Heimilisritið - 01.02.1958, Blaðsíða 15

Eg kyssi bara fyrir peninga
segir Ingrid Bergmann
,,VIÐ kyssum ekki hvort ann-
að nema fyrir borgun,“ sagði
Ingrid Bergman þegar hún var á
blaðamannafundi í London. Hún
var beðin um að kyssa Cary
Grant, sem á að leika á móti
henni í nýrri mynd, og blaða-
mannafundurinn var haldinn til
að segja frá myndinni. Það er
nýbyrjað á henni í Elstree-kvik-
myndaverinu í Englandi og
myndin á að heita Indiscreet.
Ingrid Bergman var róleg og
brosti blítt fyrir blaðamennina.
Það var ekki hægt að sjá á henni
nein merki sorgar eða iðrunar út
af skilnaðinum við eiginmann-
inn, ítalska kvikmyndaleikstjór-
ann Roberto Rossellini. Þau
höfðu ekki verið saman í nokkra
mánuði, en hittust þá á Orly-
flugvellinum í París og föðmuð-
ust heitt og innilega og lýstu yf-
ir því, að þau væru ákaflega
hamingjusöm. Nokkrum dögum
seinna kom tilkynningin um
skilnað þeirra.
Það er gizkað á, að ástæðan
fyrir því, að þau hjónin hafa slit-
ið samvistum, sé fyrst og fremst
sú, að Rossellini hefur verið að
daora við hinar og þessar kon-
ur, og seinast við indversku leik-,
konuna Sonali das Gupta, sem á
von á sér innan fjögurra mán-
aða. Önnur ástæðan er sú, að
Rossellini hefur verið í vandræð-
um með peninga, staurblankur
ef satt skal segja. Ingrid Berg-
man hefur unnið sér inn stórfé
í meira en hálft ár með því að
leika í leikritinu Tea and Sym-
pathy í París, og hver einasti
eyrir af því hefur farið í að borga
skuldir eiginmannsins. *
heimilisritið
13