Árbók VFÍ/TFÍ - 01.06.2004, Side 191

Marktæk fylgni reynist við reynslu af notkun á kerfinu BráðaVá við fjórar setningar:
„Ég er almennt séð mjög ánægður með hve auðvelt er að nota kerfið." Fylgnistuðull
er 0,66.
„Ég held að ég hafi fljótt náð miklum afköstum með kerfinu." Fylgnistuðull er 0,83.
„Þegar mér verður eitthvað á er auðvelt að leiðrétta það." Fylgnistuðull er 0,65.
„Það er auðvelt að finna þær upplýsingar sem mig vantar." Fylgnistuðull reyndist
vera 0,80.
Þessar niðurstöður gefa mikilvægar vísbendingar sem þarf að skoða vel þegar á að víkka
notendahópinn, þ.e. þegar aðgangur að kerfinu verður opnaður almenningi. Þá fer fólk
að nota kerfið sem hefur enga reynslu af notkun og við getum búist við að því þyki ekki
auðvelt að nota kerfið.
Helstu kostir og gallar að mati notenda
í lok notendaprófananna voru þátttakendur beðnir um að nefna þrjá helstu kosti kerf-
isins. Þátttakendur nefndu að auðvelt og fljótlegt væri að fá yfirsýn yfir skjálftavirkni á
ýmsum tímum og ýmsum svæðum og skemmtilegt hvernig hægt væri að fá mismunandi
þekjur á kortið og gagnlegt að geta séð upplýsingar svona myndrænt. Þeim finnst
viðmótið vera þægilegt og mjög vinnusparandi og auðvelt að fá skjálftalista. Auðvelt sé
að ná í margs konar mælingar og eldri gögn á einum stað.
Þátttakendur voru enn fremur beðnir um að nefna helstu galla kerfisins. Þeir nefna þá að
gagnaleit taki of langan tíma, sérstaklega þegar verið er að biðja um mikið gagnamagn.
Of oft komi upp virknivillur sem engar skýringar séu gefnar á og of oft þurfi að fara út
úr kerfinu og byrja upp á nýtt. Að lokum sögðu notendur að það vanti hjálparglugga eða
leiðbeiningar.
Gagn af notendaprófunum
Við höfum haft tvenns konar gagn af notendaprófunum. Annars vegar höfum við séð
hvernig má greina villur sem leiða af sér tillögur til endurbóta á notendaviðmótinu. Við
höfum séð hvernig má mæla nytsemi notendaviðmótsins. Eftir endurteknar prófanir geta
mælingar sagt til um hversu betra eða verra kerfið er orðið. Helstu niðurstöður athug-
unar á fylgni eru þær að marktæk fylgni er með ánægju notenda og reynslu þeirra af því
að nota BráðaVá og gefur það til kynna að almenningi muni þykja erfitt að nota kerfið.
Yngra fólki finnst þægilegra að nota kerfið en því eldra.
Hins vegar eru þau áhrif sem notendaprófanirnar hafa haft á þátttakendur. Eftir notenda-
prófanirnar hefur það gerst að notendur fóru að líta viðmótið gagnrýnni augum en áður
og þeir urðu djarfari að prófa sig áfram. Þegar þeir hafa lent í einhverjum erfiðleikum
hafa þeir borið saman bækur sínar við aðra notendur. Meðal þess sem þá hefur komið í
ljós er að erfiðleikar þeirra upplýsa um einhvern galla í kerfinu sem ekki hefur verið
greindur áður. Þannig má segja að notendaprófanirnar hafi hrundið af stað sjálfstæðu
umbótaferli með virkri þátttöku notenda.
Þakkir
Rannsóknarverkefnið um þróun Bráðaviðvörunarkerfis um jarðvá er unnið í samvinnu
við Veðurstofu íslands og Stefju. Verkefnið er styrkt af RANNÍS og þökkum við þeim
stuðninginn.
Við þökkum starfsfólki jarðeðlissviðs Veðurstofu Islands, sem tóku þátt í notendapróf-
unum, fyrir framlag þeirra til rannsóknarinnar.
Ritrýndar vísindagreinar
1 8 9