Árbók VFÍ/TFÍ - 01.06.2004, Side 247

Orkuveita
Reykjavíkur
VARMALEIÐNI JARÐVEGS
Á LÍNULEIÐ NESJAVALLALÍNU
Guðleifur M. Kristmundsson lauk prófi í rafmagnsverkfræði frá Háskóla (slands 1974. Hann stundaði framhaldsnám við
Lunds Tekniska Högskola 1974-75, lauk meistaraprófi í raforkuverkfræði frá University of Florida 1984 og doktorsprófi
frá sama skóla 1989. Guðleifur var verkfræðingur hjá Landsvirkjun 1975-82 og 1989-93, dósent við verkfræðideild
Háskóla Islands 1993-95. Hann starfaði sem verkfræðingur hjá Rafmagnsveitu Reykjavíkur 1996-98 og hefur verið sér-
fræðingur á raforkusviði hjá Orkuveitu Reykjavíkur frá 1999.
Ásdís Kristinsdóttir er stúdent af eðlisfræðibraut Menntaskólans við Sund 1999. Hún lauk B.Sc.-prófi í vélaverkfræði frá
Háskóla (slands 2003. Ásdís starfar á hönnunardeild Orkuveitu Reykjavlkur.
Mælt hefur verið hitastig I jarðvegi á þeim hluta línuleiðar Nesjavallalínu sem iiggur í jarðstreng.Tilgangurinn er að meta
varmaleiðni jarðvegsins og áætla hvaða áhrif hún kann að hafa á flutningsgetu jarðstrengsins. Reyna mun á flutnings-
getuna þegar raforkuframleiðsla I Nesjavallastöð verður aukin í 120 MW haustið 2005 á meðan annar flutningsvalkostur er
ekki fyrir hendi.
Einfalt varmalíkan var notað til að túlka niðurstöður hitamælinganna og meta varmaleiðnina á llnuleiðinni.
Inngangur
Haustið 2005 mun fjórða aflvél jarðgufustöðvarinnar að Nesjavöllum hefja orkuvinnslu.
Upphaflegar áætlanir um raforkuframleiðslu í Nesjavallastöð gerðu ráð fyrir tveimur
aflvélum. Þegar þriðju vélinni var bætt við var jafnframt reiknað með möguleika á enn
frekari stækkun síðar. Með vél 4 verður uppsett afl stöðvarinnar 120 MW.
Nesjavallalína tengir Nesjavallastöð við raforkukerfi landsins í aðveitustöðinni í Korpu.
Hluta leiðarinnar, alls um 15 km, liggur línan í jarðstreng. Markmið þessarar athugunar
beinist að því að áætla flutningsgetu jarðstrengsins út frá mati á varmaleiðni jarðvegs á
strengleiðinni. Varmaleiðnin kann að hafa áhrif á getu jarðstrengsins til að anna mesta
flutningsálagi við erfiðustu rekstrarskilyrði eftir stækkun Nesjavallastöðvar.
Til þess að afla nauðsynlegra gagna hefur hitastig jarðvegs á strengleiðinni verið mælt
samfellt frá því í lok mars á þessu ári. Hitanemum var komið fyrir á mismunandi dýpi á
þremur stöðum meðfram jarðstrengnum. Mælingum frá þeim er safnað í stafrænan
skráningarbúnað á hverjum stað, sem lesið er úr á reglulegum fresti. Mælingar sem
fengist hafa til þessa benda til að varmaleiðni jarðvegsins sé að jafnaði mjög góð.
í þessari grein er jöfnum höndum talað um varmaleiðni og varmaviðnám en þessi hugtök
eru í grunninn gagnkvæm (e. reciprocal).
Tækni- o g vísindagreinar
2 4 5