Árbók VFÍ/TFÍ - 01.06.2004, Side 240

Vopnafjarðarhöfn með
Miðhólmagarði.
(Ljósm. Mats Wibe Lund)
Meginatriði við hönnun garðsins var að sjálfsögðu að hann myndi
veita sem mesta brimvörn fyrir Vopnafjarðarhöfn, en einnig var
mikið hugað að því að hann félli sem best að hinu sérstaka og fagra
umhverfi hólma og skerja á Vopnafirði.
Hinn 1. október 2002 var haldinn opinn fundur á Vopnafirði þar
sem áformaður brimvarnargarður var kynntur. Á þennan fund
mættu um 7% íbúa sveitarfélagsins sem flestir lýstu yfir velþókn-
un sinni með framkvæmdaáformin og var í fundarlok samþykkt
einum rómi ályktun um að „... brimvarnargarður, samkvæmt
tillögu sem fulltrúi Siglingastofnunar kynnti á fundinum, verði
byggður. Tillaga þessi tekur mið af því að uppfylla þau skilyrði,
sem upp eru sett um kyrrð í Vopnafjarðarhöfn. Jafnhliða fellur
brimvörnin vel að umhverfi sínu og hefur eins lítil sjónræn áhrif og
mögulegt er."
Jafnvel þótt mikið væri lagt upp úr því við hönnun garðsins að
sem minnst umhverfisröskun væri af honum höfðu sumir
Vópnfirðingar þó áhyggjur af því að brimvörnin kynni að eyði-
leggja sérstæðar bergmyndanir landmegin í Miðhólma. Var
stungið upp á því að garðurinn kæmi á hólmann utanverðan en
Sigurður Sigurðarson, verkfræðingur á Siglingastofnun og hönn-
uður mannvirkisins, taldi það óráðlegt því of þungir sjóir myndu
mæða á garðinum þar. Var því garðurinn látinn tengjast Miðhólma
landmegin en allt kapp lagt á að varðveita sérkenni hólmans.
Brimvarnargarður byggður
Gerð brimvarnargarðs milli Miðhólma og
Skiphólma hófst í byrjun júní 2003 að afloknu útboði
þar sem Suðurverk hf. var lægstbjóðandi og hreppti
verkið. Garðurinn milli hólmanna er um 350 m
langur bermugarður, að mestu á 8 til 9 m dýpi. Efni
var sótt í námuna í Vestara-Hraungerði á Kolbeins-
tanga sem áður er getið. Garðurinn er byggður upp
úr þremur grjótflokkum og sprengdum kjarna. í
hann fóru um 124.200 m3 af efni, þar af eru um
56.400 m3 grjót og um 67.800 m3 eru sprengdur
kjarni.
I upphafi verksins var ákveðið að frumkvæði heima-
manna að breyta legu brimvarnargarðsins lítillega
þannig að bogar hans urðu krappari og garðurinn
því meira s-laga en upphafleg hönnun hans gerði
ráð fyrir. Tenging garðsins við Skiphólma var unnin
í nánu samráði við heimamenn og leitast við að
ganga þannig frá henni að hún ylli sem minnstum
skemmdum á hólmanum og hinum sérkennilegu
bergmyndunum sem þar getur að líta. Einnig var
grjóti ofan á garðnum raðað þannig að yfirborð hans
yrði sem sléttast og getur vel göngufært fólk fengið
sér rölt eftir garðinum og notið útsýnis þaðan.
Verkinu lauk í mars 2004 og þar með endurnýjun
Vopnafjarðarhafnar að sinni.
2 3 8
Arbók VFl/TFl 2004