Læknablaðið - 01.10.1971, Page 64

210
LÆKNABLAÐIÐ
lögð áherzla, að allir þessir aðilar þyrftu að vinna saman, bæði faglega,
fjárhagslega og félagslega til þess að mál þessi komist í sem bezt horf
fyrir framtíðarþróun.
YFIRLIT SÍÐUSTU TVEGGJA ÁRA
Noregur
Síðdegis 30. maí var rætt um það, sem gerzt hafði frá því síðasti
sameiginlegi fundur stjórna læknafélaga Norðurlanda var haldinn, og
gerði þá hvert land nokkra grein fyrir sínum málum.
í Noregi voru talin einna mikilvægust ný sjúkrahúslög, þar sem
gert er ráð fyrir því, að göngudeildavinna við sjúkrahúsin falli inn í
föst störf lækna, en þessi hluti laganna hefur enn eigi verið fram-
kvæmdur. Ríkið hefur sett á stofn nefnd til að gera tillögur um þróun
sjúkrahúsmála, unnið hefur verið að því að stytta vinnutíma lækna
og það talið þýðingarmesta atriðið. Gert er ráð fyrir því, að læknum
í Noregi fjölgi um 50% á árunum 1970-1980, og er það eigi talið full-
naígjandi.
Svíþjóð
Sænsku fulltrúarnir gerðu eingöngu grein fyrir hinu nýja fyrir-
komulagi á launagreiðslum til lækna, sem nefnt hefur verið eingreiðslu-
kerfið og er í stórum dráttum í því fólgið, að sjúklingar borgi 7,00 s.
kr. fyrir allar heimsóknir á göngudeildir sænskra sjúkrahúsa. Vinna
lækna við göngudeildir verður innifalin í föstum launum, og fyrir
þessar 7,00 s. kr. fær sjúklingurinn það, sem hann þarf á að halda,
hvort sem það er einn lyfseðill eða mjög víðtæk rannsókn, en sjúkra-
tryggingin borgar afganginn. Meðalkostnaður við hverja heimsókn
sjúklings á göngudeildir sænskra sjúkrahúsa er 38,00 s. kr. Svíar töldu,
að sjúkrahúslögin norsku væru nálega 10 árum á eftir því, sem gerzt
hefði í Svíþjóð, sama þróun myndi vera í því landi og þeir ættu að
vera undir það búnir að mæta henni.
Sænskir læknar hafa nú ákveðinn vinnutíma og föst laun fyrir
þann vinnutíma. Vinnutíminn er 42% klst. á viku, og þykir sænskum
læknum það allt of lágt. Við margvíslegar athuganir, sem gerðar voru,
áður en gengið var endanlega frá þessum samningum, sem reyndust
mjög langir og erfiðir, þá kom í ljós, að vinnutími lækna hafði verið
verulega lengri en þetta, þegar „ambulant“ vinna var reiknuð með
vinnutíma eða um 47-49 klst.
Laun læknanna voru reiknuð þannig, að teknar voru allar launa-
greiðslur til þeirra og tekjur af ,,ambulant“ vinnu, og þessari fjárhæð
síðan skipt milli læknanna eftir sérstökum reglum og þá einnig tii
þess ætlazt, að þeir inntu af höndum svipuð störf á spítölunu.m og
,,ambulant“ vinnu og áður hefði verið. Þó virðist gert ráð fyrir nokk-
urri læknafjölgun, sem svarar styttri vinnutíma. Afstaða sænskra
læknafélaga til þessara breytinga var yfirleitt jákvæð. Laun sumra
lækna hafa lækkað verulega, en allur fjöldi lækna fær nú hærri
greiðslur en áður og hefur styttri vinnutíma. Hefur því verið um að
ræða útjöfnun tekna. Til þess að gera þessa breytingu auðveldari