Árbók VFÍ/TFÍ - 01.06.2005, Blaðsíða 148

<>.
%
Streymoy , j? _
Fuglafj0röu»^r§
yV&mo ^Eysturoy
f? 0Tórshavn
MiðvágtfT# ^

A*
&
'Sandoy
'S»'Í
\
Tv0royri
Vágur°ó ^
Suðuroy
Mynd 9. Kort af Færeyjum.
Veggöng í Færeyjum 2005-2007
ÍSTAK hefur allt frá stofnun fyrirtækisins verið þátt-
takandi í margvíslegum jarðgangaverkefnum. Fyrst
í samstarfi við erlenda aðila, í tengslum við virkjana-
framkvæmdir, og í stærri vegagerðarverkefnum svo
sem Vestfjarðagöngum og Hvalfjarðargöngum. Sein-
ustu ár hefur ISTAK staðið eitt að stærri jarðganga-
verkum. Fáskrúðsfjarðargöng er stærst þeirra og
voru þau opnuð fyrir umferð þann 9. september
2005. I sömu viku skrifaði ISTAK undir verksamn-
ing við Landsverk í Færeyjum um gerð jarðganga
milli 0ravikur og Hovs á Suðurey, sunnan
Tvoroyrar.
Göngin verða um 2,4 km að lengd auk aðkomuvega
sem eru alls um 3 km að lengd. Samningsupphæð er
127 milljónir danskra króna. Göngin eru hönnuð
eftir norskum stöðlum með gangaþversnið T9,5 sem
er 63 m2 göng, með tveggja akreina vegi. Verksamn-
ingurinn er hefðbundinn einingaverðssamningur að
öðru leyti en því að verktaki skal einnig hanna allan
tæknibúnað í samræmi við norskar reglur og mun
Raftákn á Akureyri annast þá hönnunarvinnu.
Verklok verða í desember árið 2007. Verkinu verður
stjórnað af reyndum íslenskum jarðgangamönnum
og af um 40 starfsmönnum sem ætlað er að þurfi við
framkvæmdina verða um 15 íslendingar.
Niðurlag
Hér að ofan hefur verið fjallað lítillega um þátttöku ÍSTAKS og starfsmanna félagsins í
verkefnum erlendis. Að auki hefur ISTAK tekið þátt með erlendum fyrirtækjum í fjöl-
mörgum verkefnum hér heima. ISTAK hefur því mikla reynslu af samstarfi við erlenda
aðila, hvort sem er á Islandi eða erlendis. Þetta hefur tvímælalaust stuðlað að framgangi
íslenskrar tækniþekkingar og verkkunnáttu almennt. Það er líka nauðsynlegt að vekja
athygli á mikilvægi samstarfs aðila sem búa yfir mismunandi sérþekkingu. Þannig má
segja að sérþekking í hönnun brimvarnargarða hjá Siglingamálastofnun hafi leitt til
sérþekkingar ISTAKS á að byggja þessa garða. Þessi sérþekking gaf okkur síðan forskot í
að bjóða í framkvæmd á svona verki í Noregi, sem síðan leiddi af sér fleiri verksamninga
þar í landi. A sama hátt má segja að íslensk sérþekking í byggingu vatnsaflsvirkjana hafi
gefið okkur forskot í að bjóða í byggingu slíkrar virkjunar á Grænlandi, sem síðan tryggði
íslenskum hönnuðum vinnu við hönnun á þessum mannvirkjum. Þannig getur samstarf
í hönnun og verkþekking leitt af sér aukna möguleika á verkefnum erlendis. Óhætt er að
fullyrða að reynsla Islendinga af verktöku erlendis er töluverð og að reynslan hafi sýnt
að íslenskir tæknimenn eiga fullt erindi inn á erlendan markað. Islensk verktakafyrirtæki
eru hins vegar almennt of smá til að hafa fjárhagslega burði til að hasla sér völl ytra ein
og sér, en með þátttöku í samsteypum með erlendum fyrirtækjum opnast möguleikar til
mjög fjölbreytilegra verkefna. Þá skiptir miklu máli að búa yfir góðri verk- og tækni-
þekkingu, reynslu og áræði, og þar geta íslenskir tæknimenn staðið í fremstu röð.
1 4 6
Arbók VFl/TFl 2005