Fréttablaðið - 07.01.2012, Page 10

7. janúar 2012 LAUGARDAGUR10
Fréttaskýring: Staða ríkisstjórnarinnar
kolbeinn
Óttarsson Proppé
kolbeinn@frettabladid.is
Stjórnarflokkarnir munu
ræða við Hreyfinguna
um stuðning í einstökum
málum. Ólíklegt er að Sam-
fylkingin haldi aukalands-
fund. Nokkrar óánægju-
raddir hafa heyrst innan
Vinstri grænna. Stefnt að
kvótafrumvarpi í vor.
Alþingi kemur saman á ný 16.
janúar. Búast má við því að fljót-
lega komi fram tillaga um van-
traust á ríkisstjórnina, raunar
væri fráleitt ef stjórnarandstaðan
léti ekki reyna á styrk stjórnarinn-
ar. Stjórnarliðar sem Fréttablaðið
ræddi við óttuðust þó ekki slíka
tillögu og töldu að stjórnin mundi
standa hana af sér.
Ekkert er þó gefið í þeim
efnum, þó líklegt verði að teljast
að sú verði raunin. Ljóst er að Jón
Bjarnason er ekki ánægður með að
hafa verið bolað út úr ríkisstjórn,
en það að styðja ekki ríkisstjórn
gegn vantrausti mundi jafngilda
því að segja sig úr Vinstrihreyfing-
unni – grænu framboði. Ólíklegt
verður að teljast að hann geri það.
Evrópumálin
Jón hefur hins vegar boðað það að
hann muni vinna að endurreisn
Vinstri grænna, en hann telur það
að hann sé ekki lengur ráðherra
hafa höggvið stórt skarð í trú-
verðugleika Vinstri grænna. Jón
og stuðningsmenn hans hafa klætt
brotthvarf hans í búning þægni við
samstarfsflokkinn vegna umsókn-
ar að Evrópusambandinu. Sú
söguskýring beið nokkurn hnekki
við það að Jón var ekki eini ráð-
herrann sem yfirgaf ríkisstjórn-
ina. Árni Páll Árnason verður seint
sakaður um andstöðu við Evrópu-
sambandið.
Þá má velta því upp hvort í raun
sé mikill munur á afstöðu Jóns og
eftirmanns hans í sjávarútvegs-
og landbúnaðarráðuneytinu gagn-
vart Evrópusambandinu. Þó Stein-
grímur J. Sigfússon sé á þeirri
skoðun að klára eigi aðildarvið-
ræðurnar og bera samninginn
undir þjóðaratkvæði, telst hann
trauðla til stuðningsmanna ESB.
Evróputengingin við brotthvarf
Jóns verður því frekar að skoðast
í ljósi almennrar andstöðu innan
Vinstri grænna um hvernig málum
er háttað varðandi ESB.
Fjölmörgum flokksmönnum mis-
líkar að sitja í ríkisstjórn sem á í
aðildarviðræðum við sambandið.
Margir nefndu við Fréttablaðið að
flokksforystan þyrfti að átta sig
á þeirri stöðu og koma málunum
í einhvern farsælan farveg. Það
þýddi ekki að draga ætti umsókn-
ina til baka; mun fremur að afstaða
flokksins gagnvart aðild yrði skýr-
ari og markmið með viðræðunum
ljósari.
Minnihlutastjórn?
Haft hefur verið á orði að stjórnin
virki eins og minnihlutastjórn og
það má að sumu leyti til sanns
vegar færa. Hún hefur þurft að
semja um einstök málefni og ekki
getað reitt sig á vísan stuðning
allra þingmanna.
Viðræður áttu sér stað við
Hreyfinguna fyrir hátíðirnar um
stuðning þingmanna hennar. Þeim
lauk ekki en samkvæmt heimildum
Fréttablaðsins verða þær teknar
upp að nýju fljótlega. Munu þær
snúast um stuðning við framgang
einstakra mála, ekki endilega um
vörn gegn vantrausti. Þar á meðal
eru mál sem Hreyfingin hefur bar-
ist fyrir, svo sem lýðræðisumbætur
og stjórnarskrármál.
Deilt var um tillögu Jóhönnu
Sigurðardóttur forsætisráðherra
á flokksstjórnarfundi Samfylk-
ingarinnar í síðustu viku. Hún var
þó á endanum samþykkt með 77
atkvæðum gegn 28, meðal annars
eftir að Árni Páll Árnason hvatti til
að hún yrði samþykkt.
Óljós sýn
Staða Árna Páls eftir breyting-
arnar er óljós. Heimildir Frétta-
blaðsins herma að ein hugmynd
væri að hann tæki við sem þing-
flokksformaður, nú þegar Oddný
G. Harðardóttir er orðin ráðherra.
Það hvernig hann tekur á breyttri
stöðu sinni ræður miklu þar um.
Einnig kemur til greina að vara-
formaður þingflokksins, Magnús
Orri Schram, taki við stöðunni og
því verði ekki kosið.
Samkvæmt heimildum Frétta-
blaðsins þótti mörgu Samfylking-
arfólki skorta sýn með breyting-
unum. Vinstri græn væru að fá
risastórt ráðuneyti atvinnuvega
gegn því að Samfylking fengi fjár-
málaráðuneytið. Haft var á orði að
Steingrímur hefði greinilega ljósa
sýn með sínum hugmyndum; fjár-
málaráðuneytið væri gefið eftir
en í staðinn fengist stórt ráðuneyti
atvinnuveganna.
Fjármálaráðuneytið færist yfir
til Samfylkingarinnar, en það að
því ætti að stýra umrædd Oddný
í sjö mánuði og svo annar taka við
þótti sumum hins vegar draga úr
mikilvæginu. Ekki að Oddný stýrði
því, heldur að um það væri þetta
hringl. Ef fjármálaráðuneytið
væri svo mikils virði að samstarfs-
flokkurinn fengi yfirráð yfir öllum
atvinnuvegum landsins gegn þessu
eina ráðuneyti, þá þyrfti að vera
skörp sýn á það hvernig fjármála-
ráðuneytinu yrði stýrt.
kvótanum breytt
Innan Vinstrihreyfingarinnar
- græns framboðs ríkir meiri
ánægja með breytingarnar. Flokk-
urinn hefur fengið öflugt ráðuneyti
og betri möguleika á að koma mál-
efnum sínum á framfæri.
Þar ber hæst breytingar á kvóta-
kerfinu, en fullur hugur ríkir á að
koma fram með frumvarp þess
efnis á vorþinginu. Óánægja með
hvernig Jón Bjarnason hélt á þeim
málum var kornið sem fyllti mæl-
inn varðandi kröfuna um brott-
hvarf hans. Ætli ríkisstjórnin að
breyta kerfinu verður hún að koma
fram með frumvarp í vor. Næsta
fiskveiðiár hefst 1. september og
kosningar verða vorið 2013. Tæp-
lega væri það þægilegt að fara í
kosningar án þess að breytingarn-
ar væru komnar til framkvæmda,
að einhverju leyti í það minnsta.
Vissulega á Jón Bjarnason sína
stuðningsmenn og óánægja er
um brotthvarf hans víðs vegar í
flokknum. Sú óánægja hefur hing-
að til verið bundin við einstaklinga
og ekki síst menn sem þekktir eru
af harðri gagnrýni á flokkinn. Það
eru ekki síst andstæðingar Evrópu-
sambandsins sem hafa gagnrýnt
brotthvarfið og tengt það þjónkun
Vinstri grænna við Samfylkinguna
í þeim málum, líkt og áður er sagt.
Flokkurinn hélt landsfund í
haust og þar var andstaðan við
Evrópusambandsaðild ítrekuð.
Ekki var þó samþykkt að slíta
viðræðunum og því hefur foryst-
an umboð til þess að halda þeim
áfram. Flokkurinn verður því sem
fyrr í þeirri stöðu að vera í við-
ræðum um aðild að bandalagi sem
hann vill ekki vera í.
alla sunnudaga klukkan 16.
Njótið vel
Hemmi Gunn
– og svaraðu nú!
Fjölbreyttur og fjörugur þáttur
Semja um stuðning
í einstökum málum
ný ríkisstjÓrn Alþingi kemur saman á ný 16. janúar. Fljótlega eftir það má búast við að vantrauststillaga á ríkisstjórnina verði
lög fram. FréttAblAðið/dAníel
Klínísk lyfjarannsókn
Leitað er að þátttakendum í rannsókn á nýjum augnd-
ropum. Rannsóknin heitir: „Dorzolamíð augndropar
einu sinni á dag“.
Í rannsókninni er skoðuð verkun og öryggi nýrra
dorzolamíð augndropa og borið saman við hefðbundna
dorzolamíð augndropa. Tilgangur meðferðar er að lækka
augnþrýsting.
Leitað er eftir þátttakendum á aldrinum 18 – 80 ára,
sem hafa hækkaðan augnþrýsting eða grun um hækk-
aðan augnþrýsting og eru ekki á glákumeðferð. Tuttugu
einstaklingar munu taka þátt í rannsókninni og varir
þátttaka í um 4 vikur (með hléum).
Ábyrgðarmaður rannsóknarinnar er próf. Einar Stefáns-
son augnlæknir, augndeild Landspítala. Rannsóknin
hefur fengið leyfi Vísindasiðanefndar og Lyfjastofnunar.
Þeir sem telja sig vera með hækkaðan augnþrýsting og
hafa áhuga á þátttöku í þessari rannsókn geta fengið
frekari upplýsingar hjá gudrun@ocul.is.
Ekki er greitt fyrir þátttöku í rannsókninni en komið
er til móts við þátttakendur hvað varðar óþægindi og
ferðakostnað.
Tekið skal fram að þeir sem hafa samband eru með því aðeins að lýsa
yfir áhuga sínum á því að fá frekari upplýsingar, ekki að skuldbinda
sig til þátttöku. Þeir sem taka þátt í rannsókninni geta hvenær sem
er dregið sig út úr rannsókninni án þess að gefa sérstaka ástæðu fyrir
ákvörðun sinni.