Bændablaðið - 07.02.2013, Side 22
22 Bændablaðið | Fimmtudagur 7. febrúar 2013
Fagstjórar nýrrar Ráðgjafarmiðstöðvar landbúnaðarins:
Þurfum að setja okkur það markmið að vera leiðandi
Ráðgjafarmiðstöð landbúnaðarins
(RLM) tók til starfa um ára mótin.
Þar er Karvel L. Karvelsson
framkvæmda stjóri en þrír
fagstjórar eru honum til halds og
trausts sem yfirmenn hinna ýmsu
fagsviða Ráðgjafarþjónustunnar.
Þar er Gunnfríður Elín Hreiðars-
dóttir fagstjóri búfjárræktarsviðs
Ráðgjafar miðstöðvar land-
búnaðarins. Hún er með starfsstöð
á Hvanneyri eins og er en stefnir á
að færa sig til Akureyrar áður en
langt um líður.
Gunnfríður er stúdent frá
VMA, Búfræðingur og BS90 í
búvísindum frá Hvanneyri, Master
í búvísindum frá Dýralækna-
og landbúnaðarháskólanum í
Kaupmannahöfn. „Þá hef ég verið
í doktorsnámi við LbhÍ jafnframt
því að starfa sem landsráðunautur
í nautgriparækt og stunda kennslu
við LbhÍ.“
– Hvernig er skipulagi á þínu
fagsviði háttað?
„Sautján starfsmenn tilheyra
búfjárræktarsviðinu en allar
búfjárræktargreinarnar eru þar
innanborðs. Faghóparnir eru fimm,
stærstir eru hópar hrossaræktar,
sauðfjárræktar og nautgriparæktar
en þar að auki tilheyra loðdýr, svín
og alifuglar fagsviði búfjárræktar,
sem og þeir starfsmenn sem þjónusta
skýrsluhaldið á búfjárræktarsviðinu,
enda eru þau verkefni sem tengjast
framvæmd skýrsluhalds og
ræktunarstarfs umfangsmikill.
Búið er að skipa í og tilnefna
ábyrgðarmenn í öllum faghópum
en einnig verður lögð áhersla á að
nýta sérkunnáttu starfsmanna þvert
á búgreinar þar sem snertifletir eru
á verkefnum.“
– Hver eru þín fyrstu verkefni í
nýju starfi?
„Að kortleggja þau verkefni
sem falla undir svið búfjárræktar
og skipuleggja framkvæmd þeirra
innan nýs fyrirtækis. Mörg þessara
verkefna tengjast skýrsluhaldi og
ræktunarstarfi og mikilvægt er að
samfella haldist í þeim verkefum
þótt breytingar verði á skipulagi
ráðgjafarþjónustunnar en jafnframt
þarf að nota þetta tækifæri til að
endurskoða verkferla og fram-
kvæmd með það að markmiði
að nýta starfsfólk sem best og að
framkvæmdin verði sem skilvirkust.
Jafnframt þarf að hefja vinnu við að
skipuleggja endurmenntun og þróa
þá ráðgjöf sem verður í boði til
bænda.“
– Hver verða helstu markmið
þíns fagsviðs, á hvað verður helst
lagt áhersla?
„Að byggja upp þekkingu, efla
og þróa ráðgjöf handa bændum, sem
er í takt við þarfir og framtíðarsýn
einstakra búgreina sem og
landbúnaðarins í heild sinni.“
– Hver er framtíðarsýn þín fyrir
þitt fagsvið?
Að innan búfjárræktarsviðsins
vinni framsækið teymi ráðnauta
sem býr yfir öflugri sérþekkingu á
sviði búfjárræktar í sínum víðastas
skilningi og vinni í náinni samvinnu
við starfsmenn annara fagsviða svo
bændum standi til boða öflug og
heildstæð ráðgjöf varðandi sinn
búrekstur.“
– Að hvaða leyti munu störf
ráðunauta breytast í nýju fyrirtæki?
„Ef horft er til nánustu framtíðar
þá mun, í einhverjum tilfellum,
sérhæfing einstakra ráðunauta aukast
eða umfang þeirra verkefna sem þeir
sinna breytast að einhverju leyti.
Líklega verður þó mikilvægast fyrir
okkur sem vinnum hjá nýju fyrirtæki
að vinna út frá því að ráðunautastarf
er í eðli sínu starf sem krefst þess
af okkur að við séum stöðugt að
þróa okkur og aðlaga starf okkar að
þörfum landbúnaðarins og að við
þurfum að setja okkur það markmið
að vera leiðandi en ekki sá sem fylgir
í kjölfarið.“
– Hvaða mun breytast hjá bændum
sem áður hafa sótt leiðbeiningar til
Búnaðarsambanda?
„Ég tel að bændur munu fyrsta
kastið helst finna þá breytingu að þeir
hafi greiðari aðgang að sérþekkingu
sem kannski var ekki til staðar á við
komandi svæði. Til lengri tíma litið
vona ég að bændur muni fljótlega fara
að sjá að með aukinni endurmenntun
ráðunauta og endurskipulagningu
ráðgjafaþjónustunnar, eigi þeir
möguleika á heildstæðari og fjöl-
breyttari ráðgjöf,“ segir Gunnfríður.
Gunnfríður Elín Hreiðarsdóttir fag-
stjóri búfjárræktarsviðs.
Rekstarráðgjöf, bútækniráðgjöf og margvísleg staðbundin ráðgjöf
Runólfur Sigursveinsson er
fagstjóri búrekstrar, nýbúgreina og
hlunninda hjá Ráðgjafarmiðstöð
landbúnaðarins og er starfsstöð
hans á Selfossi.
Runólfur starfaði hjá Búnaðar-
sambandi Suðurlands frá maí
1993, þar á undan kennslu- og
stjórnunarstörf við Bændaskólann á
Hvanneyri frá árinu 1981 til 30. apríl
1993. Varð hann búfræðikandídat frá
Hvanneyri 1981 og stundaði nám
til kennsluréttinda frá HÍ 1984 og
lauk þrigga missera rekstrar- og
viðskiptanámi frá Endurmenntun
HÍ 2005.
– Hvernig er skipulagi á þínu
fagsviði háttað?
„Um er að ræða tiltölulega breitt
starfsvið. Í fyrsta lagi heilstæð
rekstrarráðgjöf, þar sem horft er á
búrekstur sem eina samhangandi
heild, felst bæði í að skoða styrkleika
og veikleika og greina tækifæri til
ná betri árangri, hvort sem það er í
núverandi rekstri og/eða að takast á
við tækifæri. Þá verður þarna inni
veigamikil fjármálaráðgjöf, bæði
m.t.t. langtímafjármögnunar og
eins, ef þörf er á, endurfjármögnun.
Í öðru lagi verður lögð áhersla á
ráðgjöf á sviði bútækni og orkumála.
Í þriðja lagi mun ég hafa umsjón með
staðbundinni ráðgjöf sem unnin er
vítt og breytt um landið. Alls verða
þetta 10 til 15 starfsmenn sem verða
á þessum sviðum fyrirtækisins til að
byrja með.“
– Hver eru þín fyrstu verkefni í
nýju starfi?
„Fyrstu skrefin að ná yfirsýn yfir
þau verkefni falla undir sviðið, skoða
hvernig unnið hefur að ákveðnum
verkum og móta með starfsmönnum
starfið til framtíðar.“
– Hvernig sérð þú fyrir þér að
starf sem tengist þínu fagsviði muni
þróast á næstu mánuðum?
„Smá saman verður til meiri
samfella í einstökum verkum og
verkefnum , nú verður horft til þess
að þjónustusvæðið er allt landið, áður
var þjónustan meira héraðabundin.“
Hver verða helstu markmið þíns
fagsviðs, á hvað verður helst lögð
áhersla?
„Áhersla til að byrja með verður
á að samhæfa eins og kostur er
vinnubrögð starfsmanna, í öðru
lagi að nýta sem best rekstrarlegar
upplýsingar sem til staðar eru hjá
hveri rekstrareiningu (búi), með það
að markmiði að ná betri árangri í
bústjórn. Loks að skoða möguleika
til nýbreytni og/eða breytingu á
núverandi rekstri.“
– Hver er framtíðarsýn þín fyrir
þitt fagsvið?
„Að styrkja þann grunn sem unn-
inn hefur verið af starfsmönnum
fagsviðanna nú þegar, og að bændur
sjái tækifæri og kosti til að nýta sér
sérhæfða ráðgjöf á þessum sviðum.“
– Að hvaða leyti munu störf
ráðunauta breytast í nýju fyrirtæki?
„Ábyrgð og verksvið einstakra
starfsmanna verður væntanlega
betur skilgreind en áður var og
eins er þjónustusvæðið landið allt
en ekki einstök svæði eða héruð.“
– Hvað mun breytast hjá bændum
sem áður hafa sótt leiðbeiningar til
Búnaðarsambanda?
„Til að byrja með með verður
ekki mikil breyting þar á – áhersla
verður lögð á að viðhalda eins og
kostur er staðbundinni þjónustu þó
svo sérhæfing aukist. Grunnurinn
verður eftir sem áður persónubundin
þjónusta í nærumhverfi en með
áherslu á að nýta sérhæfða þjónustu
eins og kostur er,“ segir Runólfur
Sigursveinsson að lokum.
Runólfur Sigursveinsson fagstjóri
búrekstrar, nýbúgreina og hlunn-
inda.
Mikið verður lagt upp úr því að vinna þvert á faghópa
Borgar Páll Bragason er fag stjóri
í nytja plöntum hjá Ráðgjafar-
miðstöð landbúnaðarins. Hann er
með starfsstöð á Hvanneyri.
Borgar er fæddur og uppalinn
á Bustarfelli í Vopnafirði. Hann er
stúdent frá Framhaldsskólanum á
Laugum, búfræðingur og búfræ-
ðikandidat frá Hvanneyri. Borgar
hefur starfað sem verkefnastjóri hjá
Bændasamtökum Íslands frá því námi
lauk árið 2005.
– Hvernig er skipulagi á þínu
fagsviði háttað?
„Faghóparnir eru þrír, jarðrækt,
fóðrun og garðyrkja en einnig til-
heyrir ráðgjöf í landnýtingu þessu
fagsviði. Alls tilheyra níu starfsmenn
sviði nytjaplantna, en starfsmenn
á öðrum fagsviðum munu einnig
starfa mikið við ráðgjöf sem fellur
hér undir og þá sérstaklega þeir sem
eru á fagsviði búrekstrar, nýbúgreina
og hlunninda. Ábyrgðarmenn stýra
faglegu starfi innan hvers faghóps
og vinna að framþróun ráðgjafar í
sinni grein. Mikið verður lagt upp úr
því að vinna þvert á faghópa og nýta
sérþekkingu starfsmanna sem mest.“
– Hver eru þín fyrstu verkefni í
nýju starfi?
„Fyrst er að ná utan um þau
verkefni sem núna er verið að sinna
og tryggja að bændur fái áfram góða
þjónustu. Næstu verkefni snúast um
að skipuleggja ráðgjafarstarfið og
verkferla þannig að bændum standi til
boða að fá sem besta þjónustu á þessu
sviði, óháð búsetu. Þá er að vinna
áfram með hugmyndir sem stuðla
að framþróun og meiri fjölbreytni í
ráðgjöf á þessu sviði.“
– Hver verða helstu markmið þíns
fagsviðs, á hvað verður helst lögð
áhersla?
„Helstu markmiðin eru ávallt þau
að geta boðið bændum upp á ráð-
gjöf sem þörf er á hverju sinni. Þess
vegna þurfa faghóparnir að fá tíma
og ráðrúm til að þróa ráðgjöfina svo
hún mæti óskum framtíðarinnar. Þá er
mjög mikilvægt að fleiri bændur sjái
hag sinn í því að leita eftir þjónustu
á þessu sviði.
Til að ná markmiðum er mikilvægt
að ráðunautar fylgist vel með öllum
nýjungum sem snúa að faginu.“
– Hver er framtíðarsýn þín fyrir
þitt fagsvið?
„Ég sé það fyrir mér að fagsviðið
muni eflast til muna í framtíðinni,
enda eru hér þær greinar sem eru
undirstaðan að velgengni búskapar.
Ég sé það fyrir mér að menn fari í
auknum mæli að nýta sér þá ráðgjöf
sem verður í boði og að það muni
skila sér í bættum búrekstri.“
– Að hvaða leiti munu störf
ráðunauta breytast í nýju fyrirtæki?
„Ráðunautar munu hafa meiri
faglegan stuðning og finna að þeir
þurfa ekki endilega að leysa öll
verkefni upp á sitt einsdæmi. Þeir eru
hluti af stærri heild. Verkefnum verður
stýrt þannig að sérfræðiþekking hvers
og eins nýtist sem best.“
– Hvaða mun breytast hjá
bændum sem áður hafa sótt
leiðbeiningar til Búnaðarsambanda?
„Fyrstu breytingarnar munu fyrst
og fremst felast í því að bændur
hafa nú aðgang að fjölbreyttari hópi
ráðunauta sem hafa sérþekkingu á
fjölmörgum sviðum.
Með tímanum munu bændur
síðan finna að þjónustan verður
enn faglegri og fjölbreyttari,“ segir
Borgar.
Borgar Páll Bragason fagstjóri í
nytjaplöntum.
Bændablaðið
Smáauglýsingar 56-30-300
Hafa áhrif um land allt!
Til sölu jörðin
Syðra-Fell í Eyjafjarðarsveit
Jörðin er í u.þ.b. 20 km fjarlægð frá Akureyri. U.þ.b. 25 hektarar
ræktaðs lands upprekstrarréttur er á Skjóldal.
Á jörðinni er ágætur húsakostur og heilmiklir nýtingarmöguleikar
fyrir áhugafólk um hestamennsku, flug, ferðaþjónustu o.s.frv.
Íbúðarhúsið er tæpir 200 fm. Góð aðstaða fyrir fé og hesta.
Fylgieignir u.þ.b 450 fm auk eigna sem ekki koma fram á fast-
eignamati.
Verð: 45 millj.
Allar nánari upplýsingar
á www.holtfasteign.is