Vera - 01.06.2000, Blaðsíða 31

A I tí A E N A K O N U R
Sjávar- og jurtasmyrsl við húðvandamálum
rætt við Sigríði og Daðey, eigendur SD smyrsla
Tvær konur á sextugsaldri eiga og reka fyrirtækið SD smyrsl í
húsi Lýsis hf við Grandaveg í Reykjavík. Þær stöllur heita
Sigríður Einarsdóttir og Daðey Daðadóttir og þekkjast frá fornu
fari. Aður störfuðu báðar sem dagmæður en Daðey hefur líka
starfað hjá Islandspósti. Aðdragandinn að áhuga þeirra á jurta-
smyrslum var sá að dóttir Sigríðar var mjög slæm af psoriasis.
Hún hafði þurft að nota sterk sterakrem, fengið tjörumeðferðir
og baðað sig reglulega í Bláa lóninu. Einhverja bót hafði hún af
því en ekki nóga. Sigríður var ósátt við ástandið og ákvað að
sækja námskeið í smyrslagerð í von um úrbætur. Hún las sér
einnig til og fékk loks Daðeyju til liðs við sig. Sjálf hafði Daðey
þjáðst af slæmu exemi á höndum og í kringum augu. Þær
byrjuðu með bjartsýni og áræðni að leiðarljósi heima hjá sér
1994 og stofnuðu síðan fyrirtæki tveimur árum síðar.
Sigríður og Daðey bjóða mig velkomna á vinnustað sinn. Litlu fé
hefur verið eytt í ytri umbúnað, enda nóg annað að borga til að
reksturinn gangi. Hér eru greinilega á ferð harðduglegar konur sem
hafa byrjað smátt, unnið mikið og staðist álagið með þrautseigjunni.
Þið hafið greinilega haft árangur sem erfiði fyrst að fyrirtœkið komst á koppinn.
„Já, sá bati sem dóttir mín og fleiri hafa náð með notkun smyrsls-
ins eru bestu meðmælin,“ segir Sigríður. „Dóttir mín hefur verið
eins konar tilraunadýr hjá okkur í gegnum tíðina og nú getur hún
alveg haldið einkennum sjúkdómsins niðri með smyrslinu okkar.“
Ég sé á innihaldslýsingu að mælt er með smyrslinu fyrir þurra
húð, psoriasis, barnaexem og hvers konar húðútbrot, bólur, ofnæm-
isexem o.fl. Ég spyr hvaða töfraefni smyrslið innihaldi og Daðey
verður fyrir svörum. „Sjávar- og jurtasmyrslið hefur innihaldið
sömu efni frá upphafi, það eru íslenskar fjallajurtir, fjallavatn,
þorskalýsi, kókosolía og ullarfita. Auk þess eru A,B, C, D og E vítamín
í smyrslinu. Við höfum þróað vinnslu og samsetningu smám saman.
Það sem gefur því sérstöðu er vinnsluaðferðin, það að blanda sam-
an olíu úr þorskalýsi og vatni. Smyrslið er 100% náttúruafurð en fáir
geta í raun státað af slíku. Kaupendur á Bandaríkjamarkaði sem föl-
uðust eftir smyrslinu voru tortryggnir, létu rannsaka innihaldið og
sáu að við höfðum lög að mæla. I dag framleiðum við lyktarlaust
mjúkt smyrsl, en í fyrstu angaði það af lýsi og var feitara í sér.“ Sig-
nður bætir við að þær séu báðar draumspakar og að þær hafi
dreymt fyrir þeim hlutföllum sem bestum árangri skiluðu við gerð
smyrslsins.
Þær Sigríður og Daðey líta ekki út fyrir að vera seiðkonur, en ekki
er verra að hafa yfirnáttúruleg öfl hliðholl, séu þau góð. Þær leggj-
ast út á sumrin í grasatínslu,
þá er farið á afskekkta staði
og þess gætt að ekki sé geng-
ið of nærri gróðrinum. En
hvaða jurtir þær tína er að
sjálfsögðu framleiðsluleynd-
armál. Sigríður og Daðey vita
hve þroskuð grösin eiga að
vera við tínslu og að best er
að tína þau rétt fyrir og rétt eftir fullt tungl. Þær þurrka ekki jurtirn-
ar því best er að frysta þær svo að ferskleikinn haldist.
Fleiri vörutegundir en smyrslið eru á boðstólum hjá SD smyrsl-
um. Auk smyrslsins framleiða Sigríður og Daðey varasalva og hár-
svarðarvökva sem gagnast gegn þurrki í hársverði og flösu. Þær búa
líka til hestasmyrsl og hestafeldsvökva sem er notaður gegn sum-
arexemi. Þá framleiða þær ýmsar vörur fyrir fyrirtækið Hestaheilsu
m.a. fax- og tagl géle fyrir flóka og gljáa fyrir feldinn.
Daðey sýnir mér pantanir sem þær hafa fengið erlendis frá en
markaður þeirra hefur teygt sig út fyrir landsteinana. Vörur þeirra
eru seldar í öllum apótekum hérlendis og einnig í mörgum verslun-
um og stórmörkuðum. Salan hefur aukist jafnt og þétt. Auk fram-
leiðslunnar sinna þær stöllur sjálfar öllu er varðar rekstur skrifstofu,
markaðssetningu, pökkun og dreifmgu. Þetta er gífurleg vinna og nú
dreymir þær um að fá starfsmann svo þær geti einbeitt sér að fram-
leiðslu og nýjum tilraunum.
Framleiðsla þeirra er skráð undir heitinu snyrtivara en þó svo að
hún hafi lækningamátt eiga þær ekki í neinu samstarfi við lækna.
Anægður notandi er besta viðurkenningin og þegar krem gerir ein-
hverjum gott spyrst það fljótt út.Varðandi markaðsmálin er nokkuð
sem þeim hefur sárnað. Bláa lónið hefur ekki viljað bjóða vörur
þeirra því litið er á þær sem samkeppnisaðila. Svo hafa Psoriasisam-
tökin selt grunsamlega lítið í sinni verslun, þrátt fyrir góðan afslátt.
Þar virðast einhverjir hagsmunaárekstrar vera á ferð. Þeim finnst
ósanngjarnt að hagur sjúklings sé ekki látinn sitja í fyrirrúmi. Sjálfar
hafa þær Sigríður og Daðey veitt sjúklingum góðan afslátt af smyrsl-
inu sínu og þegar ég kveð þessar ágætu konur leysa þær mig út með
gjöfum; kremi, varasalva og hársvarðarvökva. Starfið veitir þeim
greinilega ánægju og mesta umbunin ftnnst þeim felast í því að geta
hjálpað fólki með húðvandamál.
Síminn hjá SD smyrslum er: S52 0790
og netfangið er seal@islandia.is.
VSV
VERA • 31