Læknablaðið - 01.10.1971, Blaðsíða 35

LÆKNABLAÐIÐ
191
og einnig stærri sjúkrahús í kaupstöðum. 2. Framkvæmdaáætlun, fjár-
hagsáætlun og fjárveitingaáætlun þarf að gera og haga meðferð mála
nokkuð svipað því, sem tíðkazt hefur fyrr um skipan raforkumála.
3. Gera þarf nýjar reglur um greiðslur á rekstrarkostnaði lækninga-
stöðva. 4. Auka þarf fjárhagslega aðstoð frá ríkisins hálfu við stofn-
setningu lækningastöðva, bæði í dreifbýli og kaupstöðum. 5. Ef skipu-
lega yrði unnið að þessum málum, er minni hætta á, að handahófsleg
frumvörp komi fram á Alþingi, sem stundum geta gert meira tjón en
gagn með því að draga athygli stjórnmálamanna og almennings frá
aðalatriðum. 6. Koma þarf á nánari tengingu milli einstakra fram-
kvæmdaliða heilbrigðismála. 7. Nánari tengsl þarf milli starfrækslu
landhelgisgæzlu og heilbrigðisþjónustu. 8. Koma þarf upp sérstakri
skyndiþjónustu í samgöngumálum í þágu læknisþjónustu dreifbýlisins.
9. Komið getur til mála alger breyting á núverandi héraðslæknakerfi.
10. Efla þarf tengsl milli ungra lækna annars vegar og löggjafarvalds
og framkvæmdavalds heilbrigðismála hins vegar. Sennilega yrði heppi-
legast að koma á fót fastri heilbrigðislaganefnd, sem árlega endur-
skoðaði heilbrigðislöggjöfina og kæmi með tillögur um breytingar til
heilbrigðisstjórnar, sem síðan kæmi þeim á framfæri á Alþingi. Hlið-
stæðar nefndir til endurskoðunar laga eru þekktar í íslenzku stjórn-
unar- og löggjafarkerfi.
Gerðardómur L.f. Þrjú mál liggja nú fyrir gerðardómi L.f. Hið fyrsta
er kæra Gunnars Guðmundssonar vegna víta, sem
Læknafélag Reykjavíkur hafði samþykkt á hann í sambandi við stöðu-
veitingar og stöðuumsóknir við Landspítalann. Hafði Gunnar krafizt,
að vítur þessar yrðu dæmdar ómerkar.
Mál þetta hefur verið fyrir gerðardómi í meira en þrjú ár. Gagna-
söfnun er nú að mestu lokið, en dómurinn hefur aldrei verið kallaður
saman.
Hin tvö málin eru samferða fyrir dómnum og voru lögð fyrir hann
í desember 1969. Gagnasöfnun í þeim málum er lokið, og mun dómur
sá, sem fjallar um þau mál, en hann er að nokkru leyti skipaður öðrum
mönnum en þeim, sem fjalla um mál Gunnars Guðmundssonar, verða
kallaður saman, áður en langt líður.
Hér er um að ræða kæru Daníels Daníelssonar á hendur Gísla G.
Auðunssyni og Ingimari Hjálmarssyni og fyrirspurn Ingimars Hjálm-
arssonar varðandi framkomu Daníels Daníelssonar.
Forseti gerðardóms í þessum málum er Jón Steffensen, en forseti
gerðardóms í máli Gunnars Guðmundssonar gegn Læknafélagi Reykja-
víkur er Snorri Hallgrímsson.
Blaðaskrif Svo sem læknum er kunnugt, er alloft vikið að læknum
og læknisþjónustu í blöðunum og þá venjulega á neikvæð-
an hátt. Um þessi atriði hefur finnska læknafélagið gert allýtarlegar
rannsóknir, og vísast til skýrslu frá læknaþinginu í Ebeltoft varðandi
þetta atriði.
Tvær greinar, sem nýlega birtust í blöðum í Reykjavík, hafa verið
þess eðlis, að ástæða hefur þótt til þess að gera athugasemdir við þær.