Fréttablaðið - 31.03.2012, Qupperneq 142

31. mars 2012 LAUGARDAGUR102
PERSÓNAN
Bæjarlind 16 - Kópavogur - Sími 553 7100 - www.linan.is
opið mánudaga til föstudaga 12 - 18 laugardaga 11 - 16
svefnpláss fyrir 2
140x200 cm
svefnpláss fyrir 2
140x200 cm
einfalt og fljótlegt að breyta í rúm
- extra þykk og góð springdýna
einfalt og fljótlegt að breyta í rúm
- góð springdýna
SUPREME
RECAST
deluxe
kr. 169.800
kr. 149.800
DAGUR & NÓTT
Söngkonan Þórunn Antonía Magn-
úsdóttir hyggst gefa út sína aðra
sólóplötu í upphafi sumars. Hún var
aðeins átján ára gömul þegar hún
sendi frá sér sína fyrstu sólóplötu.
Þórunn Antonía vinnur plötuna
í samstarfi við tónlistarmennina
Davíð Berndsen, Hermigervil og
Friðfinn Oculus Sigurðsson og segir
hún tónlistina dansvæna með vott
af áhrifum frá níunda áratugnum.
„Davíð býr úti í Portúgal og þess
vegna mætti segja að við höfum
átt í fjarsambandi síðustu mánuði.
Við sendum hvort öðru hugmyndir
og vinnum tónlistina þannig í sam-
einingu. Ég er með sannkallað dans-
tónlistar-stjörnuteymi á bak við mig
við gerð plötunnar,“ útskýrir Þór-
unn.
Hún hefur unnið að gerð plötunn-
ar undanfarið ár og vonast til þess
að klára upptökur á henni í maí.
Aðspurð segist hún ekki enn hafa
ákveðið nafn á væntanlegri plötu
en að vinnuheiti hennar sé Falling
In Love eftir fyrsta laginu sem fór
í spilun.
Þórunn segist spennt fyrir útgáf-
unni og kvíðir ekki gagnrýni. „Ég
er aðallega spennt og lítið stress-
uð. Lögin sem hafa farið í spilun
hafa fengið góðar viðtökur og það
róar taugarnar. Svo er maður líka
kominn með þykkan skráp eftir
öll þessi ár í bransanum og veit að
maður getur ekki glatt alla. Um leið
og maður fer að reyna það þá er
maður kominn út í vitleysu,“ segir
söngkonan.
Þórunn mun koma fram í
tengslum við RFF núna um helgina
auk þess sem hún mun spila á Aldrei
fór ég suður og AK Extreme. - sm
Vinnur með stjörnuteymi
GEFUR ÚT AÐRA SÓLÓPLÖTU Söngkonan
Þórunn Antonía Magnúsdóttir hyggst
gefa út sína aðra sólóplötu í byrjun
sumars. FRÉTTABLAÐIÐ/VALLI
„Við Bubbi erum orðnir mestu mátar, hann kall-
aði mig allavega elskuna sína í morgun,“ segir
kvikmyndagerðarmaðurinn Árni Sveinsson
sem er að leggja lokahönd á heimildarmynd um
tónlistarmanninn.
Heimildarmyndin fylgir með nýjustu plötu
Bubba sem er væntanleg með vorinu, en þar er
fylgst með upptökuferli plötunnar. Árni hefur
því fylgt Bubba eftir síðustu þrjár vikurn-
ar. „Ég er búinn að vera eins og fluga á vegg
hjá Bubba undanfarið og þetta hefur verið
skemmtilegt ferli,“ segir Árni en myndin hefur
ekki enn þá fengið nafn.
Myndin er tæpur klukkutími á lengd og í
henni kemur Mugison fram meðal annarra, en
hann og Bubbi syngja saman lagið Þorpið sem
er á plötunni. „Ég er mjög ánægður með útkom-
una, þetta er alvöru stöff,“ segir Árni.
Árni segist ekki vera neinn sérstakur Bubba-
aðdáandi en hann ber hins vegar mikla virðingu
fyrir tónlistarmanninum. „Ég get ekki sagt að
ég sé beint aðdáandi en ég kann mjög vel að
meta tónlistina hans. Það er einmitt fyndið að
segja frá því að platan Sögur af landi er fyrsta
platan sem ég fékk í jólagjöf,“ segir hann.
„Í myndinni sjáum við aftur sagnamann-
inn Bubba og ég á von á því að þessi plata
verði sú sem aðdáendur Bubba hafa verið
hvað mest að bíða eftir. Það má segja að
Bubbi sé að snúa aftur til upprunans,“
segir Árni sem beið spenntur eftir sím-
tali frá Bubba sem var að fara að sjá
myndina í fyrsta sinn í gær. „Það er
vonandi að þetta leggist vel í hann og að
við verðum enn þá góðir mátar á morg-
un.“ - áp
Árni Sveins eins og fluga á vegg hjá Bubba
SAGNAMAÐURINN BUBBI Árni
Sveinsson segir Bubba leita til
upprunans í nýju plötunni og ber
plötuna saman við Sögur af landi
sem kom út 1990. FRÉTTABLAÐIÐ/VALLI
„Þessi tvö nöfn, Kaleb og Joshua,
hafa verið mér huglæg mjög lengi
og það var í febrúar sem ég lét
verða af þessu og breytti nafninu
í tengslum við mínar lífsskoðanir,“
segir trúbadorinn og kabbalistinn
Kaleb Joshua sem hét áður Her-
mann Ingi Hermannsson.
Hann byrjaði að kynna sér
kabbalah-fræðin fyrir fimm árum
og í fyrra opnaði hann fyrstu mið-
stöð kabbalah á Íslandi á Laugaveg-
inum en tæplega fimmtíu kabbalist-
ar eru virkir hér á landi.
Tónlistarferillinn hófst aftur á
móti fyrir löngu eða þegar hann
var unglingur í Vestmannaeyjum.
Um 25 ár eru liðin síðan hann steig
sín fyrstu skref sem trúbador og
eftir það hefur hann spilað víða um
land nánast hverja einustu helgi við
góðar undirtektir.
Flestir þekkja hann undir nafn-
inu Hermann Ingi trúbador og því
kom það flatt upp á marga þegar
hann breytti nafninu sínu í þjóð-
skrá í Kaleb og hóf að koma fram
undir því nafni. „Þetta er búinn
að vera smá aðlögunartími og
fólk þarf að venjast þessu smám
saman,“ segir Kaleb og viðurkenn-
ir að breytingin hafi vakið athygli.
„Ég fæ mikið af spurningum eins
og „Hvaðan ertu?“ því fólk heldur
að ég sé útlendingur.“
Aðspurður segist hann ekki hafa
fundið fyrir fordómum í sinn garð.
„Það er kannski einhver hópur af
fólki sem er meira tengdur manni
sem var vanur hinu nafninu og skil-
ur ekki af hverju ég var að skipta
um nafn.“
Hluti af ákvörðuninni er sú að
Kaleb vildi með því draga sjálfan
sig fram í dagsljósið sem tónlistar-
mann. Hann bar sama nafn og faðir
hans sem var söngvari í Logum og
stofnandi Papanna. „Maður hefur
ekki fengið að njóta sín algjörlega
sem maður sjálfur því fólk er allt-
af að bera okkur saman. Við erum
líkir að mörgu leyti en ekki tónlist-
arlega séð. Þetta gefur mér tæki-
færi til að koma fram með nýtt efni
á mínum forsendum.“ Kaleb segir
það mesta furðu hve pabbi hans tók
nýja nafninu vel. „Ég hafði mestar
áhyggjur af því að segja honum frá
þessu en hann hafði góðan skilning
á þessari breytingu.“
Hann segir kabbalah ekki vera
trúarbrögð heldur andlega tækni-
fræði. „Þetta eru leiðbeiningar um
hvernig þú getur dregið fram það
besta í lífi þínu. Þú ert að fá vitn-
eskju um hvernig kerfið virkar og
það getur veitt þér ákveðið for-
skot,“ segir Kaleb.
freyr@frettabladid.is
KALEB JOSHUA: FÓLK HELDUR AÐ ÉG SÉ ÚTLENDINGUR
Hermann Ingi trúbador
heitir núna Kaleb Joshua
Stjörnurnar Madonna, Mick Jagger,
Beckham-hjónin, Demi Moore, Ant-
hony Kiedis úr Red Hot Chili Peppers,
Britney Spears, Stella McCartney,
Naomi Campell og Gwyneth Paltrow
aðhyllast allar Kabbalah-fræðin.
HEIMSÞEKKTIR KABBALISTAR
FRÉTTABLAÐIÐ/VALLI
NÝTT NAFN Trúbadorinn
og kabbalistinn Kaleb Jos-
hua breytti nafninu sínu
fyrir skömmu.
Sigrún Daníelsdóttir.
Aldur: 36 ára.
Starf: Sálfræð-
ingur.
Foreldrar:
Inga Norðdahl
svæðanuddari og
Daníel Þórarins-
son skógræktar-
nemi.
Fjölskylda:
Maðurinn heitir
Birgir Þórarinsson,
tónlistarmaður og meistaranemi
í hagfræði, og börnin heita Silja
Sóley, Rökkvi og Pétur Hrafn.
Búseta: Reykjavík.
Stjörnumerki: Tvíburi.
Sigrún er formaður íslenskra baráttusam-
taka um líkamsvirðingu.