Árbók VFÍ/TFÍ - 01.06.2004, Qupperneq 233

fyrir sama álag (mynd 14). Þegar fylgni aflstuðuls við
langæislínuna var könnuð kom í ljós sterk fylgni. Auk þess
sést að aflstuðull er hár (> 0,95) við mesta álag og hærri en
0,90 fyrir álagsmestu 1000 klukkustundirnar. Þetta er
nokkru hærra en núverandi hönnunargildi (0,85). Svipaðar
niðurstöður fengust annars staðar þar sem mælt var.
Samtímastuðull
Að jafnaði mælist mesta íbúðaálag í desembermánuði ár
hvert. Algengast er að mesta álag einstakra húsa eða íbúða
mælist á aðfangadag. Mesta samlagað álag nokkurra
aðliggjandi húsa á sama lágspennustreng getur hins vegar
fallið á ýmsa daga, yfirleitt á tímabilinu frá október til
desember. Samtímastuðul álags má skilgreina fyrir hvaða
tímabil sem er þó algengast sé að miða hönnunarforsendur
við samtímastuðul sem reiknaður er fyrir lengra tímabil t.d.
eitt ár.
Til að kanna fylgni samtímastuðuls við mesta álag var
samtímastuðullinn reiknaður fyrir hvern dag (mynd 15).
Samanburður á 3. gráðu nálgun samtímastuðulsins og
langæislínu álagsins sýnir að mjög sterk fylgni er á milli
þessara stærða. Þessi niðurstaða staðfestir þátt samtíma-
stuðulsins í myndun hæsta álagstopps ársins þar sem mesta
álag einstakra húsa og mesta samlögun álagsins fer saman.
0 1000 2000 3000 4000 5000 6000 7000 8000
llmi |kht|
Mynd 14. Aflstuðull og langæislína
fyrir raðhús við Kambasel.
5«mtlmastu6ull hvm dags
----Mesta Sag
----3. gr. nálgun svntlmetuðuls
1 2t 41 61 81 101 121 141 161 181 201 221 241 261 281 301 32 1 34 1 361
v
Da9»
Mynd 15. Fylgni samtímastuðuls
við mesta álag.
Niðurstöður
Hér að framan hefur verið gerð grein fyrir nýjum forsendum og nýjum aðferðum við
hönnun rafdreifikerfa. Niðurstöðurnar byggja á viðamiklum mælingum á íbúðaálagi sem
stóðu samfellt í 13 mánuði og náðu yfir allt árið 2002.
Sterkar vísbendingar eru um að hönnunarálag hafi alla jafna verið of hátt á undanförnum
árum. Á þetta sérstaklega við um álag íbúða í fjölbýlishúsum. Jafnvel þótt samtíma-
stuðull mælist nokkru hærri en áður var reiknað með lækkar hönnunarálagið fyrir allar
tegundir íbúða og í nær öllum líklegum hönnunartilvikum.
Þróuð hafa verið tvenns konar reiknilíkön til notkunar við hönnun rafdreifikerfisins. Um
er að ræða reiknilíkan fyrir 11 kV dreifikerfi annars vegar, og fyrir lágspennudreifikerfi
hins vegar. Bæði reiknilíkönin hafa reynst vel við hönnun kerfisins sl. tvö ár.
Heimildir
[1] Guðleifur M. Kristmundsson: Mælingar á ibúðaálagi rafdreifikerfisins drið 2002. (12 hlutar, alls 2894 síður). Orkuveita
Reykjavíkur.Tæknimál.Október 2002-febrúar 2004.
[2] Guðleifur M. Kristmundsson: Mælingar á íbúðaálagi rafdreifikerfisins árið 2002. (Pdf-útgáfa á geisladiski). Orkuveita
Reykjavíkur,Tæknimál.Maí 2004.
Tækni- og vísindagreinar
2 3 1