Fréttatíminn - 16.03.2012, Qupperneq 35

Börn þurfa athygli og viðurkenningu
Traust, tengsl og sjálfsþekking eru
áhersluþættirnir sem fjallað er um á tíu
vikna námskeiði fyrir börn krabbameins-
greindra. Elísabet Lorange listmeðferðar-
fræðingur og Helga Jóna Sigurðardóttir,
iðjuþjálfi og ævintýrameðferðarfræð-
ingur, sjá um barnahópana. Námskeiðin
eru í Ljósinu, sem er endurhæfingar- og
stuðningsmiðstöð fyrir fólk sem hefur
fengið krabbamein eða blóðsjúkdóma og
aðstandendur þeirra.
Elísabet segir að oft veikist allir í fjöl-
skyldunni þegar annað foreldrið fær
krabbamein og tilgangur námskeiðisins
sé að börnin fái að koma á staðinn og fá
viðurkennt að þau séu að ganga í gegnum
sitt: „Þótt við séum ekki að kryfja það í
kjölinn.“
Elísabet segir algengast að þau vilji
ekki mikið tala um veikindi foreldra
þeirra. „Þau vilja eiginlega meira tala um
sig og hvað er að gerast í þeirra lífi og
fá athygli á það, sem er líka gott. Þetta
dagsdaglega drama getur orðið svo lítið í
samanburði við veikindi foreldris,“ segir
hún.
Elísabet segir pláss fyrir fleiri börn á
námskeiðum þeirra sem sé þeim að kostn-
aðarlausu, en þær bæta sjaldan börnum
við þegar liðið er á námskeiðið. - gag
Börnin sem blaðamaður hitti
þennan dag fá ekki einfaldar spurn-
ingar: Hvernig er að eiga foreldri
með krabbamein? Hvernig verður
lífið þegar mamma eða pabbi
læknast? Ef þau sáu ekki fram á að
svo yrði, voru þau spurð hvernig
þau sæju lífið fyrir sér án þeirra?
Þessi litlu ljós í Ljósinu snertu
streng hjá blaðamanni. Sumar
spurningarnar voru of flóknar en
þegar fyrir lá að svarið var hikandi
var ekki annað að gera en að um-
orða spurningarnar: Þurfa foreldr-
ar þínir oft að stóla á þig? „Jaaaá,“
var svarað hikandi, svo spurt var
aftur; Veistu hvað er að stóla á ein-
hvern? „Nei reyndar ekki.“ Útskýri
það og svarið breytist; „Nei, nei.“
Sjá fram á betri tíð
Arnþór Ingi Pálsson, er sjö ára í
öðrum bekk í Mýrarhúsaskóla.
Hann er á námskeiðinu ásamt
tvíburabróður sínum Ásmundi Ara.
„Pabbi minn var með krabbamein
en er það ekki lengur,“ segir Arn-
þór þar sem hann sest niður með
blaðamanni; einn því þeir bræður
vilja það heldur. Hann man ekki
Framhald á næstu opnu
Helga Jóna Sigurðarsdóttir og
Elísabet Lorange halda um hópinn.
Neðri röð: Páll Rist, Franklín Ernir
Kristjánsson, Björk Steinarsdóttir,
Brynja Jóhannsdóttir, Arnþór Ingi
og Ásmundur Ari Pálssynir. Mynd/Hari
fréttaskýring 35 Helgin 16.-18. mars 2012