Vera - 01.06.2003, Side 71

/ ÚR DAGBÓKKÚABÓNDA
tilbúinn klukkan hálfátta og við af stað með föt á miðson-
inn, sækjum hann í leiðinni og hann fær að skipta um föt
hjá vini sínum, er svo haugskítugur eftir að eltast við rollur
og lömb að mér finnst næstum helgispjöll að fara að þvo
honum í framan og ætlast til þess að hann sitji kyrr á tón-
leikum á svona skemmtilegum degi.
Tónleikarnir hjá krökkunum í lúðrasveitinni voru hreint
út sagt frábærir og þau fengu geysilega góðar undirtektir.
Mér fannst kórinn ekki eins góður, hef aldrei verið mikið
fyrir karlakórssöng, en það var líka gaman að hlusta þegar
lúðrasveitin og karlakórinn tóku saman syrpu af lögum
eftir Hallbjörn Hjartarson í útsetningu Skarphéðins Einars-
sonar stjórnanda lúðrasveitarinnar og skólastjóra okkar
frábæra tónlistarskóla.
Ég get fullyrt að engum hafi leiðst í félagsheimilinu á
Blönduósi þetta kvöld. Eftir tónleikana var svo tekin mynd
af lúðrasveitinni niðri við ósa Blöndu með sólsetrið í bak-
sýn, svo ekið heim og nú hafði eldri dóttir okkar bæst í
hópinn, kom með vinkonu sinni á tónleikana og við því
með fullfermi í Starex. Áður en við fórum að sofa, einhvern
tíma eftir miðnætti, þurftum við auðvitað að gefa öllum að
borða því enginn hafði borðað neitt síðan um miðjan dag.
Næsta morgun varð ég að pína mig á fætur. Jesús góður,
hugsaði ég, Blönduósferð, skólaslit og grillveisla! En það
verður alltaf að sinna dýrunum númer eitt. Við út í morg-
unfjós og svo strax eftir það af stað með alla krakkana og
okkur sjálf spariklædd á Blönduós til þess að komast í
banka og fleira, panta blómakörfu fyrir kvöldið, og mæta í
Húnavallaskóla klukkan eitt svo lúðrasveitin, sem tók á
móti fólkinu sem fór að streyma að um tvö, gæti æft sig og
stillt strengi. Og þvílíkur blessaður sólardagur. Hann hlýt-
ur að verða útskriftarnemunum minnisstæður sem að
þessu sinni voru átta talsins. Við hjónin byrjuðum á því að
innrita fjögur börn í tónlistarskólann fyrir næsta vetur, svo
voru ræður og tónlistaratriði, afhending einkunna og
næstum 300 manna kaffisamsæti á eftir í þessum 100
barna skóla. Veislukaffið var mjög glæsilegt að venju. Þær
standa sig alltaf í stykkinu mötuneytiskonurnar. Fundur
með foreldrum lúðrasveitarbarna á eftir veislunni, svo fór-
um við aftur á Blönduós til þess að ná í blómakörfuna. f
leiðinni hljóp ég með annan blómvönd inn í búð til systur
minnar sem átti afmæli þennan dag. Heim í fjós að mjólka
og gefa og sinna öllu þar. Vorum búin að verða hálftíu og
þá vinkaði ég bara í minn mann og þrjú elstu börnin sem
fóru með blómin að borða grillað lambalæri með öllu. Það
var sannarlega kominn tími fyrir smábörn og konur að fara
að sofa.
Með bestu kveðjum til Verufólks! X
með listasögu
Nytjamarkaður SORPU og líknarfélaga
Hátúni 12, sími 562 7570
Opi& virka daga kl. 12-18
með blómlega sögu