Fréttablaðið - 31.03.2012, Qupperneq 108

31. mars 2012 LAUGARDAGUR68
K
ylfingurinn Tiger
Woods andar nú
ofan í háls málið á
keppinautum sínum
í aðdraganda fyrsta
stórmóts ársins,
Mastersmótsins, sem hefst á
Augusta- vellinum á fimmtu-
daginn í næstu viku. Bandaríkja-
maðurinn hefur hægt og bítandi
náð að efla leik sinn eftir hörmu-
legt gengi á golfvellinum undan-
farna 30 mánuði og voru margir
farnir að efast um að Woods gæti
snúið við blaðinu á ný.
Einkalíf Tigers Woods hefur
verið helsta fréttaefnið á þeim
tíma en nú gæti orðið breyting
þar á. „Tígurinn“ er búinn að
brjóta ísinn og landaði hann sínum
72. sigri í PGA-mótaröðinni sl.
sunnudag á Arnold Palmer-meist-
aramótinu. Þar með lauk rúm-
lega tveggja ára bið bandaríska
kylfingsins eftir sigri í atvinnu-
móti. En hann hefur aldrei, frá
árinu 1996, látið jafnlangan tíma
líða á milli sigra.
Allt frá því að framhjáhald
Tigers Woods varð aðalfréttaefn-
ið á heimsvísu í lok ársins 2009
hefur Tiger Woods verið langt frá
sínu besta. Og margir voru búnir
að afskrifa kappann. Hann sýndi
það á Bay Hill-vellinum um liðna
helgi að Tiger Woods er til alls lík-
legur. Hann er eftir sigurinn þriðji
sigur sælasti kylfingur PGA-móta-
raðarinnar frá upphafi með 72
sigra. Sam Snead er þar efstur með
82 sigra og Tiger Woods þarf aðeins
einn sigur til viðbótar til þess að
ná jöfnu við „Íslands vininn“ Jack
Nicklaus, sem er með 73.
Þrátt fyrir að skuggi hafi hvílt
yfir mannorði kylfingsins eftir
að upp komst um tvöfalt líferni
hans hans í nóvember 2009 eru
vin sældir Tigers Woods engu
líkar. Aðeins körfubolta maðurinn
Michael Jordan er á sama stalli
ef miðað er við sjónvarps-
áhorf. Undan farin 15 ár hefur
„Tigeræði“ ríkt á heimsvísu.
Metáhorf var á Masters mótið
árið 1997 þegar Tiger Woods land-
aði sínum fyrsta sigri á stórmóti.
Hann varð þar með yngsti sigur-
vegari mótsins frá upphafi, 21
árs gamall, en hann sigraði með
12 högga mun og „rústaði“ keppi-
nautum sínum. Mastersmótið
árið 2001, þar sem Tiger Woods
sigraði, er með annað hæsta sjón-
varpsáhorf í sögu golfíþróttar-
innar. Og þegar Tiger Woods var
fjarverandi í langan tíma árið
2008 vegna hnémeiðsla féll sjón-
varpsáhorfið um 47% að meðal-
tali á þeim mótum þar sem Woods
hafði keppt árið áður.
Í könnun sem gerð var nýlega
kom í ljós að Woods fékk 53%
atkvæða þegar spurt var um
hvaða kylfingi þátttakendur vildu
helst fylgjast með í sjónvarpi.
Norður-Írinn Rory McIllroy fékk
15% atkvæða og Phil Mickelson
7%.
Tímarnir hafa breyst og sam-
keppnin er mun meiri hjá bestu
kylfingum heims. Kylfingar frá
Bretlandseyjum skipa þrjú efstu
sætin á heimslistanum, Englend-
ingurinn Luke Donald er þar
efstur, ungstirnið Rory McIllroy
frá Norður-Írlandi er annar og
Englendingurinn Lee Westwood
er þriðji.
Í dag búast sjónvarps áhorf-
endur ekki við yfirburðasigrum
hjá Tiger Woods – sem var nánast
regla frekar en undantekning í
byrjun þessarar aldar. Almenn-
ingur fylgist nú með Woods til
þess að sjá hvort hann sé líklegur
til þess að ná fyrri getu, og sýni
yfirburði sína á ný. Eitt hefur ekki
breyst, það eru allir að fylgjast
með Tiger Woods.
Sigmundur Einar Másson,
Íslandsmeistari í höggleik 2006,
segir að sjálfstraustið leki af Tiger
Woods eftir sigurinn um sl. helgi
og það sé gott fyrir golf íþróttina
að fá hann í fremstu röð á ný.
„Sjálfstraust er mikill partur af
þessu og meira að segja hjá þeim
bestu. Mesta ógn Tigers er hann
sjálfur, ég held að hann sigri ekki
á Mastersmótinu en hann verður á
meðal 5 efstu. Tiger Woods tekur
samt einn af risa titlunum á árinu
2012. Það er erfitt að segja að
hann sé sá besti sem uppi hefur
verið en hann var langbestur
seinasta áratug en ég efast um
að einhver muni einhvern tímann
ná að vera með eins mikla yfir-
burði og hann var með frá 1998
til 2008,“ sagði Sig mundur Einar
sem er atvinnumaður í íþróttinni
og keppir fyrir GKG.
Hinn 36 ára gamli Tiger Woods
hefur gengið í gegnum miklar
breytingar allt frá árslokum 2009.
Eiginkona hans, Elin Nordgren,
fór frá honum þegar upp komst
um margra ára framhjáhald hans.
Frá þeim tíma hefur Woods fengið
nýjan mann á „pokann“ í stað
hins geðþekka Stevie Williams
frá Nýja-Sjálandi. Williams var
aðstoðarmaður Tigers Woods á 13
af þeim 14 stórmótum sem hann
hefur unnið. Woods hristi einnig
upp í þjálfarateymi sínu.
Fall Woods á heimslistanum
var gríðarlegt en hann var í efsta
sæti í lok ársins 2009 og hann
fór niður í það 58. – sem er lík-
lega botninn fyrir Woods. Eftir
sigurinn um sl. helgi er Woods
búinn að koma sér í upp í sjötta
sæti heimslistans. Aðeins tíminn
mun leiða í ljós hvort hann nái
fyrri styrk á ný.
Tiger nýtur enn gríðarlegra vinsælda
Bandaríski kylfingurinn bætti enn einum titlinum í safnið eftir 30 mánaða þrautagöngu. Útlit fyrir mjög harða keppni á fyrsta
stórmóti ársins. Sigurður Elvar Þórólfsson kannaði stöðuna á Tiger Woods sem andar nú ofan í hálsmálið á keppinautunum.
ENDURKOMA Tiger Woods náði að vinna golfmót um sl. helgi eftir 30 mánaða bið. Bandaríski kylfingurinn ætlar sér stóra hluti á Mastersmótinu sem hefst á fimmtudaginn á
Augusta-vellinum í Georgíu.
Hank Haney, einn þekktasti golf-kennari veraldar, er ekki ofar-
lega á jólakortalista Tiger Woods
á þessu ári, og Haney er líklega
bara alls ekki á þeim lista. Hinn
57 ára gamli Bandaríkja maður var
þjálfari Woods á árunum 2004-2010.
Á þessum tíma sigraði Woods á 6
stórmótum og vann yfir 30 mót í
PGA-mótaröðinni. Haney gaf út bók
í síðustu viku sem ber nafnið „The
Big Miss“ og þar dregur Haney
ekkert undan þar sem hann vitnar
í trúnaðarsamtöl þeirra á þessum
tíma. Haney er handviss um að
Tiger Woods sé sá besti frá upphafi
og þann kafla sé nú þegar búið að
skrifa í golfsöguna.
„Ég er viss um að það mun aldrei
koma fram kylfingur með eins
mikla hæfileika og Tiger Woods,“
sagði Haney á dögunum en hann
hefur verið gagnrýndur harðlega
fyrir útgáfu bókarinnar. Ekki síst
af öðrum golfkennurum sem eru
margir hverjir æfir yfir hegðun
Haney.
Að þeirra mati hefur Haney rofið
trúnað við kylfing sem var „skjól-
stæðingur“ hans áður. Margir
líkja þessu við trúnaðarskyldu lög-
fræðinga og jafnvel þagnarskyldu
presta. Haney er sama um þessar
skoðanir enda hefur hann ekki í
hyggju að starfa á ný sem þjálfari
hjá atvinnukylfingum í PGA-móta-
röðinni. Hann er vell auðugur og
rekur golfskóla víðs vegar um
Bandaríkin. Haney hefur einbeitt
sér að sjónvarpsþáttagerð um golf-
kennslu á undanförnum árum. Þar
er raunveruleikaþáttaröð um körfu-
boltamanninn Charles Barkley það
stærsta sem Haney hefur komið að –
enda verkefnið nánast ómögulegt og
það skilja þeir sem hafa séð Barkley
sveifla golfkylfu. Nánar verður
fjallað um þessa umdeildu bók í sér-
blaði um Mastersmótið sem kemur
út miðvikudaginn 4. apríl.
Umdeild bók hjá fyrrum þjálfara Woods
GOTT TEYMI Tiger Woods og Hank Han ey náðu góðum árangri á
sínum tíma þegar þeir unnu saman.
T iger Woods hefur á undanförnum ára-tug verið tekjuhæsti atvinnuíþrótta-
maður heims. Aðeins brot af tekjum hans
eru verðlaunafé á atvinnumótum. Tekjur
Woods hafa hins vegar minnkað töluvert
eftir að „geislabaugurinn“ var rifinn af
honum í lok ársins 2009. Hann var með
rétt um 8 milljarða kr. í árstekjur árið
2011 og er það um 40% lækkun frá árunum
þar á undan. Rétt um 4-5 milljarðar króna
farnir úr bókhaldinu.
Keppinautar hans hafa hagnast gríðar-
lega á vinsældum Woods. Heildarverð-
launafé í PGA-mótaröðinni var 70 milljón
dalir árið 1996 á fyrsta árinu sem Tiger
Woods var atvinnumaður. Frá þeim tíma
hefur verðlaunaféð hækkað gríðarlega
og í ár skipta kylfingarnir um 300 millj-
ónum dala á milli sín eða sem nemur 38
milljörðum króna og hefur þessi upphæð
því hækkað um 30 milljarða króna frá
árinu 1996. Hvað sem mönnum finnst um
Tiger Woods þá er ljóst að án hans væri
atvinnugolfið ekki eins vinsælt.
8 milljarða kr. árstekjur þrátt
fyrir 40% launalækkun
Kylfingurinn heitir í raun
Eldrick Tont Woods.
Fæddur: 30.12 desember 1975. (36
ára)
Hæð: 1,85 m.
Þyngd: 84 kg.
Sigrar á PGA-mótaröðinni: 72.
Tiger er í þriðja sæti yfir flesta sigra
frá upphafi.
Aðeins Sam Snead (82 sigrar) og
Jack Nicklaus (73 sigrar) eru þar
fyrir ofan.
Sigrar á Evrópumótaröðinni: 38.
Tiger er einnig í þriðja sæti yfir flesta
sigra frá upphafi á Evrópumóta-
röðinni. Aðeins Seve Ballesteros
(50) og Bernhard Langer (42) eru
fyrir ofan Tiger á þessum lista.
Sigrar á stórmótum, alls 14.
Er annar í röðinni á þessum lista.
Aðeins Jack Nicklaus er efstur með
18 risatitla.
Árangur Tigers:
Mastersmótið: (‘97, ‘01, ‘02, ‘05)
Opna bandaríska meistaramótið
(‘00, ‘02, ‘08),
Opna breska meistaramótið (‘00,
‘05, ‘06),
PGA-meistaramótið (99, 00, 06,
07).
TIGER WOODS
■ GRÍÐARLEG AUKNING Á VERÐLAUNAFÉ Á PGA MÓTARÖÐINNI