Fréttablaðið - 07.01.2012, Síða 102

7. janúar 2012 LAUGARDAGUR58
Hvað? Hvenær? Hvar?
Laugardagur 7. janúar
➜ Tónleikar
16.00 Hinsegin kórinn stendur
fyrir þrettándatónleikum í Norræna
húsinu. Þetta eru fyrstu sjálfstæðu
tónleikar kórsins og rennur allur ágóði
í ferðasjóð vegna ferðar þeirra á Gay
Pride í Færeyjum í júlí næstkomandi.
Aðgangseyrir er kr. 2.000.
17.00 Vínartónleikar Sinfóníu­
hljómsveitar Íslands verða haldnir í
Hörpu. Einsöngur verður í höndum
Sigrúnar Hjálmtýsdóttur, Diddú.
Stjórnandi tónleikana er Willy Büchler
sem er aðalgestastjórnandi Strauss­
hátíðarhljómsveitarinnar í Vínarborg.
Miðaverð er frá kr. 3.000.
17.00 Kór Akraneskirkju heldur nýárs­
tónleika í Tónbergi, sal Tónlistarskólans
á Akranesi. Flutt verður tónlist eftir
Georg Shearing og Freymóð Jóhannes­
son. Ásamt kórnum koma fram þeir
Gunnar Gunnarsson píanóleikari og
Tómas R. Einarsson kontrabassaleikari.
22.00 Rokktónleikar verða haldnir
á Gauk á Stöng í kvöld. Fram koma
Wistaria, Moldun, Endless Dark og I
Need Pills To Sleep. Aðgangseyrir er kr.
1.000 og það er 20 ára aldurstakmark.
22.00 The Dam sisters, Josefin Winther
og Cynic Guru halda tónleika á
Rósenberg. Aðgangseyrir er kr. 1.000.
➜ Fundir
13.30 Félag kennara á eftirlaunum
heldur fræðslu­ og skemmtifund ársins
á Grand Hótel.
➜ Sýningar
15.00 Tvær nýja sýningar verða
opnaðar í Hafnarborg. Um er að ræða
sýningarnar Kyrralíf þar sem athygli er
beint að kyrralífsmyndum eftir íslenska
listamenn og sýninguna Pleaser sem
sýnir verk Hörpu Björnsdóttur.
16.00 Úlfur Loga opnar ljósmynda­
sýninguna Sumartíminn í Gallerí Tukt.
Til sýnis verða verk sem hann vann að
sumarið 2011.
17.00 Formleg opnun á sýningunni
Doubt By Two með verkum eftir
listakonurnar Amy Revier og Elizabeth
Tuburgen verður í sal Íslenskrar grafíkur
Tryggvagötu 17, hafnarmegin. Aðgangur
er ókeypis
20.00 Fyrsta sýning ársins opnar
í Gallerí Klósetti í umsjá hópsins
Conclusion of solution. Hópurinn
samanstendur af sjö listamönnum sem
eiga það sameiginlegt að hafa útskrifast
frá Listaháskóla Íslnds á árunum 2008­
2009. Allir velkomnir.
➜ Uppákomur
15.45 Barnaheill ­ Save the Children
á Íslandi ýta af stað átakinu Heillakeðju
barnanna 2012 sem verður í gangi
allt árið og er ætlað að vekja athygli
á málefnum um réttindi barna. Öllum
börnum er velkomið að taka þátt.
Mæting er á pallinn framan við Iðnó
þar sem allir fá neonljós áður en farið
verður í keðju í kringum tjörnina.
➜ Tónlist
22.00 Hljómsveitin Nýdönsk setur upp
sögustund í litla sal Borgarleikhússins.
Farið verður yfir sögurnar á bakvið lögin
og textana, skandalana og stórsigrana,
auk þess sem tónlistin umvefur allt.
Miðaverð er kr. 4.400.
16.00 Fjölbreytt samansafn hátalara
flytur nýja íslenska tónlist í sal
Tónverkamiðstöðvar Íslands, Skúlatúni
2 (efstu hæð). Tónleikarnir eru í
umsjón S.L.Á.T.U.R samtakanna sem er
sameiginlegur vettvangur frumlegustu
tónskálda Íslands, og öll tónlist sem flutt
verður er eftir meðlimi þeirra. Aðgangur
er ókeypis.
22.00 Gunnar Þórðarson og Tómas
Tómasson halda tónleika á Ob­La­Dí,
Frakkastíg 8. Aðgangseyrir er kr. 1.500.
22.00 Dj Krúsi heldur uppi stuðinu á
Prikinu.
22.00 Dj Einar þeytir skífum á
Glaumbar.
22.00 Tónleikar í tilefni sextugsafmælis
Péturs Wigelund Kristjánssonar
verða haldnir á Spot. Allur ágóði mun
renna í Minningarsjóð Péturs sem
úthlutar sigurvegurum Músíktilrauna
styrk ár hvert. Þorgeir Ástvalds verður
kynnir og fjöldi listamanna mun stíga á
stokk og heiðra minningu Péturs. Þar á
meðal eru þeir Stefán Hilmarsson, Páll
Rósinkranz, Magni Ásgeirsson, Bjartmar
Guðlaugsson og Guðmundur Jónsson.
Hljómsveitin Gildran mun svo spila
á dansleik að tónleikunum loknum.
Miðaverð er kr. 2.500.
23.00 Gullkistan, skipuð þeim Ásgeiri
Óskarssyni, Gunnari Þórðarsyni, Jóni
Ólafssyni og Óttari Felix Haukssyni,
spilar á Þrettándagleði Kringlukráarinnar
í kvöld. Aðgangseyrir er kr. 1.500, en
frítt fyrir konur til miðnættis.
➜ Uppistand
22.30 Pétur Jóhann Sigfússon og
Þorsteinn Guðmundsson slá saman í
uppistandsveislu í Gamla Bíói. Þeim
til aðstoðar er tónlistarmaðurinn Helgi
Svavar Helgason. Miðaverð er frá kr.
2.900.
Sunnudagur 8. janúar
➜ Tónleikar
18.00 Útskriftartónleikar Birgis Þóris­
sonar úr Listaháskóla Íslands verða
haldnir á Kjarvalsstöðum. Aðgangur er
ókeypis.
➜ Leiklist
20.00 Leikhópurinn Fullt Hús sýnir
leikverkið Póker eftir Patrick Marber
í Tjarnarbíó. Um er að ræða svarta
kómedíu í leikstjórn Valdimars Arnar
Flygenring. Miðaverð er kr. 3.400.
➜ Félagsvist
14.00 Allir velkomir að koma og spila
félagsvist í Breiðfirðingabúð, Faxafeni
14.
19.00 Bridge „Tvímenningur” verður
spilaður í Breiðfirðingabúð, Faxafeni 14.
Allir velkomnir.
➜ Sýningar
16.00 Lára Sveinsdóttir leik­ og
söngkona mun flytja ýmis vinsæl lög
Judy Garland og leiða áhorfendur
inn í stormasamt líf hennar. Henni
til aðstoðar verður Djasshljómsveit
Úlfs Eldjárns. Sýningin er sýnd í
Leikhúskjallaranum og er miðaverð kr.
2.900.
➜ Dansleikir
20.00 Félag eldri borgara í Reykjavík
stendur fyrir dansleik í félagsheimili
sínu, Stangarhyl 4. Danshljómsveitin
Klassík leikur létta danstónlist.
Aðgangseyrir er kr. 1.500 en kr. 1.300
fyrir félagsmenn FEB.
➜ Myndlist
15.00 Hugrún Þorsteinsdóttir
safnakennari leiðir skapandi
teiknismiðju og leiðsögn í
Hafnarhúsinu. Viðburðurinn er sniðin
fyrir börn á aldrinum 5­10 ára en
þátttöku foreldra er einnig vænst.
Upplýsingar um viðburði sendist á
hvar@frettabladid.is.
Tónleikar HHH
vínartónleikar
Sinfóníuhljómsveit Íslands
Stjórnandi: Willy Büchler, einsöngvari: Sigrún Hjálmtýsdóttir.
Dauft en samt fyndið
Ég hugsa að ekkert sé eins klassískt
og Vínartónleikar Sinfóníuhljómsveitar
Íslands. Þeir hafa verið haldnir í kringum
þrettándann á hverju einasta ári, lengur
en ég man eftir. Og nánast alltaf er
spiluð sama tónlistin. Til tilbreytingar eru
mismunandi söngvarar í aðalhlutverki —
yfirleitt konur. Annað er ekki á boðstólum.
Sinfónían er ekki eini tónlistarhópurinn
sem heldur slíka tónleika. Tríó Reykjavíkur
hefur gert það, sem og Salon Islandus.
Rétt eins og hjá Sinfóníunni er efnisskráin
þar mjög hefðbundin.
Auðvitað er ekkert að því. Þótt fátt sé eins útjaskað og Vínartónlist, getur
hún verið skemmtileg í réttu samhengi. Yfirleitt tengist hún ýmiss konar
sprelli, eins og títt er um uppákomur í kringum áramótin. Mælikvarðinn
á það hversu góðir slíkir tónleikar eru brandararnir. Ef þeir eru fyndnir
fyrirgefst margt.
Tónleikarnir nú voru nokkuð ærslafengnari en undanfarin ár. Það gerðist
eitt og annað skondið. Fólk skellti upp úr.
Diddú var einsöngvarinn að þessu sinni, og það var gaman að því hversu
vel heyrðist í henni alla leiðina upp á 22. bekk. Ég vona að fólkið á efstu
svölum hafi líka greint sönginn almennilega. Maður heyrði sjaldnast í
söngvurunum á Vínartónleikum í Háskólabíói!
Þrátt fyrir nokkra brandara var spilamennskan sjálf reyndar ekkert
sérstaklega ærslafengin. Það var ekki alveg ásættanlegt. Þótt aðalmálið á
Vínartónleikum sé húmorinn, verður flutningurinn líka að vera í lagi. Hann
verður að vera fjörugur og kraftmikill.
Söngurinn sjálfur var vissulega líflegur og léttur, alveg eins og hann átti
að vera. En Diddú kom bara fram í örfáum lögum. Í aðalhlutverkinu var
hljómsveitin sjálf. Stjórnandinn að þessu sinni, Willy Büchler, var fremur
stífur fyrst framan af. Sérstaklega þegar hann spilaði líka á fiðlu. Það vantaði
fútt í túlkunina. Í lögum þar sem engir brandarar voru, og enginn söngur, var
ekki laust við að manni leiddist.
Sem betur fer rættist úr þessu. En það var samt ekki fyrr en í
aukalögunum að stemningin var orðin eins og hún átti að vera. Þá voru
fagnaðarlætin líka hamslaus. Það var undarlega seint, þegar haft er í huga
að léttleiki átti að einkenna ALLA dagskrána. Jónas Sen
niðurstaða: Húmorinn bjargaði fremur dauflegum flutningi á vínartónleikum Sinfóníunnar.
Fundarstjóri: Helga Jörgensdóttir geðhjúkrunarfræðingur
08:00 - 08:30 Skráning og afhending ráðstefnugagna
08:30 - 08:40 Setning ráðstefnu
Unnur Heba Steingrímsdóttir geðhjúkrunarfræðingur og móttökustjóri BUGL
08:40 - 09:15 Þroski í gegnum þjáningu? Heimspekileg hugleiðing
Vilhjálmur Árnason prófessor í heimspeki við HÍ
09:15 -10:15 Brennt barn forðast eldinn: Þegar eldurinn verður að martröð-
áfallamiðuð hugræn atferlismeðferð fyrir börn
Ágústa I. Arnardóttir sálfræðingur BUGL
10:15 - 10:35 Kaffihlé

10:35 -11:00
11:05 -11:30
11:30 -11:55
Salur A
Fundarstjóri:
Hrefna Haraldsdóttir foreldraráðgjafi,
Sjónarhóli ráðgjafarmiðstöð
Ofbeldi gegn börnum á Íslandi:
afleiðingar og fyrirbyggjandi þættir
Bryndís Björk Ásgeirsdóttir PhD, lektor í sálfræði
við Háskólann í Reykjavík
Ofbeldi gegn börnum á Íslandi:
afleiðingar og fyrirbyggjandi þættir, frh.
Bryndís Björk Ásgeirsdóttir PhD, lektor í sálfræði
við Háskólann í Reykjavík
Börnum straffað með hendi og vendi -
Barnaverndartilkynningar er varða
líkamlegt ofbeldi gagnvart börnum
Steinunn Bergmann félagsráðgjafi
Barnaverndarstofu
Salur B
Fundarstjóri:
Dóra Guðrún Guðmundsdóttir sálfræðingur,
sviðstjóri áhrifaþátta heilbrigðis hjá Embætti
landlæknis
Deilur í fjölskyldum og líðan íslenskra unglinga
Geir Gunnlaugsson landlæknir
Ábyrgð og aðgerðir: Niðurstöður
þverfræðilegrar rannsóknar á einelti
meðal barna á Íslandi
Daníel Reynisson lögfræðingur, Hjördís Árnadóttir
skólafélagsráðgjafi og Sjöfn Kristjánsdóttir
uppeldis- og menntunarfræðingur
Olweusaráætlun gegn einelti og andfélagslegu
atferli: Árangur í 21 grunnskóla í Reykjavík í
ljósi efnahagskreppu
Þorlákur H. Helgason
framkvæmdastjóri Olweusaráætlunarinnar
12:00 - 13:00 Hádegisverðarhlaðborð
13:00 - 13:55 Healing the origins of trauma: EMDR in psychotherapy with children and adolescents
Dr. Robbie Adler-Tapia Psychologist, EMDRIA therapist certified in EMDR
14:00 - 14:20 Kaffihlé
14:20 - 15:05 Healing the origins of trauma: EMDR in psychotherapy with children and adolescents,
framhald
Dr. Robbie Adler-Tapia Psychologist, EMDRIA therapist certified in EMDR
15:05 - 15:50 Sjúkratilfelli og EMDR meðferð
Ragna Kristmundsdóttir sérfræðingur í geðhjúkrun barna og unglinga, BUGL
Unnur Heba Steingrímsdóttir geðhjúkrunarfræðingur, BUGL
15:50 - 16:00 Ráðstefnuslit með söng
Barnakór Kársnesskóla
Vinsamlegast tilkynnið þátttöku fyrir 10. janúar 2012
Verð: kr. 9.500 - kaffi og hádegisverðarhlaðborð innifalið. Starfsmenn LSH og nemar verð kr. 6.000
Skráning fer fram á vef Landspítalans: www.lsh.is/?PageID=15361
Þökkum styrktaraðilum
Frost er úti fuglinn minn…
Börn og áföll
Föstudagur 13. janúar, kl. 08:00-16:00 Laugardalshöll – 2.hæð
Ráðstefna BUGL 13. janúar 2012