Árbók VFÍ/TFÍ - 01.06.2004, Side 165

Brunamálastofnun
HÖNNUN O G REKSTUR BRUNAVARNA
í FLÓKNUM BYGGINGUM
N Ý REGLUGERÐ UM BRUNAHÖNNUN
BYGGINGA
Dr. Björn Karlsson er brunamálastjóri. Björn er byggingaverkfræðingur og starfaði við byggingaverkfræðiskor
Háskólans í Lundi í Sviþjóð í 15 ár, lengst af sem háskólalektor. Hann var jafnframt skipaður Visiting Professor við
University of Maryland í Bandarikjunum árið 1996.Björn varði doktorsritgerð sína við brunaverkfræðideild
Lundarháskóla 1992 og hefur síðan þá fyrst og fremst unnið við kennslu og rannsóknir á sviði brunavarna í bygg-
ingum. Björn hefur ritað bækur og mikinn fjölda fræðigreina um brunamál. Hann á sæti (stjórn Félags forstöðumanna
ríkisstofnana og í stjórn Alþjóðlega brunavísindafélagsins (International Association for Fire Safety Science).
Guðmundur Gunnarsson er yfirverkfræðingur hjá Brunamálastofnun. Guðmundur útskrifaðist sem bygginga-
tæknifræðingur frá Tækniskóla (slands 1976 og byggingaverkfræðingur MSc frá Álborg Universitetscenter í Danmörku
1981 með brunahönnun burðarvirkja sem sérgrein. Lokaritgerð hans fjallar um áhrif fingurskeyta í límtré á brunamót-
stöðu þess. Guðmundur var umdæmisstjóri hjá Fasteignamati ríkisins á Akureyri og í Reykjavík 1977-1979 og
1981-1982. Hann hefur starfað hjá Brunamálastofnun frá 1982.
í stórum og nútímalegum byggingum eru oftar en ekki notaðar flóknar brunatæknilegar
lausnir til að tryggja ákveðið frelsi hvað varðar form og innra skipulag byggingarinnar.
Æ meir ber á því að eigandi byggingar er alls óvitandi um forsendur brunahönnunar-
innar og rekstur hinna flóknu brunavarna. Einnig er slökkvilið oft illa upplýst um kerfin
og forsendur hvað varðar virkni þeirra. Bráð nauðsyn er á því að tryggja einfalda yfirsýn
eiganda og slökkviliðs á rekstri og forsendum brunavarna í flóknum byggingum. Því
vinnur Brunamálastofnun nú að nýrri reglugerð um brunahönnun bygginga.
Inngangur
Undanfarna áratugi hefur orðið ákaflega hröð þróun í byggingariðnaði og sífellt rísa
stærri og flóknari byggingar. Nýjar hönnunaraðferðir, byggingaraðferðir og notkun nýrra
efna í innréttingum hafa gert hönnun brunavarna að mun flóknara viðfangsefni en áður
var. Samtímis hefur flækjustig ýmissa öryggiskerfa sem notuð eru til að tryggja
brunaöryggi aukist mjög mikið.
Til að tryggja gæði og hagkvæmni brunavarna í stórum og flóknum byggingum er
nauðsynlegt að hönnuður sé fagmaður og vel upplýstur um þær kröfur sem gerðar eru
til slíkrar hönnunar. Sömu kröfur gilda einnig um þann aðila sem yfirfer hönnunina og
tryggir gæði hennar. Eins er mikilvægt að fylgst sé vel með framkvæmd verksins og loks
að eftirlit með rekstri hinna ýmsu kerfa, sem tryggja eigi öryggi, sé viðunandi.
Kynning og tæknigreinar fyrirtækja og stofnana
1 6 3