Árbók VFÍ/TFÍ - 01.06.2005, Page 307

Brunamálastofnun
Línuhönnun
verkfræðistofa
.., cL ctit ýóira ucn/ía
ÁHÆTTUGREINING BRUNAVARNA
Hvað er ásættanlegt öryggi?
Böðvar Tómasson er sérfræðingur í brunahönnun og áhættustjórnun hjá Línuhönnun hf. Hann er byggingar- og
brunaverkfræðingur frá Tækniháskólanum [ Lundi 1998 og hefur starfað við brunahönnun bygginga og áhættu-
stjórnun frá árinu 1997, (Svlþjóð og hérlendis. Böðvar hefur sinnt kennslu og rannsóknum á sviði brunamála og
skrifað fjölda fræðigreina á því sviði. Hann nam verkefnastjórnun og leiðtogaþjálfun við Endurmenntunardeild
Háskóla Islands 2004 og varð verkefnastjóri af stigi C, skv. vottunarferli IPMA, 2005.
Dr. Björn Karlsson er brunamálastjóri. Björn er byggingaverkfræðingur og starfaði við byggingaverkfræðiskor
Háskólans í Lundi í Svíþjóð 115 ár, lengst af sem háskólalektor.Hann varjafnframt skipaður Visiting Professor við
University of Maryland (Bandarikjunum árið 1996,Björn varði doktorsritgerð sína við byggingarverkfræðideild
Lundarháskóla 1992 og hefur ritað bækur og mikinn fjölda fræðigreina um brunavarnir í byggingum. Björn á sæti I
stjórn Alþjóðlega brunavísindafélagsins (www.iafss.org) og er formaður menntamálanefndar þess félags. Hann situr [
ritstjórn tímaritsins FireTechnology og í ritstjórn tímaritsins International Journal on Engineering Performance-Based
Fire Codes. Björn er varaformaður Verkfræðingafélags Islands, ritari stjórnar Félags forstöðumanna ríkisstofnana og for-
maður stjórnar Lagnafélags Islands.
Þróun í byggingariðnaði hefur verið í átt að flóknari og óvenjulegari gerð bygginga þar
sem starfsemi byggingarinnar og þarfir notanda hafa ráðið hönnuninni. Þetta hefur leitt
til þess að markmiðsstaðlar hafa tekið við af forskriftarstöðlum á mörgum sviðum hönn-
unar. Með nýrri byggingarreglugerð hafa aukist möguleikarnir á að nýta sér mark-
miðshönnun við brunahömyun bygginga sem kemur í stað forskriftarákvæða. Hins vegar
getur verið erfitt að sýna fram á að markmiðum hafi verið náð þar sem óvissa í inngangs-
gildum getur haft mikil áhrif á endanlega niðurstöðu.
Oft er áætlað að brunatæknileg kerfi virki alltaf þegar til þeirra á að taka t.d. að vatns-
úðakerfi haldi eldum í skefjum sem upp koma í byggingu eða að brunaviðvörunarkerfi
gefi alltaf boð til réttra aðila á réttum tíma. Þetta getur leitt til þess að öryggi bygginga
(fólksöryggi, eignaöryggi o.s.frv.) er ofmetið, ef óvissa um virkni kerfanna er ekki er tekin
með í útreikningana.
I þessari grein verður kynnt aðferð sem hefur rutt sér til rúms í markmiðsbrunahönnun.
Með aðferðinni er mögulegt að meta hvaða áhrif brunatæknileg kerfi hafa á heildar-
öryggi byggingarinnar og fá þannig fram hagkvæmasta kost brunavarna miðað við
viðunandi öryggi. Einnig er með þessari aðferð mögulegt að meta óvissu í inngangs-
gildum á kerfisbundinn hátt.
Tækni- og vísindagreinar i305