Árbók VFÍ/TFÍ - 01.06.2005, Blaðsíða 285
voru Aðalsteinn Guðjohnsen verkfræðingur, Egill
Skúli Ingibergsson verkfræðingur, Örn Guðmunds-
son verkfræðingur, Jens Þórisson augnlæknir,
Hilmar Jónsson tæknifræðingur og Rúnar Svein-
björnsson rafvirki.
Markmiðið var að gefa þátttakendum gott yfirlit yfir
þau atriði sem hönnun og rekstur á lýsingu gatna-
og vega nær til. Farið var yfir samspil sjónar og ljóss,
tilgang með gatna- og vegalýsingu, kröfur sem
gerðar voru til magns og gæða lýsingar (hér var
stuðst við þær dönsku kröfur sem ÖR hafði verið að
vinna eftir), forrit til útreikninga, val á efni og
tengingu við veitur.
A námstefnunni voru fluttir sex fyrirlestrar tengdir
ofangreindu efni. í ljósi mikils áhuga námstefnu-
gesta og þá sér í lagi þeirra sem hafa með ákvarðanir
um þessi mál að gera hjá Reykjavíkurborg, Vegagerð
og sveitarfélögum, var ljóst að grundvöllur var fyrir
því að halda áfram með þetta verkefni.
íslenskar reglur um lýsingu vega og gatna
Ljóstæknifélagið ákvað því að ganga til liðs við Orkuveitu Reykjavíkur, Gatnamálastofu,
og Vegagerðina með það í huga að gefnar yrðu út íslenskar reglur. Þar sem Orkuveitan
hafði stuðst við dönsku reglurnar mjög lengi var ákveðið að þær yrðu þýddar á íslensku
og endurskrifaðar með tilliti til íslenskra aðstæðna. Þótt dönsku reglurnar hafi verið not-
aðar hjá OR frá 1984 var margt sem vantaði í þær með tilliti til íslenskra aðstæðna, einnig
vantaði að tekið væri á nokkrum þáttum og ýmislegt sem öðruvísi mátti vera.
Jafnframt skyldi koma inn á þær allri þeirri reynslu og þekkingu
úr óútgefnum verklagsreglum sem lýsingarhönnuðir RR og OR
höfðu skrifað. Skipaður var vinnuhópur um verkefnið. í honum
voru fyrrnefndir Aðalsteinn, Egill Skúli og Hilmar.
Matthías Kristiansen var fenginn til að þýða dönsku reglurnar og
tók vinnuhópurinn síðan við. Verkið reyndist umfangsmeira en
gert var ráð fyrir, en að því var stefnt að íslenskar reglur um vega-
og gatnalýsingu yrðu gefnar út 2004. Reglur dönsku vegagerðar-
innar voru nánast staðfærðar úr frumvarpsdrögunum prEN
13201:2-4 sem voru lengi á frumvarpsstigi eða frá árinu 1998.
Talsverður tími leið þar til sátt náðist meðal aðildarþjóða CIE að
frumvarpinu um nokkra þætti hans sem einkum sneru að gæða-
þáttum eins og litendurgjöf og skermunarflokkun. Dönsku regl-
urnar ganga lengra í gæðakröfum en staðallinn.
Mjög mikilvægt atriði, sem hér þarf að gæta að, er að lýsing í
íbúðarhverfi og á næstu aðliggjandi safn-, tengi- og stofnbrautum
sé hönnuð þannig að ákveðin stígandi sé í birtu þegar ekið er úr
minnstu íbúðargötum inn á stofnbrautirnar. Hugsunin með þessu
er að birtustig fylgi leyfðum ökuhraða og aukist því með auknum
ökuhraða. Hér koma fleiri þættir til eins og jöfn lýsing og trufl-
anir frá ljósgjöfum af völdum glýju. Til að þetta markmið náist
er nauðsynlegt að lýsing sé hönnuð samkvæmt kröfum og
stöðlum.
Götu- og
veglýsing
Reglur um lýsingu gatna og vega
Forsíða ritsins„Reglur um
lýsingu gatna og vega".
Tækni- og vísindagreinar i 283