Vera - 01.04.2001, Síða 51

Ég vil ennþá trúa því að þetta eigi eftir að gerast.
Spurningin er hvort að það gerist nógu fljótt.
Hvað ætlaðir þú að verða þegar þú yrðir stór?
Sem unglingur ætlaði ég að verða sjúkraþjálfari en
eftir að hafa prófað að vinna á sjúkrastofnun varð mér
ljóst að starf innan heilbrigðisgeirans átti ekki við
mig. Ég tók þá stefnuna á guðfræðina. Þó að ég hafi
tekið prestsvígslu að embættisprófi loknu þá var ég
ákveðin í því að fara í framhaldsnám. Reynslan af
prestsstarfinu hefur verið mjög dýrmæt í kennslunni,
en á meðal nemenda minna eru verðandi prestar inn-
an íslensku þjóðkirkjunnar.
Starfsábyrgð og skyldur.
Starf háskólakennarans er bæði krefjandi og vanda-
samt. Okkur er falið að mennta og móta það fólk sem
síðan hverfur til ábyrgðarstarfa úti í þjóðfélaginu. Við
þurfum að fylgjast vel með í okkar fagi og vera tilbúin
að miðla til nemenda okkar nýjum og ferskum
straumum, samhliða hefðbundinni þekkingu.
Hvað finnst þér skemmtilegast við starfið?
Að vinna með fólki og að takast á við það skemmti-
lega verkefni að túlka þoðskap kristinnar trúar í sam-
tímanum.
Hvað finnst þér leiðinlegast?
Að gefa einkunnir.
Réttindi og fríðindi sem fylgja starfinu:
Sveigjanlegur vinnutími og tækifæri til að fara erlend-
is á ráðstefnur og fylgjast þannig með því sem er að
gerast í guðfræðiumræðunni í alþjóðlegu samhengi.
^reyttu hugsun þinni - breyttu líkama þínum - breyttu lífi þínu