Árbók VFÍ/TFÍ - 01.06.2005, Blaðsíða 146

Mynd 4. Melkoya við lok fyrsta samningsins
- mun stærri.
Mynd 5. Þannig var umhorfs á Melkoya vorið
2005.
hin gríðarstóru gasflutningaskip sem verið var að
smíða vegna verkefnisins. AF-Pihl samsteypan átti
hagstæðasta tilboðið. Undirstöður viðlegukantsins
eru steypufyllt stálrör. Verksamningurinn var um
tveir milljarðar króna. Nokkrir íslenskir tæknimenn
komu að þessu verki. Þessum verksamningi lauk á
þessu ári.
Síðasti verksamningurinn varð stærstur þeirra
þriggja eða um 13 milljarðar íslenskra króna. Hann
kallast „Civil works 2", og var fyrsti samningurinn
eftir það kallaður „Civil works 1". I honum felst
bygging fjölmargra steinsteyptra mannvirkja og
bygginga á eyjunni og undirstaða fyrir margskonar
vélbúnað tengdan gasframleiðslunni. A mynd 5 má
sjá hvernig eyjan leit út nú í vor þegar þessi
samningur er langt á veg kominn. Hann er gríðar-
lega umfangsmikill og voru um tíma nokkuð fleiri
starfsmenn að vinna í þessum samningi en þeim
fyrsta. Hann hefst nokkrum mánuðum áður en þeim
fyrsta lauk, og voru um tíma fast að 1200 manns
starfandi fyrir samsteypuna á eyjunni. Fáir tækni-
menn á vegum ÍSTAKS störfuðu í þessum samningi,
enda höfðu umsvif aukist mjög á Islandi og þörfin
þar mikil. Þessum samningi á að ljúka næsta vor.
Heildarvelta samsteypunnar í þessum samningum
hefur verið um 23 milljarðar íslenskar króna. ÍSTAK
er fjórðungsaðili að þessum samningum. Islenskir
starfsmenn gerðu hvort tveggja; lögðu mikið af
mörkum með sérþekkingu sinni og reynslu til að
tryggja framvindu verksins og tóku auk þess með
sér heim mikla reynslu frá þessu verkefni. Reynslan
varðar ekki hvað síst rekstur gæðakerfis, en sam-
steypan hafði ISO 9001 og ISO 14001 vottun. Einnig
má nefna reynslu í öryggismálum á verkstað, en
Statoil gerir strangar kröfur í þeim málum. Hér
gátum við einnig lagt nokkuð af mörkum.
Heildarniðurstaða samsteypunnar af verkefninu er
jákvæð fyrir alla þátttakendur og möguleikar á
frekara samstarfi.
Raforkuver í Grænlandi 2004-2007
Þetta verkefni felst í að byggja um 7 megawatta virkjun í Qorlortorsuaq sem er á
suðurodda Grænlands, ásamt lagningu 70 km í 60 kV háspennulínu á milli Qagortoq
(Julianeháb) og Narssaq, og til virkjunarinnar í Qorlortorsuaq. Verkkaupinn er
Nukissiorfiit í Gænlandi, sem er orkuveita heimamanna. Verkið er um margt óvenjulegt.
1 4 4
Arbók VFl/TFl 2005