.”
Þess er rétt að geta að 85—90% þeirra sem skipa
kennarastéttina eru konur.
Tillaga Kvennalistans um að skipuð verði nefnd er
vinni að endurmati á störfum kennara fékk góðar undir-
tektir, margir tóku til máls og meðal þeirra sem mæltu
með tillögunni var menntam.rh. sem sagðist vona að
máliö hlyti skjóta afgreiðslu í allsherjarnefnd, en þang-
að var því vísað að umræðu lokinni.
Önnur mál er varða stöðu kennara og Kvennalista-
konur hafa tekið upp á þingi eru í formi fyrirspurna. í
fyrsta lagi er þar um að ræða lögverndun starfsheitis
grunnskólakennara. Töldu Kvennalistakonur að best
gagnaði málefninu að beina fyrirspurn til menntamála-