Vera - 01.06.2003, Qupperneq 64

/ ALÞINGISKOSNINGARNAR
Dagný Jónsdóttir, nýr þingmaður
Framsóknarflokks
4-
Hvað telurðu þig hafa fram að færa á þingi og hver
verða þín helstu baráttumál?
Ég hef auðvitað fulla trú á að ég geti komið ýmsu til
leiðar og það byggi ég á reynslu minni af nefndarstörf-
um o.fl. þar sem ég hef getað komið málum á framfæri.
Mín helstu baráttumál snúa að ungu fólki s.s. mennta-
mál, málefni LÍN, skattamál, húsnæðismál og fleira en
einnig mun ég að miklu leyti sinna málefnum kjördæm-
isins og þá eru það helst atvinnumál og byggðamál al-
mennt.
Hvað finnst þér um hlutfall kvenna á þingi? Finnst
þér mikilvægt að hafa kynjahlutfalliö sem jafnast eða
finnst þér nóg að jafnréttismál séu í brennidepli?
Mér fínnst mjög miður að konum skuli fækka á Al-
þingi og ljóst að margir flokkar þurfa virkilega að hugsa
sinn gang og þá sérstaklega Sjálfstæðisflokkurinn og
Frjálslyndi flokkurinn þar sem engin kona er í þing-
flokknum og hefur aldrei verið. Auðvitað á kynjahlut-
fallið að vera sem jafnast en það þarf stöðugt að vinna
að því og slaka aldrei á. Hins vegar verðum við að horfa
á þá staðreynd að nýja kjördæmaskipanin er ekki til að
gera t.d. ungum konum með fjölskyldur auðvelt fyrir að
fara í framboð og á ég þá aðallega við hin stóru lands-
byggðarkjördæmi. Við verðum að halda jafnréttismál-
unum í umræðunni en þannig komast þau í gegn.
Hvers vegna skiptir máli að konur séu á þingi? Telur
þú að þinn flokkur muni beita sér fyrir aðgerðum til að
jafna hlutfall kynjanna?
Mikilvægt er að Alþingi endurspegli þjóðfélagið og
því gefur auga leið að konur eiga fullt erindi á þing, ekki
síður en karlmennirnir. Framsóknarflokkurinn hefur
lengi hugað sérstaklega að hlut kvenna og varð fyrstur
flokka til að koma á sérstakri jafnréttisáætlun. Flokkur-
inn bætti við sig konu í þingflokknum og er það vel.
Einnig teflir flokkurinn fram konum í forystunni og eru
tvær konur ráðherrar fyrir okkar hönd og voru á tíma-
bili þrjár. Framsóknarflokkurinn er afar meðvitaður um
jafnréttismál og fyrir okkur er jafnrétti réttlæti.
Hvernig fannst þér áherslan á jafnréttismálin f
kosningabaráttunni?
Hún var ekki mjög mikil í mínu kjördæmi en þó tók
fólk eftir því að sú sem leiddi listann, Valgerður Sverris-
dóttir iðnaðar- og viðskiptaráðherra, var eina konan
sem leiddi lista í kjördæminu. Það fór vel í fólk enda
hefur hún sýnt það með störfum sínum að hún er eng-
inn eftirbátur karlanna. Einnig vakti það ánægju að í
þingmannahópi okkar í Norðaustur-kjördæmi eru tvær
konur og tveir karlar. Það er hið fullkomna jafnrétti.
Hver eru helstu jafnréttismálin sem vinna þarf í og
hefurðu sjálf hugsað þér að gera eitthvað á þingi sem
varðar jafnréttismál?
Launamisrétti kynjanna þarf að útrýma. Kynslóð
okkar sem yngri erum líður ekki slíkt misrétti. I stjórn-
arsáttmála ríkisstjórnarinnar er kveðið á um að vinna
skuli í þessu máli og ég mun ekki láta mitt eftir liggja-
Einnig hefur félagsmálaráðherra hug á að leggja fyrir
þingið jafnréttisáætlun og ég ætla mér að þrýsta á þá
vinnu.
Af tólf þingmönnum Framsóknarflokks eru fjórar
konur. Hver telurðu að sé líkleg skýring á þessu hlut-
falli? Eru konur frekar settar í baráttusæti en karlar í
þau tryggari? Er stefnan að jafna hlutfallið innan
flokksins?
Konur eru einn þriðji af þingflokknum og tel ég það
hlutfall ekki skammarlegt, heldur viðunandi þó alltaf
megi betur fara. Við vinnum auðvitað alltaf að því að
auka hlut kvenna en það er takmarkað hvað hægt er að
gera. Alltaf er hægt að hvetja konur til þátttöku og höf-
um við unnið þrekvirki í þeim málum og ekki síst á
sveitarstjórnarstiginu. í nýafstöðnum kosningum
leiddu þrjár konur lista hjá okkur og þrír karlar. Við
erum því ekki einungis að tefla konum fram í baráttu-
sætum. Þvert á móti þá var hugsunin hjá okkur að tefla
ungu fólki fram í baráttusætunum. Við munum vinna
áfram að því að efla hlut kvenna en eins og ég gat um
fyrr þá hef ég áhyggjur af möguleikum kvenna í lands-
byggðarkjördæmunum.
Ertu sátt við stöðu kvenna þegar skipað var í ráð-
herraembættin?
Já, ég er sátt við hana í mínum flokki og mér sýnist
Sjálfstæðisflokkurinn nú vera að reyna að tefla fram
þeim konum sem þeir þó hafa innanborðs.
Af 18 nýjum þingmönnum eru 3 konur. Heldurðu
að þetta hlutfall gefi vísbendingar um það sem koma
skal, þ.e. hlutfall kvenna og karla á þingi í framtíðinni?
Nei, það held ég ekki. Stóra breytan í þessu er hver
staða kvenna er innan Sjálfstæðisflokksins og ég held
þeir geri eklci þessi mistök aftur, þ.e. að hunsa konurn-
ar. Ég tel ekki að við séum að hverfa aftur til fortíðar og
umræðan eftir kosningar hefur sannað það. Þjóðin kall-
ar eftir konum á þing, alveg eins og eftir körlum. Við
þurfum alltaf að vera á vaktinni og hlutverk okkar
kvennanna á Alþingi er að hvetja konur til þátttöku og
aðstoða þær.
64 / 3. tbl. / 2003 / vera